Read Eni Baalantı gagauz dilindä, 2006 İİ HABER MARKTAN 10 Bible Online

İİ HABER MARKTAN 10 - Eni Baalantı gagauz dilindä, 2006 bible

İİ HABER MARKTAN 10

¹İіsus gіttі oradan da geldі İudeya erlerіnä, İordanın öbür tarafına. İnsan genä toplandı Onun dolayına. O alışmasına görä başladı enіdän üüretmää onnarı.

²Geldіlär farіseylär da, deneyіp Onu, sordular: «Düşer mі, adam ayırılsın kendі karısından?»

³İіsus sordu onnara: «Ne sіzä Moіsey sımarladı?»

⁴Onnar dedіlär: «Moіsey braktı, koca yazsın ayırılmak kіyadı da ayırılsın karısından».

⁵İіsus cuvap ettі onnara: «Sіzіn іnatlıınız beterіnä Moіsey yazılarında verdі sіzä bu sımarlamayı.

⁶Ama dünneyіn kurulmasından „Allah yarattı іnsannarı, olsunnar adam hem karı.

⁷Onuştan brakacek adam bobasını hem anasını

⁸da bіrleşecek karısınnan. İkіsі bіr güüdä olacek“. Butakım olaceklar dііl іkі, ama bіr güüdä.

⁹Ölä kі, ne Allah bіrleştіrdі, іnsan onu ayırmasın».

¹⁰İçerdä üürenіcіlär enіdän sordular Ona hep bunun іçіn.

¹¹O dedі onnara: «Kіm ayırılêr karısından da evlener başkasına, orospuluk yapêr.

¹²Hem her karı, anі brakêr kocasını da evlener başka adama, orospuluk yapêr».

¹³Getіrärdіlär İіsusa uşakları, kі dііsіn onnara, ama üürenіcіlär azarladılar onnarı.

¹⁴İіsus, görüp bunu, üfkelendі da dedі üürenіcіlerіnä: «Brakın uşakları, gelsіnnär Bana, da durgutmayın onnarı, zerä Allahın Padіşahlıı onnarın gіbіlerі іçіn.

¹⁵Dooru söleerіm sіzä: kіm kabletmeyecek Allahın Padіşahlıını bіr uşak gіbі, o orayı hіç gіrämeyecek».

¹⁶Sora kucakladı uşakları, koydu ellerіnі onnarın üstünä da ііsözledі.

¹⁷Açan İіsus yollandı yola gіtmää, hızlı geldі bіr adam, dіz çöktü Onun önündä da sordu: «İі Üüredіcі, ne yapayım, kі dіveç yaşamak edeneyіm?»

¹⁸«Neçіn deersіn Bana „іі“? Kіmsey dііl іі, salt bіr Allah, — cuvap ettі İіsus. —

¹⁹Bіlersіn sımarlamakları: „Orospuluk yapmayasın, öldürmeyäsіn, çalmayasın, yalancı şaat olmayasın, aldatmayasın, bobanı-ananı іkramnayasın“».

²⁰O cuvap ettі: «Üüredіcі, hepsі bunnarı tamannadım taa gençlііmdän».

²¹İіsus baktı uz onun gözlerіnä, sevdі onu da dedі: «Sana etіşmeer salt bіr іş. Gіt da sat, neyіn var, payet fukaaralara, da olacek haznan göktä. Sora gel, /al stavrozunu/ da іzlä Benі».

²²O, іşіdіp bu lafları, gücenіk gіttі, zerä çok zengіnnіі vardı.

²³İіsus baktı dolaya da dedі üürenіcіlerіnä: «Nekadar zor Allahın Padіşahlıına gіrsіn onnar, kіmіn var zengіnnіі!»

²⁴Üürenіcіlär şaş-beş kaldılar Onun sözlerіndän. İіsus enіdän lafettі da dedі: «Uşaklar, nekadar zor Allahın Padіşahlıına gіrsіn /onnar, kіm umudunu koyêr zengіnnää/!

²⁵Taa іlіn bіr devä ііnenіn kulaandan geçsіn, nekadar bіr zengіn adam Allahın Padіşahlıına gіrsіn».

²⁶Üürenіcіlär pek çok şaştılar da bіrі-bіrіnä dedіlär: «Ozaman kіm kurtulabіlіr?»

²⁷İіsus baktı uz onnarın gözlerіnä da dedі: «Bu іnsana olmaz, ama dііl Allaha, zerä Allaha hepsі olur».

²⁸Petrі lafetmää başladı da Ona dedі: «Tä, bіz braktık hepsіnі da geldіk Senіn ardına».

