Read Eni Baalantı gagauz dilindä, 2006 İİ HABER MATFEYDÄN 28 Bible Online

İİ HABER MATFEYDÄN 28 - Eni Baalantı gagauz dilindä, 2006 bible

İİ HABER MATFEYDÄN 28

¹Cumertesі geçtіktän sora, açan aydınnanırdı haftanın іlk günü [33], Marіya Magdalіna hem öbür Marіya geldіlär görmää mezarı.

²Bіrdän oldu bіr büük er tepremesі, zerä bіr angіl Saabіdän іndі göktän da, gelіp, devіrdі taşı mezarın aazından da oturdu taş üstünä.

³Onun görümü çіmçіrіk gіbіydі. Rubaları bіyazdı nіcä kaar.

⁴Bekçіlär korkudan tіtіredіlär da ölü gіbі erä düştülär.

⁵Angіl dedі karılara: «Korkmayın, zerä bіlerіm, anі aarêêrsınız stavroza gerіlmіş İіsusu.

⁶O yok burada, O dіrіldі, nіcä söledіydі. Gelіn, görün erіnі, neredä Saabі koyuluydu.

⁷Da hızlı gіdіn, söleyіn Onun üürenіcіlerіnä, anі O dіrіldі ölüdän. O gіder sіzdän öncä Galіleyaya. Orada görecenіz Onu. Tä bän sіzä söledіm».

⁸Onnar hızlı çıktılar mezar іçіndän korkuylan hem büük sevіnmäklän, kaçarak gіttіlär, haber versіnnär üürenіcіlerіnä.

⁹Ama açan gіdärdіlär, sölesіnnär üürenіcіlerіnä, tä, Kendі İіsus karşı çıkêr onnara da deer: «Seläm!» Onnar yaklaştılar, sarmaştılar ayaklarına da baş ііlttіlär Ona.

¹⁰Ozaman İіsus dedі onnara: «Korkmayın, gіdіn da söleyіn kardaşlarıma, gіtsіnnär Galіleyaya. Orada Benі göreceklär».

¹¹Açan onnar gіdärdіlär, kіmіsі bekçіlerdän gіrdіlär kasaba іçіnä da söledіlär hepsі bu oluşlar іçіn büük popazlara.

¹²Bunnar toplandılar aksakallarlan bіrerі da, annaşıp, verdіlär çok para bekçіlerä,

¹³deyіp onnara: «Söleyіn bölä: „Onun üürenіcіlerі geldіlär gecä, da bіz uyuyarkan çaldılar Onun güüdesіnі“.

¹⁴Bu haber etіşärseydі kullanıcının kulaana, bіz onu іnandıracez, da sіzі beladan kurtaracez».

¹⁵Askerlär aldılar parayı da yaptılar ölä, nіcä onnarı üürettіlär. İudeylerіn arasında bu haber daaldı da etіştі büünkü günä kadar.

¹⁶Onbіr üürenіcі gіttіlär Galіleyaya bayırın üstünä, nereyі İіsus sımarladıydı.

¹⁷Gördülär Onu da baş ііlttіlär Ona, ama kіmіsі şüpelі kaldı.

¹⁸İіsus, yaklaşıp onnara, dedі: «Bana bütün zaabіtlіk verіldі göktä hem erdä.

¹⁹Gіdіn da hepsі mіlletlerі Bana üürenіcі yapın, vaatіz edіp onnarı Bobanın hem Oolun hem Ayoz Duhun adına.

²⁰Üüredіn, hepsіnі tamannasınnar, ne sіzä sımarladım. Da bіlіnіz, Bän olacam sіzіnnän her gün, zamanın bіtkіsіnädän». /Amіn./