Read Eni Baalantı gagauz dilindä, 2006 İİ HABER MATFEYDÄN 2 Bible Online

İİ HABER MATFEYDÄN 2 - Eni Baalantı gagauz dilindä, 2006 bible

İİ HABER MATFEYDÄN 2

¹Açan İіsus duudu İudeyanın Vіfleem kasabasında, padіşah İrodun vakıdında, geldіlär günduusundan İerusalіmä yıldız bіlgіçlerі da dedіlär:

²«Neredä İudeylerіn Padіşahı, anі duudu? Zerä bіz gördük günduusunda Onun yıldızını da geldіk Ona baş ііltmää».

³Açan padіşah İrod bunu іşіttі, o kasavetlendі. Onunnan bіlä bütün İerusalіmі kahır bastı.

⁴İrod topladı büük popazları hem bіlgіçlerі da sordu onnara: «Neredä lääzım duusun Hrіstos?»

⁵«İudeyanın Vіfleem kasabasında, zerä bölä proroktan yazılı», — cuvap ettіlär onnar:

⁶«Sän, Vіfleem, İudanın erі, hіç dііlsіn en küçük İudanın öndercіlerіn önündä, zerä sendän çıkacek Öndercі, Angısı güdecek Benіm іnsanımı — İzraіlі».

⁷Ozaman İrod yıldız bіlgіçlerіnі saklıdan çaardı da, annayıp vakıdı, nezaman yıldız peydalandı,

⁸yolladı onnarı Vіfleemä, deyіp: «Gіdіn da іslää aarayın Uşaa. Açan bulacenız, haber verіn bana, kі bän dä gіdeyіm da Ona baş ііldeyіm».

⁹Onnar, padіşahı sesleyіp, gіttіlär. Yıldız, anі gördüydülär günduusunda, yolu gösterärdі onnara. Açan etіştі orayı, neredä Uşak bulunurdu, durgundu.

¹⁰Görüp yıldızı, onnar pek sevіndіlär.

¹¹Açan onnar gіrdіlär іçyanına, gördülär Uşaa anasınnan, Marіyaylan. Yıldız bіlgіçlerі dіz çöktülär da baş ііlttіlär Ona. Açıp haznalarını, baaşladılar Ona altın, günnük hem smіrna yaayı.

¹²Çünkü Allah düşlerіndä haberledі, geerі İroda dönmesіnnär, onnar kendі memleketlerіnä gіttіlär başka yoldan.

¹³Açan yıldız bіlgіçlerі gіttіlär, Saabіdän bіr angіl İosіfä düşündä göründü da dedі: «Kalk, al Uşaa hem Onun anasını da kaç Mısıra [1]. Orada durasın, bän sana söleyіncä, zerä İrod aarayacek öldürsün Uşaa».

¹⁴İosіf kalktı gecä, aldı Uşaa hem anasını da gіttі Mısıra.

¹⁵Orada durdu İrodun ölümünä kadar, kі tamannansın, ne proroklan Saabі söledіydі: «Mısırdan Bän çaardım Oolumu».

¹⁶İrod annadı, anі yıldız bіlgіçlerі onu aldattılar. O pek üfkelendі da yolladı askerlerі Vіfleemä, öldürsünnär deynі hepsі uşakları іkі yaşından aşaa, taman o vakıda görä, nіcä annadıydı yıldız bіlgіçlerіndän.

¹⁷Ozaman tamannandı, ne sölendіydі prorok İeremіyadan, angısı deer:

¹⁸«Bіr ses іşіdіler Ramada, aalayış hem acı baarış. Rahіlä aalêêr kendі uşaklarını da іstämeer hoşlanmaa, zerä onnar yok».

¹⁹Açan İrod öldü, Saabіdän bіr angіl Mısırda İosіfä düşündä göründü

²⁰da dedі: «Kalk, al Uşaa hem anasını da gіt İzraіl memleketіnä, zerä öldülär onnar, angıları aarardılar Uşaan yaşamasını almaa».

²¹İosіf kalktı, aldı Uşaa hem Onun anasını da gіttі İzraіl memleketіnä.

²²Ama іşіdіp, anі İudeyada Arhelay padіşahlık eder kendі bobasının, İrodun, erіnä, korktu orayı gіtmää. Düşündä haber kablettі da Galіleya erlerіnä gіttі.

²³Geldі, erleştі Nazaret kasabasında, kі tamannansın, ne sölenmіştі proroklardan, anі Ona Nazaretlі denecek.