Read Tungag АПОКАЛИПСИС 15 Bible Online

АПОКАЛИПСИС 15 - Tungag bible

АПОКАЛИПСИС 15

¹Гӧктӓ гӧрдӱм башка бир бӱӱк хем шашмаклы нышан. Бу — еди ангил, ани ташыйардылар еди сон белалары. Аллахын ӱфкеси бу белаларлан битти.

²Гӧрдӱм сансын шишедӓн бир дениз, карышык атешлӓн. Дурэрлар бу шишедӓн дениз ӱстӱндӓ, Аллахтан арфалар еллериндӓ, оннар, ким ӂанавары, онун идолуну, /дамгасыны/ хем адынын сайысыны енседилӓр.

³Моисейин, Аллахын чыраанын, тӱркӱсӱнӱ хем Кузунун тӱркӱсӱнӱ чаларак, деерлӓр: «Бӱӱк хем шашмаклы Сенин ишлерин, Сааби Аллах, Чоккудретли! Доору хем хакына Сенин йолларын, миллетлерин [13] падишахы!

⁴Ким Сендӓн, Сааби, коркмээр да метиннӓмеер Сенин адыны? Зерӓ салт Сӓн айозсун. Хепси миллетлӓр гелеӂеклӓр да баш иилдеӂеклӓр Сенин ӧнӱндӓ, зерӓ белли олду Сенин доору ишлерин».

⁵Ондан сора бактым, да Айоз бина — гӧктеки Шаатлык чадыры — ачылды.

⁶Айоз бинадан чыкты еди ангил, ангылары ташыйардылар еди белайы, гиийимни темиз йалабык кетеннӓн хем гӱӱслериндӓн алтын кушаклан кушалы.

⁷Дӧрт йаратыын бириси еди ангилӓ верди еди алтын чӧлмек, долу Аллахын кызгынныыннан, Ким дивеч йашээр.

⁸Айоз бина Аллахын метиннииндӓн хем кудрединдӓн долду тӱтӱннӓн. Кимсей гирӓмеди Айоз бина ичинӓ, битмейинӂӓ еди ангилин еди беласы.