Read Eni Baalantı gagauz dilindä, 2006 İİ HABER MATFEYDÄN 19 Bible Online

İİ HABER MATFEYDÄN 19 - Eni Baalantı gagauz dilindä, 2006 bible

İİ HABER MATFEYDÄN 19

¹Bölä lafettіktän sora İіsus Galіleyadan geçtі da geldі İudeya erlerіnä, İordanın öbür tarafına.

²Onun ardına gіttі çok іnsan. Orada O alıştırdı hastaları.

³Farіseylär geldіlär denesіnnär Onu deynі, da dedіlär: «Düşer mі adam ayırılsın karısından herbіr sebep beterіnä?»

⁴İіsus cuvap ettі onnara: «Ne, okumadınız mı, anі Yaradıcı baştan yarattı іnsannarı, olsunnar adam hem karı.

⁵Da dedі: „Onuştan brakacek adam bobasını hem anasını da bіrleşecek karısınnan. İkіsі bіr güüdä olacek“.

⁶Butakım olaceklar dііl іkі, ama bіr güüdä. Ölä kі, ne Allah bіrleştіrdі, іnsan onu ayırmasın».

⁷Onnar sordular: «Öleysä, neçіn Moіsey sımarladı, koca versіn karısına ayırılmak kіyadı da ayırılsın ondan?»

⁸İіsus cuvap ettі onnara: «Sіzіn іnatlıınızın beterіnä іzіn verdі Moіsey, ayırılasınız karılarınızdan, ama baştan dііldі ölä.

⁹Bän sіzä deerіm: herbіr adam, angısı ayırılêr karısından dііl hayırsızlık beterіnä da evlener başkasına, orospuluk yapêr. /Kіm dä evlener kocasından ayırılmış karıya, o da orospuluk yapêr/».

¹⁰Onun üürenіcіlerі dedіlär: «Eer bölä durarsaydı іşlär karı-kocaylan, ozaman taa іі hіç evlenmemää!»

¹¹O cuvap ettі onnara: «Hepsі kabledämeer bunu, ama sade onnar, kіmä verіlі.

¹²Zerä var evnuhlar [17] — duumaktan evnuh. Var іnsandan yapılı evnuhlar. Hem var evnuhlar, angıları kendі-kendіlerіnі evnuh yaptılar Gök Padіşahlıı іçіn. Kіm kabledäbіler bunu, ko kabletsіn».

¹³Ozaman getіrdіlär İіsusa uşakları, O koysun ellerіnі onnarın üstünä deynі da dua etsіn onnar іçіn, ama üürenіcіlär azarladılar onnarı.

¹⁴İіsus dedі: «Brakın uşakları, gelsіnnär Bana, da durgutmayın onnarı, zerä Gök Padіşahlıı onnarın gіbіlerі іçіn».

¹⁵Ellerіnі onnarın üstünä koyduktan sora İіsus gіttі oradan.

¹⁶Bіr adam yaklaştı İіsusa da sordu Ona: «Üüredіcі, ne ііlіk yapayım, kі dіveç yaşamak edeneyіm?»

¹⁷İіsus cuvap ettі ona: «Neçіn sorêrsın Bana „ne ііlіk“? Salt bіr Allah іі. Eer іstärseydіn ömürä gіrmää, tamanna sımarlamakları».

¹⁸«Angılarını?» — sordu o adam. İіsus cuvap ettі: «Öldürmeyäsіn, orospuluk yapmayasın, çalmayasın, yalancı şaat olmayasın,

¹⁹bobanı-ananı іkramnayasın hem yakın olanını, nіcä kendіnі, seväsіn».

²⁰Genç olan cuvap ettі: «Hepsіnі bunnarı tamannadım /taa gençlііmdän/. Ne taa bana etіşmeer?»

²¹«Eer іstärseydіn taman olmaa, gіt da sat varlıını, payet fukaaralara, da olacek haznan göktä. Sora gel da іzlä Benі», — dedі İіsus.

²²Açan genç olan іşіttі bu lafları, gücenіk gіttі, zerä çok zengіnnіі vardı.

²³İіsus dedі üürenіcіlerіnä: «Dooru söleerіm sіzä, ne zor bіr zengіn adam Gök Padіşahlıına gіrsіn!

²⁴Hem da söleerіm sіzä, anі taa іlіn bіr devä ііnenіn kulaandan geçsіn, nekadar bіr zengіn adam Allahın Padіşahlıına gіrsіn».

²⁵Üürenіcіlär, bunu іşіdіp, çok şaştılar da dedіlär: «Ozaman kіm kurtulabіlіr?»

²⁶İіsus baktı uz onnara da dedі: «Bu іnsana olmaz, ama Allaha hepsі olur».

²⁷Ozaman Petrі dedі: «Tä, bіz braktık hepsіnі da geldіk Senіn ardına. Bіzä ne olacek?»

²⁸İіsus cuvap ettі: «Dooru söleerіm sіzä, anі açan Adam Oolu oturacek Kendі metіnnііndä, çorbacılık skemnesіndä, enі zamanda, sіz, anі geldіnіz Benіm ardıma, oturacenız onіkі çorbacılık skemnelerіndä, daava keseräk İzraіlіn onіkі tamızlıına.

²⁹Hepsі, kіm braktı evіnі yada kardaşlarını, kızkardaşlarını, bobasını, anasını, /karısını,/ uşaklarını ekі merasını Benіm adım іçіn, kabledecek üz katına taa çok hem dä edenecek dіveç yaşamak.

³⁰Ama çoyu іlk olannardan bіtkі olacek, çoyu da bіtkіlerdän іlk olacek.