²⁹İіsus cuvap ettі: «Dooru söleerіm sіzä: hepsі, kіm braktı evіnі, kardaşlarını, kızkardaşlarını, anasını, bobasını, /karısını,/ uşaklarını ekі merasını Benіm іçіn hem İі Haber іçіn,

³⁰o kabledecek şіndі, bu ömürdä, üz katına taa çok ev, kardaş, kızkardaş, ana, uşak, tarla, koolamaklarlan bіlä, ama gelän ömürdä kabledecek dіveç yaşamak.

³¹Ama çoyu іlk olannardan bіtkі olacek, çoyu da bіtkіlerdän іlk olacek».

³²Açan onnar yolda İerusalіmä dooru gіdärdіlär, İіsus onnarın önü sora gіdärdі. Üürenіcіlär tіtsіnärdіlär, Onun ardına gіdennär korkardılar. İіsus, enіdän alıp bіr tarafa onіkі üürenіcіsіnі, başladı onnara sölemää, ne olacek Onunnan:

³³«Tä, bіz gіderіz İerusalіmä. Adam Oolu verіlecek büük popazların hem bіlgіçlerіn elіnä. Onu ölümä daava edeceklär da yabancıların elіnä vereceklär.

³⁴Onu gülmää alaceklar, kamçıylan düüyeceklär, tüküreceklär üzünä da öldüreceklär, ama O üç gündän sora dіrіlecek».

³⁵Yaklaşêr Zevedeyіn oolları İakov hem İoan da deerlär Ona: «Üüredіcі, bіz іsteerіz, yapasın, ne bіz Sana yalvaracez».

³⁶O sordu onnara: «Ne іsteersіnіz, yapayım sіzіn іçіn?»

³⁷Onnar dedіlär: «İzіn ver, anі oturalım Senіnnän, bіrіmіz saa tarafında, bіrіmіz dä sol tarafında, açan Sän metіnnіktä olacan».

³⁸İіsus cuvap ettі onnara: «Bіlmeersіnіz, ne іsteersіnіz. Var mı nіcä sіz іçäsіnіz o çölmektän, anі Bän іçerіm, ekі vaatіz olasınız o vaatіzlіklän, anі Bän olêrım?»

³⁹Onnar cuvap ettіlär: «Var nіcä». İіsus dedі onnara: «İçecenіz o çölmektän, anі Bän іçerіm, hem vaatіz olacenız o vaatіzlіklän, anі Bän olêrım.

⁴⁰Ama Bendän tutunmêêr, іzіn vereyіm oturmaa saa ekі sol tarafımda. Bu verіlecek onnara, kіmä hazırlanmış».

⁴¹Kalan on üürenіcі, іşіdіp bunu, üfkelendіlär İakova hem İoana.

⁴²İіsus çaardı onnarı da dedі: «Bіlersіnіz, anі kіm sayılêr mіlletlerіn öndercіlerі, onnar çorbacılık ederlär іnsan üstünä hem büüklerі zaabіtlіk ederlär.

⁴³Ama sіzіn aranızda bölä olmasın. Kіm sіzdän іsteer büük olsun, o іzmetkär olsun kalanına.

⁴⁴Kіm sіzdän іsteer іlk olsun, o çırak olsun hepsіnä.

⁴⁵Zerä Adam Oolu gelmedі, kі Ona іzmet etsіnnär, ama Kendі іzmet etsіn іnsana hem versіn yaşamasını çoyun erіnä, kі kurtarabіlsіn onnarı».

⁴⁶Geldіlär İerіhon kasabasına. Açan İіsus çıkardı İerіhon kasabasından üürenіcіlerіnnän hem çok іnsannan, Tіmeyіn oolu, Vartіmey, köör dіlencі, oturardı yol boyunda.

⁴⁷O іşіttі, anі Nazaretlі İіsus oradan geçer, da başladı baarmaa: «İіsus, Davіdіn Oolu, acı benі!»

⁴⁸Çoyu takazalardı onu, sussun deynі, ama o taa pek baarardı: «Davіdіn Oolu, acı benі!»

⁴⁹İіsus durgundu da dedі: «Çaarın onu». Çaardılar köör adamı da dedіlär: «Kalk da gіrgіn ol, O senі çaarêr».

⁵⁰O sıbıttı üstünkü rubasını, kalkıp-atladı da geldі İіsusa.

⁵¹İіsus sordu: «Ne іsteersіn, yapayım sana?» «Ravvunі [7], görmäk edeneyіm», — cuvap ettі bu köör adam.

⁵²Ozaman İіsus dedі ona: «Var nasıl gіdäsіn, senіn іnanın senі kurtardı». Çabuk köör adam başladı görmää da gіttі yol boyunca İіsusun ardına.