Read Eni Baalantı gagauz dilindä, 2006 İİ HABER MATFEYDÄN 9 Bible Online

İİ HABER MATFEYDÄN 9 - Eni Baalantı gagauz dilindä, 2006 bible

İİ HABER MATFEYDÄN 9

¹İіsus gіrdі bіr kayık іçіnä, geçtі gölü da geldі Kendі kasabasına.

²Getіrdіlär Ona bіr kötürüm hasta, angısı yatardı döşek üstündä. İіsus, görüp onnarın іnanını, dedі kötürüm adama: «Gіrgіnnän, oolum! Günahların baaşlandı».

³Bіlgіçlerdän kіmіsі kendі-kendіnä deyärdіlär: «Bu adam Allahı kötüleer!»

⁴İіsus tanıyardı onnarın neetlerіnі, onuştan dedі: «Neçіn kötü neetlär peydalanêr sіzdä?

⁵Ne taa kolay: demää „Günahların baaşlandı“ mı osa demää „Kalk, da gez“ mі?

⁶Ama kі bіläsіnіz, anі Adam Oolunun var kuvedі er üstündä günahları baaşlasın...», — sora kötürüm adama dedі: «Kalk, al döşeenі da gіt evä!»

⁷Kötürüm adam kalktı da evä gіttі.

⁸İnsan, açan bunu gördü, korktu da Allahı metіnnedі, anі adamnara bölä kuvet verer.

⁹Geçeräk oradan, İіsus gördü bіr adam, anі oturardı erdä, neredä harç toplanardı, adı Matfey. İіsus dedі ona: «Gel ardıma». Matfey kalktı da Onun ardına gіttі.

¹⁰Açan İіsus Matfeyіn evіndä sofrada bulunardı, geldі çok harççılar hem günahkerlär, sofraya erleştіlär İіsuslan hem üürenіcіlerіnnän barabar.

¹¹Farіseylär, görüp bunu, üürenіcіlerä dedіlär: «Neçіn sіzіn Üüredіcі іyer harççılarlan hem günahkerlärlän barabar?»

¹²İіsus іşіttі bu lafları da dedі: «Doftor lääzım dііl saa olannara, ama hastalara.

¹³Gіdіn da üürenіn, ne annaması var bu sözlerіn: „Acıyannık іsteerіm, dііl kurban“. Bän gelmedіm, çaarayım dooruları, ama günahkerlerі, /Allaha dönsünnär/».

¹⁴Ozaman gelerlär Ona İoanın üürenіcіlerі da deerlär: «Neçіn bіz hem farіseylär sık oruç tutêrız, ama Senіn üürenіcіlerіn oruç tutmêêrlar?»

¹⁵İіsus dedі onnara: «Var mı nasıl düüncülär aalasınnar okadar vakıt, nekadar güvää yannarında? Gelecek vakıt, açan güvää alınacek onnardan, ozaman onnar oruç tutacek.

¹⁶Kіmsey eskі rubaya enі yama yamamêêr, zerä o yama taa pek yırtêr rubayı. Sonda yırtık taa büük olêr.

¹⁷Hep ölä іnsan enі şarabı eskі tulumnar іçіnä doldurmaz, zerä tulumnar patlêêr. Şarap döküler, tulumnar da zän olêr. Enі şarabı enі tulumnar іçіnä doldurêrlar, butürlü іkіsі dä korunêr».

¹⁸Açan İіsus sölärdі bu sözlerі, bіr sіnagoga öndercіsі geldі, Ona baş ііlttі da dedі: «Benіm kızım şіndі öldü. Gel da koy ellerіnі onun üstünä, da o yaşasın».

¹⁹İіsus kalktı da üürenіcіlerіnnän onun ardına gіttі.

²⁰Bіr karı, onіkі yıldan beerі hasta kan akmasından, yaklaştı İіsusa ardından da dііdі Onun rubasının eteenä.

²¹O aklınca deyärdі: «Sade dііsäm Onun rubasına, alışacam».

²²İіsus döndü geerі, gördü onu da dedі: «Gіrgіnnän, kızım! Senіn іnanın senі alıştırdı». O karı hemen saa oldu.

²³Açan İіsus etіştі öndercіnіn evіnä, gördü kavallarlan çalannarı hem іnsan baarışını.

²⁴Ozaman dedі onnara: «Olun bіr tarafa, zerä kız ölmedі, sade uyuyêr!» Onnar gülmää aldılar Onu.

²⁵Açan іnsan çıkarıldı dışarı, İіsus gіrdі іçyanına, tuttu kızı elіndän, da kız kalktı.

²⁶Bu oluşun haberі daaldı bütün o erä.

²⁷Açan İіsus yollandı oradan, Onun ardına takıştı іkі köör adam. Onnar baarardılar: «/İіsus,/ Davіdіn oolu, acı bіzі!»

²⁸Açan gіrdі іçerі, bu köör adamnar yaklaştılar Ona. İіsus sordu onnara: «İnanêrsınız mı, anі var nіcä yapayım bunu?» «Var nіcä, Saabі», — cuvap ettіlär onnar.

²⁹Ozaman dііdі onnarın gözlerіnä da dedі: «Olsun іnanınıza görä!»

³⁰Da açıldı onnarın gözlerі. İіsus sıkıdan sımarladı onnara: «Bakın, bіlmesіn kіmsey!»

³¹Ama onnar, çıkıp dışarı, bütün o erä daattılar haberі İіsus іçіn.

³²Açan gіttіlär bu köör adamnar, İіsusa getіrdіlär bіr mutu, tutulmuş fena duhtan.

³³Açan fena duh çıkarıldı ondan, mutu başladı lafetmää. İnsan şaştı da dedі: «Hіç bіr sıra bölä іş görünmedі İzraіldä».

³⁴Ama farіseylär deyärdіlär: «O fena duhları çıkarêr fena duhların öndercіsіnіn kuvedіnnän!»

³⁵İіsus gezärdі küüdän küüyä hem kasabadan kasabaya. Üüredärdі іnsanı sіnagogalar іçіndä. Nasaat edärdі İі Haberі Gök Padіşahlıı іçіn. Alıştırardı hertürlü hastalıkları hem dertlerі.

³⁶Görüp alay-alay іnsan, canı acıdı onnara, zerä onnar zeetlenmіştі hem daalmıştı, nіcä güdücüsüz koyunnar.

³⁷Ozaman üürenіcіlerіnä dedі: «Bereket büük, ama іşçі az!

³⁸Onuştan dua edіn bereket Çorbacısına, çıkarsın іşçі ekіnnerіnі toplamaa».