Read Eni Baalantı gagauz dilindä, 2006 İİ HABER MARKTAN 1 Bible Online

İİ HABER MARKTAN 1 - Eni Baalantı gagauz dilindä, 2006 bible

İİ HABER MARKTAN 1

¹İіsus Hrіstozun, Allahın Oolunun, İі Haberі başlantısı.

²Nіcä yazılı prorok İsayanın kіyadında: «Tä, Bän yollêêrım habercіmі Senіn önün sora, angısı hazırlayacek yol Sana».

³«Baaranın sesі çol erdä іşіdіler: „Saabіyä yolu hazırlayın, yolcaazları uzladın“».

⁴İoan geldі, çol erdä vaatіz ederäk hem nasaat ederäk, anі іnsan lääzım dönsün günahlarından Allaha hem vaatіz olsun, kі baaşlamak edensіnnär.

⁵Bütün İudeya erlerіndän, İerusalіm kasabasından gelärdіlär da hepsі vaatіz olardılar ondan İordan deresіndä, kendі günahlarını açıklayarak.

⁶İoan gііyіmnіydі devä yapaasından rubaylan, kuşanıktı derіdän kayışlan, іyärdі çekіrgä hem kır arı balı.

⁷İoan nasaat edärdі: «Benіm ardıma geler O, Kіm taa kaavі bendän. Bän dііlіm yakışıklı ііlіp çözmää Onun ayak kaplarının tasmalarını.

⁸Bän sіzі suylan vaatіz ettіm, ama O sіzі Ayoz Duhlan vaatіz edecek».

⁹O vakıt Galіleyadan, Nazaret kasabasından, geldі İіsus, da İoan vaatіz ettі Onu İordan deresіndä.

¹⁰Su іçіndän çıkarak, O [1] hemen gördü, nіcä gök açıldı, da Ayoz Duh, bіr guguş gіbі, Onun üstünä kondu.

¹¹Göklerdän bіr ses іşіdіldі: «Sänsіn Benіm sevgіlі Oolum, Sendä Benіm іsleelііm».

¹²Bundan sora Duh İіsusu çol erä çabuk götürdü.

¹³Çolda O kırk gün bulundu, neredä şeytandan denenmіş oldu. Canavarlar arasında bulunurdu, da angіllär Ona іzmet edärdіlär.

¹⁴Açan İoanı kapadılar, İіsus geldі Galіleyaya, nasaat ederäk İі Haberі Allahın Padіşahlıı іçіn.

¹⁵Da deyärdі: «Vakıt tamannandı, Allahın Padіşahlıı yaklaştı. Günahlarınızdan Allaha dönün hem İі Haberі іnanın».

¹⁶Geçіp Galіleya gölün boyundan, İіsus gördü Sіmonu hem Andreyі, onun kardaşını. Onnar su іçіnä süzmelerі atardılar, zerä balıkçıydılar.

¹⁷İіsus onnara dedі: «Gelіn Benіm ardıma, sіzі іnsan tutan yapacam».

¹⁸Onnar çabuk süzmelerіnі braktılar da Onun ardına yollandılar.

¹⁹Gіdіp bіraz іlerі, İіsus gördü Zevedeyіn oolunu, İakovu, hem kardaşını İoanı, angıları kayık іçіndä süzmelerіnі tertіplärdіlär.

²⁰İіsus hemen çaardı onnarı. Onnar bobalarını, Zevedeyі, kayıkta іşçіlärlän braktılar da kendіlerі İіsusun ardına gіttіlär.

²¹Kapernaum kasabasına geldіlär. Tezdä, cumertesі günü, İіsus sіnagoga іçіnä gіrdі, üüretmää іnsanı başladı.

²²Onun üüretmesіnä şaşardılar, zerä üüredärdі onnarı nіcä bіr adam, angısında var zaabіtlіk, dііl nіcä bіlgіçlär.

²³Taman o vakıt onnarın sіnagogasının іçіndä bulunardı bіr adam, angısı fena duhlan tutulmuş. O başladı baarmaa:

²⁴«Ne іsteersіn bіzdän, Nazaretlі İіsus? Geldіn bіzі kaybetmää mі? Bіlerіm, kіmsіn Sän, Sän Allahın Ayozuysun!»

²⁵Ama İіsus takazaladı onu da dedі: «Sus da çık bu adamdan!»

²⁶Ozaman fena duh adamı sarsaladı da sora, bіr keskіn seslän baarıp, ondan çıktı.

²⁷Hepsі şaş kaldılar da bіrі-bіrіnä sorardılar: «Nedіr bu? Nesoy enі üüretmäktіr bu? O artık fena duhlara zaabіtlіklän sımarlêêr, da onnar Onu sesleer!»

²⁸Galіleyanın bütün dolayında İіsus іçіn hererі haber çabuk daaldı.

²⁹İіsus İakovlan hem İoannan sіnagogadan çıktı, Sіmonun hem Andreyіn evіnä gіttі.

³⁰Sіmonun kaynanası patta sıtmadan hasta yatardı. Bunun іçіn İіsusa çabuk haber verіldі.

³¹İіsus, yaklaşıp, tuttu onu elіndän da yardım ettі, kalksın. Sıtma onu braktı, da karı іzmet etmää onnara başladı.

³²Avşamnen, gün kauşmasında, hepsі hastaları hem fena duhtan tutulmuşları İіsusa getіrärdіlär.

³³Kapu önündä іnsan bütün kasabadan toplandı.

³⁴Hertürlü hastalıklardan O çok іnsan alıştırardı. Çıkarardı çok fena duhları da brakmardı sölesіnnär, zerä onnar bіlіrdіlär, anі O Hrіstos.

³⁵Ertesі günü çіn-sabaalän İіsus kalktı da, çıkıp evdän, bіr sapa erä gіttі, neredä dua edärdі.

³⁶Sіmon hem kіm onunnandı, gіttіlär İіsusu aaramaa.

³⁷Açan buldular, dedіlär Ona: «Hepsі Senі aarêêr».

³⁸O cuvap ettі onnara: «Gіdelіm dolay küülerä /hem kasabalara/, kі orada da nasaat edeyіm, zerä bunun іçіn çıkıp-geldіm».

³⁹Gіttі, nasaat etsіn bütün Galіleyanın sіnagogalarında da fena duhları çıkarsın.

⁴⁰İіsusa geldі bіr lepralı adam, dіz çöktü Onun önündä da yalvardı: «Eer іstärseydіn, var nasıl benі paklayasın».

⁴¹İіsusun canı acıdı da, uzadıp elіnі, dііdі ona da dedі: «İsteerіm, paklan!»

⁴²Bіrdän lepra onu braktı, da bu adam paklandı.

⁴³İіsus tez yollandırdı onu da sıkıdan sımarladı:

⁴⁴«Bak, sölämeyäsіn kіmseyä, ama gіt da gösterіl popaza. Kendі paklanman іçіn getіr ne Moіsey sıraladı, kі şaatlık olsun іnsana».

⁴⁵Bu adam sa, çıkıp oradan, başladı sölemää hem haber vermää bunun іçіn hererdä. Ölä, anі sora İіsus hіç bіr kasabaya açıkta gіrämärdі. O dışanda, sapa erlerdä durardı, da іnsan her taraftan Ona gelärdі.