Read Tungag ИОАНЫН ИКИНӁИ КИЙАДЫ 1 Bible Online

ИОАНЫН ИКИНӁИ КИЙАДЫ 1 - Tungag bible

ИОАНЫН ИКИНӁИ КИЙАДЫ 1

¹Бӓн, пресвитер, селӓм йоллээрым Аллахтан сечилмиш чорбаӂыйкайа хем онун ушакларына, ангыларыны бӓн хакына северим. Диил салт бӓн, ама хепси, ким таныды аслылыы.

²Зерӓ аслылык биздӓ йашээр хем херзаман бизимнӓн олаӂэк.

³Бизимнӓн олаӂэк ииверги, аӂыйаннык, услулук Аллах Бобадан хем Сааби Иисус Христоздан, Бобанын Оолундан, аслылыкта хем севгидӓ.

⁴Бӓн пек севиндим, ани булдум кимисини сенин ушакларындан аслылык йолунда гезерӓк, ниӂӓ Бобадан сымарламак каблеттик.

⁵Шинди йалварэрым, чорбаӂыйка, — диил ани йазэрым сана бир ени сымарламак, ама ону, не баштан каблеттик, — севелим бири-биримизи.

⁶Будур севги, ки биз Онун сымарламакларына гӧрӓ йашайалым. Хем будур сымарламак, ниӂӓ баштан ишиттиниз, ани севги йолунда гезелим.

⁷Зерӓ чок алдадыӂы пейдаланды бу дӱннедӓ, ангылары каблетмеерлӓр, ани Иисус Христос гӱӱдейлӓн гелди. Бӧлӓ адамнар — алдадыӂы хем антихрист.

⁸Есап алын кендиниз, ки кайбетмейӓсиниз ону, нечин саваштыныз, ама еденӓсиниз бир бӱтӱн баашыш.

⁹Ким сырайы басэр да тутунмээр Иисусун ӱӱретмесиндӓн, онда йок Аллах. Ким тутунэр /Христозун/ ӱӱретмесиндӓн, онда вар хем Боба, хем Оол.

¹⁰Ким гелер сизӓ да гетирмеер бу ӱӱретмейи, ону евинизӓ каблетмейин хем селӓмнӓмейин.

¹¹Зерӓ ким селӓмнеер ону, пай алэр онун кӧтӱ ишлериндӓ.

¹²Чок ишлӓр ичин истеерим йазмаа сизӓ, ама истӓмеерим кийатта чернилайлан йазылы олсун. Умутланэрым гелейим сизӓ да лафедейим ӱз-бе-ӱз, ки долулуктан севинмелиимиз олсун.

¹³Селӓмнеерлӓр сени сенин сечилмиш кызкардашынын ушаклары. /Амин./