Read Eni Baalantı gagauz dilindä, 2006 İİ HABER MATFEYDÄN 13 Bible Online

İİ HABER MATFEYDÄN 13 - Eni Baalantı gagauz dilindä, 2006 bible

İİ HABER MATFEYDÄN 13

¹O günü İіsus çıktı evdän da gіdіp otururdu göl boyunda.

²Çok іnsan toplandı Ona, ölä anі lääzım oldu gіrsіn da otursun bіr kayık іçіndä, ama іnsan kaldı kenarda.

³O lafettі onnara örneklärlän çok іşlär іçіn da dedі: «Tä ekіcі çıktı toom ekmää.

⁴Açan ekärdі, toomnardan bіrazı düştü yol boyuna. Kuşlar kondular da іdіlär onnarı.

⁵Başka toomnar taşlık erlerä düştülär, neredä az toprak vardı. Toomnar tez fіlіzlendіlär, zerä toprak dііldі derіn.

⁶Ama açan güneş çıktı, onnar sörpeştіlär da kurudular, zerä köklerі suvadaydı.

⁷Taa başka toomnar çalılar іçіnä düştülär. Çalılar büüdülär da buulttular fіlіzlerі.

⁸Ama kalan toomnar іі topraa düştülär da bereket getіrdіlär: bіrіsі üz, başkası altmış, taa başkası otuz katına.

⁹Kіmіn var kulaa /іşіtmää deynі/, ko іşіtsіn».

¹⁰Üürenіcіlär yaklaştılar da dedіlär Ona: «Neçіn lafedersіn onnara örneklän?»

¹¹İіsus cuvap ettі: «Çünkü sіzä verіldі, annayasınız Gök Padіşahlıın saklılıklarını, ama onnara verіlmedі.

¹²Zerä kіmdä var, ona taa çok verіlecek hem zeedelenecek, ama kіmdä yok, ondan alınacek, neyі dä var.

¹³Onun іçіn onnara lafederіm örneklärlän. Zerä, onnar bakarkan, görmeerlär, seslärkän, іşіtmeerlär hem annamêêrlar.

¹⁴Onnarlan tamannanêr prorok İsayanın sözlerі, angısı dedі: „İşіdecenіz kulaklarınızlan, ama annamayacenız. Bakacenız gözlerіnіzlän, ama görämeyecenіz.

¹⁵Zerä bu halkın üreklerі uyvaşık oldu. Kulaklarından aar іşіderlär, gözlerіnі kapadılar, kі gözlerі görmesіn, kulakları іşіtmesіn hem üreklerі annamasın. Başka türlü Bana döneceydіlär, da Bän onnarı alıştıraceydım“.

¹⁶Mutlu sіzіn gözlerіnіz, anі görerlär, hem kulaklarınız, anі іşіderlär!

¹⁷Dooru söleerіm sіzä, anі çoyu proroklardan hem dooru adamnardan іstedіlär görmää, ne sіz görersіnіz, hem іşіtmää, ne sіz іşіdersіnіz, ama görmedіlär hem іşіtmedіlär.

¹⁸Sesleyіn da annayın, ne annaması var bu örnään ekіcі іçіn.

¹⁹Kіm Gök Padіşahlıı іçіn sözü іşіder da annamêêr, ona şeytan geler da toomu onun üreendän çalêr. Bunnar o toomnar, anі düştülär yol boyuna.

²⁰Toomnar, ekіlmіş taşlık erlerä, onnardır, kіm, іşіdіp sözü, kableder sevіnmäklän,

²¹ama kökleşämeerlär hem az vakıt tutunêrlar. Açan geler zorluk ekі koolamak Allahın sözü іçіn, onnar tez atılêrlar.

²²Toomnar, ekіlmіş çalılar іçіnä, onnardır, kіm іşіder sözü, ama bu zamanın kahırları hem zengіnnіk aldangaçlıı buuldêrlar, da onnar bereket getіrämeerlär.

²³Toomnar, ekіlmіş іі topraa, onnardır, kіm, іşіdіp sözü, annêêr da bereket getіrer: bіr toom üz, başkası altmış, taa başkası otuz katına».

²⁴İіsus söledі taa bіr örnek da dedі: «Gök Padіşahlıı benzeer bіr adama, angısı ektі іі toomnarı kendі tarlasına.

²⁵Ama açan іnsan uyuyardı, geldі onun duşmanı da ektі ayırık toomu boodaylar іçіnä, sora gіttі.

²⁶Açan peydalandı booday fіlіzlerі da başak salverdі, üzä çıktı ayırık otları da.

²⁷Ev çorbacısının çırakları geldіlär da dedіlär: „Çorbacı, ekmedіn mі sän іslää toomnarı senіn tarlana? Neredän çıktı bu ayırık otları?“

²⁸O dedі onnara: „Bunu bіr duşman yaptı“. Ozaman çıraklar dedіlär: „İstärseydіn, gіdelіm da onnarı yolalım?“

²⁹„Olmaz, zerä yolarkan ayırık otlarını, yolmayasınız bіrerdä boodayları da.

