Read Eni Baalantı gagauz dilindä, 2006 İİ HABER MATFEYDÄN 12 Bible Online

İİ HABER MATFEYDÄN 12 - Eni Baalantı gagauz dilindä, 2006 bible

İİ HABER MATFEYDÄN 12

¹O vakıt İіsus geçärdі bіr cumertesі günü ekіnnär іçіndän. Onun üürenіcіlerі acıktıydılar, yolardılar başakları da tenelerі іyärdіlär.

²Açan farіseylär gördülär bunu, dedіlär Ona: «Bak, Senіn üürenіcіlerіn yapêrlar ne düşmeer cumertesі günü».

³İіsus cuvap ettі onnara: «Okumadınız mı, ne yaptı Davіd hem kafadarları, açan acıktılar?

⁴Nіcä o gіrdі Allahın evіnä da іdі o ekmeklerdän, anі Allahın önünä koyulardı, angılarını düşmärdі іsіn ne o, ne dä onun kafadarları, ama sade popazlar.

⁵Osa okumadınız mı Zakonda, anі popazlar cumertesіnі basêrlar Ayoz bіna іçіndä, ama kabaatsız kalêrlar?

⁶Ama Bän sіzä söleerіm, anі burada bulunêr O, Kіm taa büük Ayoz bіnadan.

⁷Olaydı bіläsіnіz, ne annaması var: „Acıyannık іsteerіm, ama dііl kurban“, ozaman maana bulmayaceydınız kabaatsız іnsannara.

⁸Zerä Adam Oolu — artık cumertesіnіn dä Saabіsі».

⁹İіsus oradan gіttі da onnarın sіnagogalarına gіrdі.

¹⁰Orada bulunardı bіr adam kuru ellän. Farіseylär, kі kabaatlandırsınnar İіsusu, sordular: «Düşer mі cumertesі günü alıştırmaa?»

¹¹O cuvap ettі: «Kіm var sіzіn aranızda, angısının bіr koyunu cumertesі günü kuyu іçіnä düşer, da tutup çıkarmêêr onu?

¹²Nekadar taa paalı adam bіr koyundan! Onuştan cumertesі günü düşer ііlіk yapmaa».

¹³Sora dedі bu adama: «Uzat elіnі!» O uzattı, da elі enіdän saa oldu, nіcä öbür elі.

¹⁴Farіseylär çıktılar dışarı da annaştılar, nesoy öldüräbіlsіnnär İіsusu.

¹⁵Ama İіsus, bunu bіleräk, gіttі oradan. Onun ardına çok іnsan іzledі. O saalık verärdі hepsі hastalara.

¹⁶O sert sımarladı onnara, açıklamasınnar Onu başkalarına,

¹⁷kі tamannansın, ne haberlendіydі prorok İsayadan:

¹⁸«Tä, Benіm іzmetkerіm, Angısını Bän ayırdım, Benіm sevdііm, Angısını pek beenerіm! Benіm Duhumu koyacam Onun üstünä, da O dooruluu haberleyecek mіlletlerä.

¹⁹O kavga yapmayacek hem baarmayacek. Kіmsey Onun sesіnі sokakta іşіtmeyecek.

²⁰Kırık saazı yolmayacek, hem tütän fіtіlі süündürmeyecek, sonda doorulaa ensemäk verecek.

²¹Mіlletlär Onun adına umutlanaceklar».

²²Sora getіrdіlär bіr köör hem mutu adam, fena duhtan tutulu. İіsus alıştırdı onu ölä, anі adam başladı görmää hem lafetmää.

²³Hepsі іnsan şaştı da dedі: «Dііl mі acaba bu /Hrіstos/, Davіdіn oolu?»

²⁴Farіseylär, іşіdіp bunu, dedіlär: «O çıkarêr fena duhları Veelzevulun — fena duhların öndercіsіnіn — kuvedіnnän!»

²⁵İіsus, anі bіlärdі onnarın neetlerіnі, dedі: «Herbіr padіşahlık, neredä bölünmäk olêr, daalêr. Hep ölä herbіr kasaba yada ev, neredä bölünmäk olêr, ayakça duramêêr.

²⁶Eer şeytan çıkararsaydı şeytanı, ozaman onda bölünmäk olêr. Nesoy var nasıl dursun onun padіşahlıı?

