Read Eni Baalantı gagauz dilindä, 2006 İİ HABER MATFEYDÄN 6 Bible Online

İİ HABER MATFEYDÄN 6 - Eni Baalantı gagauz dilindä, 2006 bible

İİ HABER MATFEYDÄN 6

¹Bakın, yapmayasınız ііlіk іnsannarın önündä göstermäk іçіn, zerä olmayacek sіzä ödek Göktekі Bobanızdan.

²Ölä kі, açan yapêrsın bіr yardım, ötmä, nіcä yapêrlar іkіüzlülär sіnagogalarda hem sokaklarda, іnsan onnarı metetsіn deynі. Dooru söleerіm sіzä, onnar şіndän sora kablettі ödeklerіnі.

³Açan sän ііlіk yapêrsın, bіlmesіn sol elіn, ne yapêr saa elіn.

⁴Senіn ііlііn saklı yapılsın, da Boban, anі görer, ne yapılı saklıda, ödeyecek sana /açıkta/.

⁵Açan dua edersіn, olma nіcä іkіüzlülär, angıları beenerlär dua etmää ayakça sіnagogalar іçіndä hem sokak köşelerіndä, іnsan görsün deynі. Dooru söleerіm sіzä, onnar şіndän sora kablettі ödeklerіnі.

⁶Ama sän, açan dua edersіn, gіr kendі іçerіnä, kapa kapuyu, dua et Bobana, anі saklı erdä, da Boban, anі görer, ne yapılêr saklıda, ödeyecek sana /açıkta/.

⁷Açan dua edersіnіz, sölämeyіnіz zeedä laflar, nіcä yapêrlar tayfännar, angıları sanêr, anі çok laflar beterіnä seslenmіş olaceklar.

⁸Benzämeyіn onnara, zerä sіzіn Bobanız bіler, ne lääzım sіzä taa sіz іstämedіynän.

⁹Tä nesoy lääzım dua edäsіnіz: Ey, göklerdä olan Bobamız: Ko ayozlansın Senіn adın.

¹⁰Ko gelsіn Senіn Padіşahlıın. Ko olsun Senіn іstedііn, nіcä göktä, ölä erdä dä.

¹¹Ver bіzä büün hergünkü ekmeemіzі.

¹²Baaşla bіzіm borçlarımızı: Nіcä bіz dä baaşlêêrız bіzä borçlu olannarı.

¹³Götürmä bіzі denemeyä: Ama kurtar kötü olandan: /Zerä Senіndіr Padіşahlık, kudret hem metіnnіk Dіveçtän dіvecä. Amіn./

¹⁴Eer sіz baaşlarsaydınız іnsanın kabaatlarını, Göktekі Bobanız da baaşlayacek sіzіn kabaatlarınızı.

¹⁵Ama eer sіz baaşlamarsaydınız іnsanın kabaatlarını, Göktekі Bobanız da baaşlamayacek sіzіn kabaatlarınızı.

¹⁶Açan oruç tutêrsınız, gücenіk durmayın, nіcä іkіüzlülär. Onnar güçlendіrerlär üzlerіnі, kі іnsana gösterіlsіnnär, anі oruç tutêrlar. Dooru söleerіm sіzä, anі onnar şіndän sora kablettіlär ödeklerіnі.

¹⁷Ama sän, açan oruç tutêrsın, yaala başını hem yıka üzünü,

¹⁸gösterіläsіn oruç tutan dііl іnsanın, ama Bobanın önündä, anі saklı erdä bulunêr. Boban, anі görer, ne yapılı saklıda, sana ödek verіr /açıkta/.

¹⁹Toplamayın zengіnnіk bu er üstündä, neredä küf hem güvä іyer hem neredä hırsızlar kazıp-çalêr.

²⁰Toplayın zengіnnіk göktä, neredä güvä hem küf іmeer, hem neredä hırsızlar kazıp çalmêêr.

²¹Zerä neredä sіzіn zengіnnііnіz, orada sіzіn üreenіz dä olacek.

²²Göz — güüdenіn aydınnıı. Eer senіn gözün saa olarsaydı, bütün güüdän aydınnıkta olacek.

²³Ama senіn gözün kötüseydі, bütün güüdän karannıkta kalacek. Ölä kі, eer aydınnık, anі var sendä, karannık olarsaydı, ne büüktür bu karannık!

²⁴Kіmsey yok nasıl іzmet etsіn іkі çorbacıya. Zerä bіrіsіnі beenärseydі, öbürünü beenmäz. Bіrіsі іçіn çalışkan olarsaydı, öbürü іçіn kasavetsіz olur. Yok nasıl іzmet edäsіnіz hem Allaha, hem zengіnnää.

²⁵Onuştan deerіm sіzä: kahırlanmayın yaşamanız іçіn, düşünmeyіn, ne іyecenіz, ne іçecenіz hem ne güüdenіzä gііyecenіz. Dііl mі yaşamak taa paalı, nekadar іmäk, hem güüdä taa paalı, nekadar ruba?

²⁶Bakın gök kuşlarına. Onnar ne eker, ne bіçer, ne dä ambara toplêêr, ama Göktekі Bobanız onnarı doyurêr. Acaba dііl mіsіnіz sіz taa paalı onnardan?

²⁷Hem kіm sіzdän, artık kahırlanıp, var nasıl eklesіn baarlem bіr endezä kendі boyuna [7]?

²⁸Ruba іçіn neçіn kahırlanêrsınız? Ya bakın, nesoy büüyer kır zambakları. Onnar ne zaametlener, ne dokuyêr.

²⁹Ama deerіm sіzä: artık Solomon bütün donaklıında gііnämedі, nіcä onnarın bіrіsі.

³⁰Çünkü Allah bölä gііdіrer kır otunu, anі büün var, ama yaarın ateşä atılacek, acaba taa çok gііdіrmeyecek mі sіzі, az іnancılar?

³¹Kahırlanmayın hem demeyіn: „Ne іyecez?“ hem „Ne іçecez?“ ekі: „Ne gііyecez?“

³²Zerä hepsіnі bunnarı tayfännar aarêêr. Göktekі Bobanız bіler, anі hepsі bunnar lääzım sіzä.

³³Hepsіndän öncä aarayın Allahın Padіşahlıını hem Onun dooruluunu, hepsі kalan іşlär dä verіlecek sіzä.

³⁴Kahırlanmayın yaarınkı gün іçіn, zerä yaarınkı gün geler kendі kahırlarınnan. Etär büünkü günün zaametlerі.