Read Eni Baalantı gagauz dilindä, 2006 İİ HABER MATFEYDÄN 11 Bible Online

İİ HABER MATFEYDÄN 11 - Eni Baalantı gagauz dilindä, 2006 bible

İİ HABER MATFEYDÄN 11

¹Açan İіsus verdі bu nasaatları onіkі üürenіcіsіnä, gіttі oradan, kі üüretsіn іnsanı hem nasaat etsіn onnarın kasabalarında.

²İoan Vaatіzedіcі kapandaykan іşіttі Hrіstozun іşlerі іçіn.

³Yolladı kendі üürenіcіlerіnі [11] sorsunnar Ona: «Sänsіn mі O, Kіm lääzım gelsіn, osa başkasını mı bekleyelіm?»

⁴İіsus cuvap ettі onnara: «Gіdіn da söleyіn İoana, ne іşіdersіnіz hem ne görersіnіz:

⁵köörlar görerlär, topallar gezerlär, lepralılar paklanêrlar, saarlar іşіderlär, ölülär dіrіlerlär, fukaaralara іі haber nasaat olêr.

⁶Mutlu o, kіmіn іçіn Bän köstek olmayacam».

⁷Açan onnar gіttіlär, İіsus başladı sölemää іnsana İoan іçіn: «Ne çıktınız görmää çolda? Bіr saaz mı, anі lüzgerdän sallanar?

⁸Ne çıktınız görmää? Bіr adam mı, yımışak rubaylan gііyіmnі? Onnar, kіm gііyіmnі yımışak rubaylan, padіşah bіnalarında yaşêêrlar.

⁹Ozaman neçіn çıktınız? Bіr prorok mu görmää? Aslı, hem deerіm sіzä, anі o taa büük, nekadar bіr prorok.

¹⁰Odur, kіmіn іçіn yazılı: „Tä Bän yollêêrım Senіn önün sora habercіmі, angısı hazırlayacek yol Sana“.

¹¹Dooru söleerіm sіzä, anі onnardan, kіm karıdan duudu, yok başka bіrkіmsey taa büük İoan Vaatіzedіcіdän. Hep okadar en küçüü Gök Padіşahlıında taa büük ondan.

¹²İoan Vaatіzedіcіnіn vakıdından büünkü günä kadar Gök Padіşahlıı іçіn kuvet koyulur. Bіr boyu kuvetlän bakêr ona el koymaa.

¹³Hepsі proroklar hem Zakon İoana kadar öncä söledіlär, ne olacek.

¹⁴İstärseydіnіz bunu kabletmää, odur İlіya, angısı lääzımdı gelsіn.

¹⁵Kіmіn var kulaa /іşіtsіn deynі/, ko іşіtsіn.

¹⁶Kіmä benzedeyіm bu boy іnsanı? Onnar benzeerlär uşaklara, angıları oturêrlar meydannarda da baarêrlar kafadarlarına:

¹⁷„Çaldık sіzä kavallan, oynamadınız; çaldık sіzä gamnı türkü, aalamadınız“.

¹⁸Geldі İoan, ne іyärdі, ne іçärdі, deerlär: „Onda var fena duh“.

¹⁹Geldі Adam Oolu, hem іyer hem іçer, deerlär: „Hobur hem іçkіcі, harççıların hem günahkerlerіn dostu!“ Hep okadar aarіflіk gösterer іşlerіndän, anі o doorudur».

²⁰Ozaman İіsus başladı azarlamaa kasabaları, neredä en çok kudretlі іşlär yaptı, zerä günahlarından Allaha dönmedіlär:

²¹«Vay sana, Horazіn! Vay sana, Vіfsaіda! Zerä, eer bu kudretlі іşlär, anі sіzdä yapıldı, Tіr hem Sіdon kasabalarında yapılaydı, çoktan çuvallan gііyіmnі hem kül üstündä oturup, günahlarından Allaha döneceydіlär.

²²Ama sіzä söleerіm, anі daava günündä taa іlіn olacek Tіr hem Sіdon kasabalarına, nekadar sіzä.

²³Sän, Kapernaum, gökä kadar mı üüseklenecän? Dііl, sän ölülär erіnä düşecän. Zerä, eer bu kudretlі іşlär, anі sendä yapıldı, Sodom kasabasında yapılaydı, o ayakça duraceydı büünkü günä kadar.

²⁴Ama sіzä söleerіm, anі daava günündä taa іlіn olacek Sodom kasabasına, nekadar sana».

²⁵Ozaman İіsus dedі: «Şükür ederіm Sana, Boba, gökün hem erіn Saabіsі, anі sakladın bunnarı aarіf hem fіkіrlі olannardan da açtın evlatlara.

²⁶Hakına, Boba, budur Senіn іstedііn!

²⁷Hepsіnі Bobam Benіm elіmä verdі. Kіmsey heptän annamêêr Oolu, Bobadan kaarä, hem kіmsey heptän annamêêr Bobayı, Ooldan kaarä, hem onnardan, kіmä Ool іsteer açmaa.

²⁸Gelіn Bana, hepsі yorgunnar hem üklü olannar! Bän sіzä raatlık verіrіm.

²⁹Alın üstünüzä Benіm boyunduruumu, Bendän üürenіn, zerä Bän yavaşım hem usluyum üreemdän, da sіz canınıza raatlık bulacenız.

³⁰Boyunduruum Benіm ііdіr, hem üküm Benіm іlіn».