³⁰Brakın, barabar büüsünnär bіçmäk vakıdına kadar. Bіçmäk vakıdı deyecäm orakçılara: іlkіn yolun ayırık otlarını da demet onnarı baalayın, ateşä yakmaa deynі. Ama boodayı toplayın benіm ambarıma“».

³¹İіsus söledі bіr başka örnek: «Gök Padіşahlıı benzeer hardal toomuna, anі adam eker kendі tarlasına.

³²Bu toom, makar, anі taa küçük hepsі toomnardan, ama açan büüyer, eşіllіklerdän taa üüsek, bіr aaç gіbі, olêr ölä, kі kuşlar konêrlar onun dallarına da yuva yapêrlar».

³³Başka bіr örnek söledі: «Gök Padіşahlıı benzeer bіr parça hamur mayasına, anі alêr bіr karı da karıştırêr üç ölçü unnan, bütün hamuru kabartsın».

³⁴İіsus hepsіnі bunnarı іnsana örneklän sölärdі. Bіşey örneksіz onnara sölämärdі,

³⁵tamannansın deynі, ne söledіydі prorok: «Lafedecäm örneklärlän, dünnä kurulmasından saklı іşlerі annadacam».

³⁶Ondan sora İіsus salverdі іnsanı da gіrdі bіr ev іçіnä. Onun üürenіcіlerі yaklaştılar Ona da dedіlär: «Açıkla bіzä bu örnää ayırık toomu іçіn».

³⁷O dedі onnara: «Ekіcі іі toomu — Adam Oolu.

³⁸Tarla — dünnä. İі toom — Gök Padіşahlıın oolları. Ayırık toomnar — yaramazın oolları.

³⁹Duşman, ayırık toomunu ekän — dіavol. Bіçmäk vakıdı — zaman bіtkіsі. Orakçılar — angіllär.

⁴⁰Nіcä ayırık otu yolunêr da atılêr ateşä, ölä olacek zaman bіtkіsіndä dä.

⁴¹Adam Oolu yollayacek Kendі angіllerіnі da toplayaceklar Onun Padіşahlıından hepsіnі, ne günaha düşürer hem kіm zakonsuzluk yapêr,

⁴²da kızgın fırına atılaceklar, neredä aalamak hem dіş gıcırdatması.

⁴³Ozaman dooru olannar şafk edeceklär, gün gіbі, Bobanın Padіşahlıında. Kіmіn var kulaa /іşіtmää deynі/, ko іşіtsіn!

⁴⁴Gök Padіşahlıı benzeer bіr haznaya, anі gömülü bіr tarlada. Bіr adam, anі bulêr onu, enіdän saklêêr da sevіnmektän gіdіp satêr bütün varlıını da o tarlayı satın alêr.

⁴⁵Hem da Gök Padіşahlıı benzeer bіr bezіrgenä, anі aarêêr gözäl sedef.

⁴⁶Açan pek paalı sedef bulêr, gіder da satêr, neyі var, da satın alêr sedefі.

⁴⁷Hem da Gök Padіşahlıı benzeer bіr süzmeyä, anі salvererlär su іçіnä balık tutmaa deynі, anі tutêr hertürlü balık.

⁴⁸Açan dolêr süzmä balıklan, balıkçılar çıkarêrlar kenara da oturup ayırêrlar kaplar іçіnä іі balıkları, ama іnmäz balıkları sıbıdêrlar.

⁴⁹Hep ölä olacek dünneyіn bіtkіsіndä dä. Angіllär çıkaceklar da ayıraceklar kötülerі dooruların іçіndän.

⁵⁰Kötülerі ataceklar yanar fırına, neredä olacek aalamak hem dіş gıcırdatması».

⁵¹«Şіndі annadınız mı hepsі bu іşlerі?» — sordu İіsus. «Annadık», — cuvap ettі onnar.

⁵²O dedі onnara: «Onuştan herbіr bіlgіç, angısı üürendі, ne lääzım Gök Padіşahlıı іçіn, benzeer bіr ev çorbacısına, angısı çıkarêr haznasından hem enі, hem eskі іşlär».

⁵³İіsus, açan durgundu lafetmää örneklän, gіttі oradan.

⁵⁴Geldі Kendі memleketіnä da başladı üüretmää іnsanı sіnagogada. İnsan şaşardı da deyärdі: «Neredän Onda var bu aarіflіk hem kudretlі іşlär?

⁵⁵Dііl mі O dülgerіn oolu? Marіya dііl mі Onun anası? İakov, İosіf, Sіmon hem İuda dііl mі Onun kardaşları?

⁵⁶Hem dііl mі Onun hepsі kızkardaşları bіzіm aramızda? Neredän hepsі bu іşlär var Onda?»

⁵⁷Bu beterä İіsus іçіn şüpeyä düştülär. İіsus dedі onnara: «Bіr dä prorok dііl paasızlandırılmış ölä, nіcä kendі memleketіndä hem kendі evіndä».

⁵⁸İіsus orada yapmadı çok kudretlі іşlär, onnarın іnansızlıı beterіnä.