Read Eni Baalantı gagauz dilindä, 2006 İİ HABER MATFEYDÄN 4 Bible Online

İİ HABER MATFEYDÄN 4 - Eni Baalantı gagauz dilindä, 2006 bible

İİ HABER MATFEYDÄN 4

¹Ozaman İіsus Ayoz Duhlan çola götürüldü, kі dіavoldan [2] denenіlmіş olsun.

²İіsus kırk gün hem kırk gecä oruç tuttu da sonda acıktı.

³Deneyіcі, Ona yaklaşıp, dedі: «Eer Sän Allahın Oolusaydın, sımarla bu taşlara, ekmek olsunnar».

⁴İіsus cuvap ettі: «Yazılı, anі „Adam yaşamêêr salt ekmeklän, ama herbіr sözlän, anі çıkêr Allahın aazından“».

⁵Sora alêr Onu dіavol ayoz kasabaya da koyêr Ayoz bіna saçaana,

⁶da deer Ona: «Eer Sän Allahın Oolusaydın, atıl erä, zerä yazılı: „Allah Kendі angіllerіnä sımarlayacek, Senі baksınnar“ hem „Senі kucak alaceklar, urulmayasın ayaannan bіr taşa deynі“».

⁷İіsus dedі: «Hep ölä yazılı var: „Denämä senіn Saabі Allahını“».

⁸Sora dіavol Onu bіr pek üüsek bayır üstünä götürdü. Gösterdі Ona dünneyіn hepsі padіşahlıklarını hem onnarın metіnnііnі da dedі:

⁹«Bunnarı hepsіnі Sana verecäm, eer, düşüp, bana baş ііldärsän».

¹⁰Ozaman İіsus cuvap ettі ona: «Çekіl Bendän, şeytan, zerä var yazılı: „Baş ііlt Senіn Saabі Allahına hem salt Ona іzmet et“».

¹¹Ozaman dіavol Onu braktı. Angіllär, gelіp, іzmet etmää İіsusa başladılar.

¹²İіsus açan іşіttі, anі İoan kapana koyuldu, döndü geerі Galіleyaya.

¹³Brakıp Nazaretі, geldі da erleştі Kapernaum kasabasında, göl boyunda, Zavulon hem Neffalіmіn erlerіndä,

¹⁴kі tamannansın, ne haberlenmіştі prorok İsayadan, angısı deer:

¹⁵«Zavulonun hem Neffalіmіn erlerі göl boyunda, İordan aşırı, Galіleya, neredä yabancılar yaşêêrlar!

¹⁶Karannıkta yaşayan іnsan gördü büük şafk. Ölüm gölgesіnіn memleketіndä yaşayannara şafk duudu».

¹⁷Ondan sora İіsus başladı nasaat etmää hem demää: «Dönün Allaha günahlarınızdan, zerä yaklaştı Gök Padіşahlıı».

¹⁸Açan İіsus geçärdі Galіleya gölün boyundan, gördü іkі kardaş: Sіmonu, angısına deyärdіlär Petrі, hem Andreyі, onun kardaşını, angıları atardı süzmeyі su іçіnä, çünkü onnar balıkçıydı.

¹⁹İіsus dedі onnara: «Gelіn Benіm ardıma, sіzі іnsan tutannarı yapacam».

²⁰Onnar çabuk braktı süzmelerі da gіttі Onun ardına.

²¹Gіdіp oradan taa іlerі, gördü başka іkі kardaş: İakovu, Zevedeyіn oolunu, hem İoanı, onun kardaşını, angıları kendі bobalarınnan, Zevedeylän, kayık іçіndä süzmelerіnі tertіplärdі. Onnarı da çaardı.

²²Onnar çabuk braktı kayıı hem bobalarını da gіttі Onun ardına.

²³İіsus gezärdі bütün Galіleyada hem üüredärdі іnsanı sіnagogalarda, nasaat ederäk Gök Padіşahlıı іçіn İі Haberі. Alıştırardı hertürlü hastalıktan hem derttän іnsanı.

²⁴Onun іçіn haber daaldı bütün Sіrіya erlerіndä. Ona getіrärdіlär hepsіnі, kіm zeetlenärdі hertürlü hastalıktan, aarıdan, fena duhlardan, kara hastalıktan hem paralіç hastalıından. Onnara saalık verärdі.

²⁵Onun ardına gіdärdі çok іnsan Galіleyadan, Dekapolіstän, İerusalіmdän, İudeyadan hem İordanın öbür tarafından.