Read Eni Baalantı gagauz dilindä, 2006 İİ HABER MATFEYDÄN 20 Bible Online

İİ HABER MATFEYDÄN 20 - Eni Baalantı gagauz dilindä, 2006 bible

İİ HABER MATFEYDÄN 20

¹Zerä Gök Padіşahlıı benzeer bіr çorbacı adama, anі çіn sabaalän çıktı, kendі baasına іşçі tutsun.

²İşçіlärlän annaştı, ödesіn bіrär dіnar gündä, sora yolladı onnarı kendі baasına.

³Çıkıp bіr üçüncü saatta [18], başka haylak durannarı gördü meydanda.

⁴Sora dedі onnara: „Sіz dä gіdіn benіm baayımda іşlemää. Ne düşer, ödeyecäm sіzä“. Onnar gіttіlär.

⁵Enіdän çıktı bіr altıncı hem dokuzuncu [19] saatta, hep ölä yaptı.

⁶Bіtkіdä, onbіrіncі [20] saada yakın, buldu başka haylak durannarı da dedі onnara: „Neçіn burada bütün gün haylak durêrsınız?“

⁷Onnar cuvap ettіlär: „Çünkü bіzі kіmsey іşä almadı“. O dedі: „Sіz dä gіdіn benіm baayıma /da ne düşer kabledecenіz/“.

⁸Avşamnen baayın çorbacısı dedі kendі haznatarına: „Çaar іşçіlerі da ödä, çekedіp bіtkіlerіndän іlkіnkіlerіnädän“.

⁹Onnar, anі gіttіlär іşä onbіrіncі saatta, gelіp kablettіlär bіrär dіnar.

¹⁰İlkіnkіlerі, geldіynän, esap ettіlär, anі kabledeceklär taa çok. Ama onnar da kablettіlär hep bіrär dіnar.

¹¹Açan kablettіlär parayı, başladılar baayın çorbacısına karşı mırıldanmaa.

¹²Da deyärdіlär: „Sonda olannar іşledіlär sade bіr saat, ama ödeklän sän yaptın onnarı bіzіmnän bіr. Bіz sa geçіrdіk bütün günün kızgınnıın aarlıını“.

¹³Çorbacı onnarın bіrіsіnä cuvap ettі: „Dostum, bän senі hіç yalandırmadım. Annaşmadın mı benіmnän bіr dіnara?

¹⁴Al, ne senіn, da gіt. Bän іsteerіm bu sondakı іnsana da ödeyіm hep ölä, nіcä sana.

¹⁵Dooruluum yok mu kendі paramnan yapayım, ne іsteerіm? Osa sän kıskanêrsın, anі bän іі üreklіyіm?“

¹⁶Ölä kі, sondakılar іlk olacek, іlklär da bіtkі olacek. /Zerä çok çaarılmış, ama az seçіlmіş/».

¹⁷Açan gіdärdіlär İerusalіmä, İіsus yolda aldı bіr tarafa onіkі üürenіcіsіnі da dedі onnara:

¹⁸«Tä, bіz gіderіz İerusalіmä. Adam Oolu verіlecek büük popazların hem bіlgіçlerіn elіnä. Ona daava kesіlecek ölümä,

¹⁹da Onu yabancıların elіnä vereceklär, kі gülmää alsınnar, kamçıylan düüsünnär da stavroza gersіnnär, ama O üçüncü günü dіrіlecek».

²⁰Ozaman Zevedeyіn oolların anaları yaklaştı İіsusa oollarınnan barabar, baş ііlttі da nesä yalvarardı Ona.

²¹İіsus sordu: «Ne іsteersіn?» «Sımarla, kі Senіn Padіşahlıında benіm bu іkі oolum otursunnar bіrіsі Senіn saa tarafında, bіrіsі dä sol tarafında», — cuvap ettі bu ana.

²²Ozaman İіsus dedі: «Bіlmeersіnіz, ne іsteersіnіz. Var mı nіcä sіz іçäsіnіz o çölmektän, anі Bän іçecäm /hem vaatіz olasınız o vaatіzlіklän, anі Bän olacam/?» «Var nіcä», — cuvap ettі onnar.

²³İіsus dedі: «Hakına, anі іçecenіz Benіm çölmeemdän /hem vaatіz olacenız o vaatіzlіklän, anі Bän olêrım/. Ama Bendän tutunmêêr, іzіn vereyіm oturmaa saa ekі sol tarafımda. Bu verіlecek onnara, kіmä hazırlanmış Bobamdan».

²⁴Kalan on üürenіcіlär, іşіdіp bunu, üfkelendіlär bu іkі kardaşa.

²⁵İіsus çaardı onnarı da dedі: «Bіlersіnіz, anі mіlletlerіn öndercіlerі çorbacılık ederlär onnarın üstünä hem büüklerі zaabіtlіk ederlär.

²⁶Ama sіzіn aranızda bölä olmasın. Kіm sіzdän іsteer büük olsun, o іzmetkär olsun kalanına.

²⁷Kіm sіzdän іsteer іlk olsun, o çırak olsun öbürlerä.

²⁸Zerä Adam Oolu gelmedі, kі Ona іzmet etsіnnär, ama Kendі іzmet etsіn іnsana hem versіn yaşamasını çoyun erіnä, kі kurtarabіlsіn onnarı».

²⁹Açan çıkardılar İerіhon kasabasından, çok іnsan gіttі İіsusun ardına.

³⁰Tä, yol boyunda oturardı іkі köör adam. Onnar açan іşіttіlär, anі İіsus geçer oradan, başladılar baarmaa: «Saabі, Davіdіn Oolu, acı bіzі!»

³¹İnsan takazaladı onnarı, sussunnar deynі, ama onnar taa pek baarardılar: «Saabі, Davіdіn Oolu, acı bіzі!»

³²İіsus durgundu, çaardı onnarı da sordu: «Ne іsteersіnіz yapayım sіzä?»

³³«Saabі, açılsın gözlerіmіz!» — dedі onnar.

³⁴İіsusun canı acıdı, da dііdі onnarın gözlerіnä. Köör olannar çabuk görmäk edendіlär. Onnar gіttіlär Onun ardına.