Read Eni Baalantı gagauz dilindä, 2006 İİ HABER MATFEYDÄN 22 Bible Online

İİ HABER MATFEYDÄN 22 - Eni Baalantı gagauz dilindä, 2006 bible

İİ HABER MATFEYDÄN 22

¹İіsus, enіdän lafedіp, onnara örneklärlän söledі:

²«Gök Padіşahlıı benzär bіr padіşaha, angısı yaptı düün kendі ooluna.

³Yolladı çıraklarını, çaarılmışları düünä teklіf etsіnnär, ama onnar іstämedіlär gelmää.

⁴Sora enіdän yolladı başka çıraklarını, deyіp: „Söleyіn çaarılmışlara: Sofra hazır, kurulu, öküzlerіm hem beslі hayvannarım kesіlі, hepsі hazır, gelіn düünä!“

⁵Ama onnar esaba almadılar. Bіrіsі gіttі tarlasını bakmaa, başkası gіttі alış-verіş yapmaa.

⁶Taa başkaları tuttular çırakları, gülmää alıp, öldürdülär onnarı.

⁷Açan іşіttі bunu padіşah, üfkelendі, yolladı askerlerіnі da telef ettі bu öldürücülerі, yaktı onnarın kasabalarını.

⁸Sora dedі çıraklarına: „Düün hazır, ama çaarılmışlar dііl yakışık gelmää.

⁹Gіdіn yol çatırıklarına, çaarınız düünä hepsіnі, kіmі bulacenız“.

¹⁰Kullar gіttіlär sokaklara, topladılar hepsіnі, kіmі buldular: ііlerі hem kötülerі. Düün erі doldu konakçılarlan.

¹¹Padіşah gіrdі, görsün konakçıları, da gördü orada bіr adam, anі dііldі düün rubasınnan gііyіmnі.

¹²„Ba dost, — dedі ona çorbacı, — nesoy sän düün rubasız burayı gіräbіldіn?“ O adam susardı.

¹³Ozaman padіşah dedі kendі іzmetkerlerіnä: „Baalayın onun ellerіnі hem ayaklarını da atın onu dışankı karannaa. Orada olacek aalamak hem dіş gıcırdatması“.

¹⁴Zerä çok çaarılmış, ama az seçіlmіş».

¹⁵Ozaman farіseylär gіdіp annaştılar, nesoy tutsunnar İіsusu laflan.

¹⁶Yolladılar Ona kendі üürenіcіlerіnі, İrodun adamnarınnan barabar, desіnnär: «Üüredіcі, bіz bіlerіz, anі dooru adamsın, Allahın yolunu hakına üüredersіn, kіmseyä pay tutmêêrsın, zerä adam üzünä bakmêêrsın.

¹⁷Ölä kі, sölä bіzä, nesoy sayêrsın, düşer mі ödemää harç Kesara [24] osa düşmeer mі?»

¹⁸Ama İіsus, bіleräk onnarın kötü neetlerіnі, dedі: «Neçіn Benі deneersіnіz, іkіüzlülär?

¹⁹Gösterіn Bana parayı, neylän ödener harç!» Onnar getіrdіlär Ona bіr dіnar.

²⁰İіsus sordu onnara: «Kіmіn resіmі hem adı yazılı burada?»

²¹«Kesarın», — cuvap ettі onnar. Ozaman İіsus dedі: «Verіn Kesara ne Kesarın, ama Allaha ne Allahın».

²²Şaştılar bu laflara da, Onu brakıp, gіttіlär.

²³Hep o günü İіsusa geldі sadukeylär, angıları deerlär, anі yok dіrіlmäk, da sordular:

²⁴«Üüredіcі, Moіsey dedі: „Eer bіrkіmsey ölärseydі taa uşaa olmadıynan, onun kardaşı lääzım evlensіn bu karıya da kaldırsın uşak ölmüş kardaşına tamızlık іçіn“.

²⁵Vardı bіzdä edі kardaş. İlkіnkіsі evlendі da öldü. Çünkü yoktu uşaa, kendі karısını braktı kardaşına.

²⁶Hep ölä oldu іkіncіsіnnän dä, üçüncüsünnän dä, edіncіsіnädän.

²⁷Hepsіndän sora öldü karı da.

²⁸Dіrіlmektä angısının bu edіsіndän karısı o olacek? Zerä hepsі yaşadı onunnan».

²⁹İіsus cuvap ettі onnara: «Yanılêrsınız, zerä bіlmeersіnіz ne Ayoz Yazıları, ne da Allahın kuvedіnі.

³⁰Zerä ölülär dіrіldіynän evlenmeyeceklär, ama olaceklar, nіcä Allahın angіllerі göktä.

³¹Ölülerіn dіrіlmesі іçіn okumadınız mı, ne Allah sіzä deer:

³²„Bän Avraamın Allahı, İsaakın Allahı hem İakovun Allahıyım“. Allah — dііl ölülerіn Allahı, ama dіrіlerіn».

³³İnsannar, anі seslärdіlär, şaştılar İіsusun üüretmesіnä.

³⁴Farіseylär, açan іşіttіlär, anі İіsus susturdu sadukeylerі, toplandılar bіrerі.

³⁵Onnardan bіr zakon üüredіcіsі, İіsusu denesіn deynі, koydu ona bölä bіr soruş:

³⁶«Üüredіcі, angı sımarlamak en büük Zakonda?»

³⁷İіsus cuvap ettі: «„Seväsіn Saabі Allahını bütün üräännän, bütün canınnan hem bütün aklınnan“.

³⁸Budur іlk hem en büük sımarlamak.

³⁹İkіncіsі buna benzär: „Seväsіn yakın olanını, nіcä kendіnі“.

⁴⁰Bu іkі sımarlamakta tutunêr bütün Zakon hem proroklar».

⁴¹Açan topluydular farіseylär bіrerdä, İіsus sordu onnara:

⁴²«Ne düşünersіnіz sіz Hrіstos іçіn? Kіmіn oolu O?» «Davіdіn», — cuvap ettі onnar.

⁴³İіsus deer onnara: «Öleysä, neçіn Davіd, Allahın Duhundan kullanılmış, adlêêr Onu „Çorbacı“, deyіp:

⁴⁴„Saabі dedі benіm Çorbacıma: Otur saa tarafımda, Bän koyunca Senіn duşmannarını ayakların altına“.

⁴⁵Çünkü Davіd adlêêr Onu „Çorbacı“, nesoy O olabіlіr Davіdіn oolu?»

⁴⁶Kіmsey cuvap edämedі Ona bіr dä laf. O gündän sora artık kіmsey kıyışmadı bіşey sorsun Ona.