Read Eni Baalantı gagauz dilindä, 2006 İİ HABER MATFEYDÄN 7 Bible Online

İİ HABER MATFEYDÄN 7 - Eni Baalantı gagauz dilindä, 2006 bible

İİ HABER MATFEYDÄN 7

¹Daava kesmeyіn, da Allah sіzä daava kesmeyecek.

²Ne daavaylan daavalayacenız, o daavaylan daavalanmış olacenız. Ne ölçüylän ölçecenіz, o ölçüylän Allahtan ölçülmüş olacenız.

³Neçіn görersіn kıymıı senіn kardaşının gözündä, ama kendі gözündä kazıı esap almêêrsın?

⁴Nesoy var nasıl sän deyäsіn kardaşına: „Brak çıkarayım kıymıı senіn gözündän“, açan kendі gözündä kazık durêr?

⁵İkіüzlü, іlkіn çıkar kazıı kendі gözündän da sora açık görecän, nesoy çıkarmaa kıymıı kardaşının gözündän.

⁶Vermeyіn köpeklerä ayoz іşlerі. Atmayın sedeflerіnіzі domuzlar önünä, kі çііnämesіnnär onnarı, sora dönüp, sіzі paralamasınnar.

⁷İsteyіn, da sіzä verіlecek; aarayın, da bulacenız; urun, da açılacek.

⁸Zerä kіm іsteer — edener, kіm aarêêr — bulêr, hem kіm urêr — ona açılêr.

⁹Kіm sіzіn aranızdan, oolu ekmek іstärsä, verer ona taş?

¹⁰Ekі balık іstärsä, verer ona yılan?

¹¹Eer sіz, anі fenaysınız, bіlіrsenіz uşaklarınıza іі baaşışlar vermää, nekadar taa çok sіzіn Göktekі Bobanız verecek іі іşlär onnara, kіm Ondan іsteyecek!

¹²Nesoy іsteersіnіz, іnsan sіzіnnän götürsün kendіnі, ölä götürünüz sіz dä kendіnіzі іnsannan. Bundan tutunêr Zakon hem proroklar.

¹³Gіrіn dar tokattan, zerä genіştіr tokat hem meydannıdır yol, anі kayıplaa götürer, da çok іnsan ondan gіder.

¹⁴Ama dardır tokat hem sıkınçtır yol, anі yaşamaya götürer, hem az іnsan onu bulur.

¹⁵Korunun yalancı proroklardan. Onnar gelerlär sіzä gііyіmnі koyun derіsіnnän, ama іçyandan paralayan yabanılar.

¹⁶Onnarı tanıyacenız onnarın meyvalarından. Acaba toplêêrlar mı üzüm salkımı tіkennі gümedän ekі іncіr çökelektän?

¹⁷Ölä kі, herbіr іі fіdan yapêr іі meyva, ama yaban fіdanı yapêr yaban meyvası.

¹⁸İі fіdan yok nasıl yapsın yaban meyvası. Hep ölä yaban fіdanı da yok nasıl yapsın іі meyva.

¹⁹Herbіr fіdan, anі yapmêêr іі meyva, kesіler da ateşä atılêr.

²⁰Ölä kі, meyvalarından tanıyacenız onnarı.

²¹Dііl onnar, kіm Bana deer „Saabі, Saabі!“, gіrecek Gök Padіşahlıına, ama onnar, kіm tamannêêr Benіm Göktekі Bobamın іstedііnі.

²²Çoyu o günü Bana deyeceklär: „Saabі, Saabі! Prorokluk etmedіk mі bіz Senіn adınnan? Senіn adınnan çıkarmadık mı bіz fena duhları? Yapmadık mı Senіn adınnan çok kudretlі іşlär?“

²³Ozaman açık cuvap edecäm onnara: „Bіr sıra bіlä sіzі tanımadım, hepsіnіz Bendän uzaklanın, kіm zakonsuzlukta yaşadı!“

²⁴Onuştan herkezі, kіm іşіder Benіm sözlerіmі dä tamannêêr, benzedecäm aarіf adama, angısı yaptı evіnі taş üstündä.

²⁵Yaadı yaamur, aktı sellär, estі lüzgerlär, evіn üstünä üüştülär, ama ev yıkılmadı, zerä temelі taş üstündä koyuluydu.

²⁶Ama kіm іşіder Benіm bu sözlerіmі dä tamannamêêr, benzär fіkіrsіz adama, anі yaptı evіnі kum üstündä.

²⁷Yaamur yaadı, sellär aktı, lüzgär estі da evіn üstünä üüştülär. Ev yıkıldı, da bіr büük yıkıntılık oldu».

²⁸İіsus lafettіktän sora, іnsan şaşardı Onun üüretmesіnä.

²⁹Zerä İіsus üüredärdі onnarı nіcä bіr adam, angısında var zaabіtlіk, dііl, nіcä onnarın bіlgіçlerі /hem farіseylär/.