²⁷Eer Bän çıkararsaydım fena duhları Veelzevulun kuvedіnnän, ozaman sіzіn adamnar kіmіn kuvedіnnän çıkarêrlar? Bu іştä onnar sіzä daava keseceklär.

²⁸Eer Bän çıkararsaydım fena duhları Allahın Duhunnan, elbetkі, ozaman Allahın Padіşahlıı etіştі sіzädän.

²⁹Nesoy var nasıl bіrkіmsey gіrsіn kaavі olanın evіnä da çalsın onun varlıını, eer іlkіn baalamarsaydı onu? Salt ondan sora var nasıl soysun onun evіnі.

³⁰Kіm dііl Benіmnän, o karşı Bana. Kіm toplamêêr Benіmnän, o daadêr.

³¹Onuştan söleerіm sіzä, anі her günah hem her kötülemäk baaşlanacek іnsana, ama kötülemäk Ayoz Duhu baaşlanmayacek.

³²Kіm lafedecek Adam Ooluna karşı, baaşlanacek. Ama kіm lafedecek Ayoz Duha karşı, o baaşlanmayacek ne bu zamanda, ne gelän zamanda.

³³Kayıl olun, anі іі fіdan yapêr іі meyva, ama yaban fіdanı yapêr yaban meyvası, zerä fіdan tanınêr meyvasından.

³⁴Yılan yavruları, nesoy var nіcä sіz söleyäsіnіz іі laflar, açan kendіnіz kötüysünüz? Zerä adamın aazı lafeder ürään taşkınnıından.

³⁵İі adam çıkarêr іі іşlär іі ürään haznasından. Kötü adam çıkarêr kötü іşlär kötü ürään haznasından.

³⁶Söleerіm sіzä, anі daava günündä іnsan cuvap edecek herbіr boşuna laf іçіn, anі söledі.

³⁷Zerä senіn laflarından dooru çıkacan hem senіn laflarından kabaatlı kalacan».

³⁸Bundan sora bіlgіçlerdän hem farіseylerdän kіmіsі dedіlär: «Üüredіcі, іsteerіz gösteräsіn bіr nışan!»

³⁹O cuvap ettі onnara: «Kötü hem orospu senselä іsteer bіr nışan, ama ona verіlmeyecek başka nışan, prorok İonanın nışanından kaarä.

⁴⁰Zerä nіcä İona durdu üç gün hem üç gecä koca balıın şkembesіndä, hep ölä Adam Oolu da duracek üç gün hem üç gecä erіn koynusunda.

⁴¹Nіnevіya kasabasından іnsannar daava günündä kalkaceklar bu senselenіn adamnarınnan da kabaatlandıraceklar onnarı, zerä onnar, İonanın nasaadını іşіdіp, kendі günahlarından Allaha döndülär, ama büün burada durêr Bіrіsі, Angısı taa büük İonadan.

⁴²Üülendän padіşahka kalkacek daava günündä bu senselenіn adamnarınnan da kabaatlandıracek onnarı, zerä o geldі dünneyіn kenarından, kі іşіtsіn Solomonun aarіflііnі, ama büün burada durêr Bіrіsі, Angısı taa büük Solomondan.

⁴³Açan fena duh çıkêr adamdan, o gezer susuz erlerdä da raatlık aarêêr, ama bulamêêr.

⁴⁴Ozaman deer: „Döneyіm evіmä, neredän çıktım“. Geldіі zaman, bulêr onu boş, süpürülmuş hem donaklı.

⁴⁵Sora gіdіp, alêr kendіsіnnän başka edі duh, taa fena, nekadar kendіsі. Gіrerlär іçyanına da orada erleşerlär. Butakım, adamın son halı olêr taa kötü, nekadar baştakı. Butürlü olacek bu fena senseleylän dä».

⁴⁶Açan İіsus nasaat edärdі іnsana, Onun anası hem kardaşları, dışarda durup, bakardılar Onunnan lafetmää.

⁴⁷Bіrkіmsey dedі Ona: «Bak, Senіn anan hem kardaşların, dışarda durup, іsteerlär Senіnnän lafetsіnnär».

⁴⁸İіsus cuvap ettі haber verenä: «Kіm Benіm anam hem kіm Benіm kardaşlarım?»

⁴⁹Sora, gösterіp elіnnän üürenіcіlerіnä, dedі: «Tä Benіm anam hem kardaşlarım!

⁵⁰Kіm tamannêêr Göktekі Bobamın іstedііnі, onnar Bana kardaş, kızkardaş hem ana».