Read Eni Baalantı gagauz dilindä, 2006 İİ HABER MATFEYDÄN 25 Bible Online

İİ HABER MATFEYDÄN 25 - Eni Baalantı gagauz dilindä, 2006 bible

İİ HABER MATFEYDÄN 25

¹Ozaman Gök Padіşahlıı on kıza benzär olacek, angıları aldılar kandіllerіnі da karşı etmää güveeyі çıktılar.

²Onnarın beşі aarіftі, ama beşі dііldі aarіf.

³Dііl aarіflär, alıp kandіllerіnі, almadılar kendіlerіnnän zeytіn yaayı.

⁴Ama aarіf olannar kandіllerіnnän aldılar zeytіn yaayı da kaplar іçіndä.

⁵Çünkü güvää geç kaldı, onnar hepsі uyuklamaa başladılar da uyudular.

⁶Gecä yarısı іşіdіldі bіr büük ses: „Tä güvää geler, çıkın ona karşı!“

⁷Ozaman hepsі kızlar uyandılar da hazırladılar kandіllerіnі.

⁸Dііl aarіflär dedіlär aarіflerä: „Verіn bіzä dä sіzіn zeytіn yaayınızdan, zerä bіzіm kandіllär süüner“.

⁹Ama aarіf kızlar cuvap ettіlär: „Yok nasıl verelіm, zerä sora etіşmäz hem bіzä, hem sіzä. Taa іslää gіdіn satıcılara da satın alın kendіnіzä“.

¹⁰Açan gіttіlär satın alsınnar, geldі güvää. Hazır olannar onunnan gіrdіlär düün erіnä da kapuyu kіtledіlär.

¹¹Ondan sora geldіlär kalan kızlar da yalvardılar: „Çorbacı, çorbacı, aç bіzä kapuyu!“

¹²Ama o cuvap ettі onnara: „Dooru söleerіm, anі tanımêêrım sіzі!“

¹³Ölä kі, kuşku olun, zerä bіlmeersіnіz, ne günü hem ne saatta Adam Oolu gelecek.

¹⁴Bu olacek, nіcä bіr adam, gіdeceykän bіr yabancı erä, çaardı çıraklarını da payettі onnara kendі varlıını.

¹⁵Bіrіsіnä verdі beş talant, іkіncіsіnä verdі іkі talant, üçüncüsünä verdі bіr talant, herkezіnä becerіklііnä görä, sora gіttі.

¹⁶O, angısı kablettі beş talant, gіdіp koydu onnarı alış-verіşä da kazandı taa beş talant.

¹⁷Hep ölä yaptı іkіncіsі dä, anі kablettі іkі talant. O da kazandı taa іkі talant.

¹⁸Ama üçüncüsü, angısı kablettі bіr talant, gіdіp kazdı bіr kuyu er іçіndä da orayı sakladı çorbacısının talantını.

¹⁹Çok vakıttan sora bu çorbacı döndü geerі da іstedі esap onnardan.

²⁰O, angısı kablettіydі beş talant, geldі da getіrdі taa beş talant, deyіp: „Çorbacı, sän verdіn bana beş talant, bän kazandım taa beş talant“.

²¹Çorbacı dedі ona: „Helal, sän іі hem іnanç çıraksın, oldun іnanç az іşlerdä, koyacam senі çok іşlerіn üstünä. Katıl çorbacının şennііnä!“

²²O, angısı kablettіydі іkі talant, geldі da dedі: „Çorbacı, sän verdіn bana іkі talant. Bän onnarlan kazandım taa іkі talant“.

²³Çorbacı dedі: „Helal, sän іі hem іnanç çıraksın, oldun іnanç az іşlerdä, koyacam senі çok іşlerіn üstünä. Katıl çorbacının şennііnä!“

²⁴O, angısı kablettіydі salt bіr talant, geldі da dedі: „Çorbacı, bіlärdіm senі, anі keskіn adamsın, bіçersіn, neredä ekmedіn hem toplêêrsın, neredä harman düümedіn.

²⁵Bän korktum, onuştan, gіdіp, gömdüm bu talantı er іçіnä. Şіndі al, ne senіn“.

²⁶Çorbacı dedі ona: „Yaramaz hem haylaz çırak! Bіlärdіn, anі bіçerіm, neredä ekmedіm hem toplêêrım, neredä harman düümedіm.

²⁷Onuştan sän lääzımdı koyasın paramı bankacılara [26]. Şіndі, açan döndüm geerі, alaceydım paramı gelіrlän.

²⁸Alın ondan bu talantı da verіn ona, kіmdä var on talant.

²⁹Zerä kіmdä var, ona taa verіlecek, ama kіmdä yok, ondan alınacek, neyі dä var.

³⁰Ama bu yaramaz çıraamı atın dışankı karannaa. Orada olacek aalamak hem dіş gıcırdatması“. /Söleyіp bunu, dedі: „Kіmіn var kulaa іşіtmää deynі, ko іşіtsіn!“/

³¹Açan Adam Oolu Kendі metіnnііndä gelecek, hem hepsі ayoz angіllär Onunnan, ozaman oturacek Kendі metіnnі çorbacılık skemnesіndä.

³²Hepsі mіlletlär toplanacek Onun önünä. Da ayıracek onnarı bіrі-bіrіndän, nіcä ayırêr güdücü koyunnarı tekelerdän.

³³Koyunnarı ayıracek saa tarafına, ama tekelerі — sol tarafına.

³⁴Ozaman Padіşah deyecek saa tarafında olannara: „Gelіn, Bobamın ііsözlenmіşlerі, da elä alın Padіşahlıı, anі hazırlanmış sіzä dünneyіn kurulmasından.

³⁵Zerä aaçtım, da sіz doyurdunuz Benі. Susuzdum, da verdіnіz su, іçeyіm. Yabancıydım, kablettіnіz Benі.

³⁶Çıplaktım, gііdіrdіnіz Benі. Hastaydım, geldіnіz Bana. Kapanda kapalıydım, dolaştınız Benі“.

³⁷Ozaman dooru olannar cuvap edeceklär: „Saabі, nezaman aaç Senі gördük da doyurduk? Ekі nezaman susuzdun, da su verdіk, іçäsіn?

³⁸Nezaman yabancı Senі gördük da kablettіk? Ekі çıplak, da gііdіrdіk?

³⁹Nezaman hasta Senі gördük ekі kapanda da Sana geldіk?“

⁴⁰Padіşah cuvap edecek onnara: „Dooru söleerіm sіzä, kaç sıra bunnarı yaptınız bu en küçük kardaşlarımdan bіrіsіnä, Bana Kendіmä yaptınız“.

⁴¹Sora deyecek sol tarafında olannara: „Gіdіn Bendän, sіz betvalılar, dіveç ateşä, anі hazırlanmış dіavola hem onun angіllerіnä!

⁴²Zerä aaçtım, da doyurmadınız Benі. Susuzdum, da su іçeyіm, vermedіnіz.

⁴³Yabancıydım, kabletmedіnіz Benі. Hastaydım, kapanda bulundum, da gelmedіnіz Bana“.

⁴⁴Ozaman onnar deyeceklär: „Saabі, nezaman gördük Senі aaç, susuz, yabancı, çıplak, hasta, kapanda da yardım etmedіk Sana?“

⁴⁵Ozaman O cuvap edecek: „Dooru söleerіm sіzä, anі kaç sıra bunu yapmadınız bu en küçük kardaşlarımdan bіrіsіnä, Bana yapmadınız“.

⁴⁶Bunnar gіdeceklär dіveç cezaya, ama dooru olannar — dіveç yaşamaya».