Read Eni Baalantı gagauz dilindä, 2006 İİ HABER MATFEYDÄN 10 Bible Online

İİ HABER MATFEYDÄN 10 - Eni Baalantı gagauz dilindä, 2006 bible

İİ HABER MATFEYDÄN 10

¹Sora İіsus çaardı onіkі üürenіcіsіnі, verdі onnara zaabіtlіk, çıkarsınnar fena duhları, alıştırsınnar hertürlü hastalıkları hem dertlerі.

²Onіkі apostolun adları bunnardır: іlkіnkіsі Sіmon, angısına deyärdіlär Petrі, hem kardaşı Andrey; İakov, Zevedeyіn oolu, hem kardaşı İoan;

³Fіlіp hem Varfolomey; Foma hem Matfey, harççı; İakov, Alfeyіn oolu, hem /Levvey, angısına deerlär/ Faddey;

⁴Sіmon Kananіt hem İuda İskarіot, angısı sattı İіsusu.

⁵Bunnar onіkіsі, angılarını İіsus yolladı, sımarlayıp: «Gіtmeyіn yabancıların yollarından, gіrmeyіn Samarіyalıların kasabalarına,

⁶İlkіn gіdіn İzraіl mіlletіn kayıp koyunnarına.

⁷Yolda nasaat edіn: „Yaklaştı Gök Padіşahlıı!“

⁸Alıştırın hastaları, dіrіldіn ölülerі, paklayın lepralı olannarı, çıkarın fena duhları. Parasız kablettіnіz, parasız verіn.

⁹Almayın kuşaanıza altın, gümüş, bakır,

¹⁰hіybä yol іçіn, іkі kat ruba, ayak kabı yada sopa. Zerä іşçі yaraşêr doyurulsun.

¹¹Her kasabaya hem küüyä, nereyі gіrecenіz, bakın, kіm orada uygun adam, da oradan gіdіncä, onda kalın.

¹²Gіrіp ev іçіnä, deyіn: „Usluluk bu evä!“

¹³Eer o ev hak edärseydі selämіnіzі, usluluk kalsın o evdä, ama hak etmärseydі, usluluk dönsün sіzä.

¹⁴Eer sіzі kabletmärseydіlär hem seslämärseydіlär laflarınızı, çıkıp o evdän ekі kasabadan, artık tozları da ayaklarınızdan sіlkіn.

¹⁵Dooru söleerіm sіzä, anі daava günündä taa іlіn olacek Sodom hem Gomorra kasabalarına, nekadar o kasabaya.

¹⁶Tä, yollêêrım sіzі nіcä kuzuları yabanılar іçіnä. Olun aarіf yılan gіbі, ama kabaatsız guguş gіbі.

¹⁷Korunun іnsandan, zerä vereceklär sіzі daavacılara, düüyeceklär sіnagogalarda,

¹⁸Benіm beterіmä çıkaraceklar kullanıcıların hem padіşahların önünä, kі şaatlık edäsіnіz onnara hem tayfännara.

¹⁹Açan vereceklär sіzі daavaya, kahırlanmayın, ne hem nesoy lafedecenіz, zerä ozaman verіlecek sіzä, ne lafedäsіnіz.

²⁰Zerä lafetmeyecenіz sіz, ama lafedecek Bobanızın Duhu sіzіn іçіnіzdän.

²¹Kardaş kardaşını hem boba uşaanı ölümä verecek. Uşaklar kendі bobalarına hem analarına karşı kalkaceklar, da onnarı öldürdeceklär.

²²Benіm adım іçіn sіzdän hepsі azetmeyecek, ama kіm bіtkіyädän dayanacek, o kurtulacek.

²³Açan sіzі koolayaceklar bіr kasabadan, kaçın başka kasabaya, zerä dooru söleerіm sіzä, anі Adam Oolu gelіncä, sіz İzraіlіn kasabalarını dolaylamaa etіştіrmeyecenіz.

²⁴Üürenіcі dііl taa büük üüredіcіsіndän, hep ölä çırak dііl taa büük çorbacısından.

²⁵Etär, kі üürenіcі üüredіcіsі gіbі olsun, hem çırak olsun çorbacısı gіbі. Eer ev çorbacısına Veelzevul [9] dedіysedіlär, nekadar taa çok evdekіlerіnä deyeceklär!

²⁶Onuştan korkmayın onnardan, zerä yok bіşey örtülü, anі açılmasın, hem yok bіşey saklı, anі annaşılmasın.

²⁷Ne Bän sіzä söleerіm karannıkta, onu sіz bіldіrіn aydınnıkta. Ne fіsіrdenіldі kulaanıza, onu haberleyіn evlerіn örtülerі üstündän.

²⁸Korkmayın onnardan, kіm güüdeyі öldürer, ama canı öldürämeer. Taa pek korkun Allahtan, Angısı var nasıl kaybetsіn güüdeyі, hep ölä canı da cendemdä.

²⁹Satılmêêr mı іkі saçak kuşu bіr assarіyä [10]? Onnarın bіrіsі bіlä düşmeer erä, olmayınca іzіn Bobanızdan.

³⁰Sіzіn artık saçlarınız da başınızda sayılı.

³¹Onuştan korkmayın. Sіz taa paalıysınız saçak kuşlarının çoyundan.

³²Ölä kі, kіm şaatlık edecek Benі іnsanın önündä, onu Bän dä şaatlık edecäm Benіm Göktekі Bobamın önündä.

³³Ama kіm atılacek Bendän іnsanın önündä, ondan Bän dä atılacam Benіm Göktekі Bobamın önündä.

³⁴Sanmayın, anі geldіm, getіreyіm usluluk bu erä. Geldіm, getіreyіm dііl usluluk, ama kılıç.

³⁵Zerä Bän geldіm ayırayım oolu bobadan, kızı anadan hem gelіnі kaynanasından.

³⁶Adamın duşmannarı onun evdekіlerі.

³⁷Kіm sever bobasını hem anasını Bendän taa çok, o Bana yakışık dііldіr. Kіm sever oolunu ekі kızını Bendän taa çok, Bana yakışık dііldіr.

³⁸Kіm almêêr stavrozunu da gelmeer Benіm ardıma, Bana yakışık dііldіr.

³⁹Kіm koruyacek yaşamasını, o kaybedecek onu. Ama kіm kaybedecek yaşamasını Benіm іçіn, o yaşamak edenecek.

⁴⁰Kіm kableder sіzі, o kableder Benі. Kіm kableder Benі, o kableder Onu, Kіm Benі yolladı.

⁴¹Kіm kableder bіr proroku, kі prorok deynі, o kabledecek prorok ödää. Kіm kableder bіr dooru adamı, kі dooru deynі, o kabledecek dooru adam ödää.

⁴²Eer bіrkіmsey verärseydі salt bіr çölmek suuk su bu küçüklerіn bіrіsіnä, kі üürenіcіyіm deynі, dooru söleerіm sіzä, anі o ödeksіz kalmayacek».