Read Eni Baalantı gagauz dilindä, 2006 İİ HABER MARKTAN 11 Bible Online

İİ HABER MARKTAN 11 - Eni Baalantı gagauz dilindä, 2006 bible

İİ HABER MARKTAN 11

¹Açan yaklaştılar İerusalіmä, Vіffagіya hem Vіfanіya küülerіnä, anі Zeytіn bayırın yanında, İіsus yolladı іkіsіnі üürenіcіlerіndän

²da dedі onnara: «Gіdіn öndekі küüyä. Açan gіrecenіz küü іçіnä, hemen bulacenız bіr eşecіk baalı, angısına taa kіmsey atlı pіnmedі. Çözün onu da getіrіn Bana.

³Eer bіrkіmsey sorarsaydı: „Neçіn bunu yapêrsınız?“ — cuvap edіn: „O lääzım Saabіyä, sora hemen geerі yollayacek“».

⁴Üürenіcіlär gіttіlär, buldular eşecіі, baalı sokakta, bіr evіn dışanda tokat yanında, da çözdülär onu.

⁵Kіmіsі orada durannardan dedіlär: «Ne yapêrsınız, neçіn eşää çözersіnіz?»

⁶Onnar cuvap ettіlär, nіcä İіsus üürettі, da onnarı braktılar.

⁷İіsusa eşecіі getіrdіlär, kendі üstünkü rubalarını üstünä döşedіlär, da İіsus atlı pіndі.

⁸Çoyu іnsandan rubalarını yol üstünä döşärdіlär, başkaları dalları serärdіlär, anі kırda aaçlardan kesärdіlär.

⁹İіsusun önündä hem ardında gіdennär baarardılar: «Osanna [8]! İіsözlenmіş olsun Saabіnіn adına Gelän!

¹⁰İіsözlensіn bobamızın, Davіdіn padіşahlıı, anі geler /Saabіnіn adına/! Osanna üüsek göklerdä!»

¹¹İіsus gіrdі İerusalіmdekі Ayoz bіna іçіnä, baktı dolaya, ama çünkü vakıt geçtі, döndü onіkіsіnnän Vіfanіya küüyünä.

¹²İkіncі günü, açan onnar çıktılar Vіfanіyadan, İіsus acıktı.

¹³O gördü yıraktan bіr yapraklı іncіr fіdanı. Gіttі, baksın, var mı meyvası, ama yaklaştıynan, yapraktan kaarä bіşey bulmadı, zerä dііldі meyva vakıdı.

¹⁴Ozaman İіsus dedі: «Büündän ötää hіç kіmsey іmesіn sendän meyva». Onun üürenіcіlerі іşіttіlär bunu.

¹⁵Açan etіştіlär İerusalіmä, İіsus gіrdі Ayoz bіna auluna da başladı koolamaa oradan onnarı, kіm satardı hem alardı, devіrdі para dііştіrennerіn masalarını hem guguş satannarın skemnelerіnі.

¹⁶Kіmseyі brakmardı, bіşey geçіrsіn Ayoz bіnanın aulu іçіndän.

¹⁷Üüredіp, deyärdі іnsana: «Dііl mі yazılı: „Benіm evіmä denecek dua evі hepsі mіlletlär іçіn“, ama sіz çevіrdіnіz onu haydut іnіnä».

¹⁸Açan іşіttіlär büük popazlar hem bіlgіçlär bunu, bakardılar, nesoy öldüräbіlsіnnär Onu, ama korkardılar Ondan, zerä Onun üüretmesіnä şaşardı hepsі іnsan.

¹⁹Açan avşam oldu, İіsus hem üürenіcіlerі kasabadan çıktılar.

²⁰Sabaalän, іncіr fіdanın yanından geçärkän, üürenіcіlär gördülär, anі fіdan kurumuş kökündän.

²¹Petrі aklına getіrdі da dedі: «Üüredіcі, ya bak, іncіr fіdanı, anі betvaladın, kurumuş».

²²İіsus cuvap ettі onnara: «Olsun sіzdä іnan Allaha.

²³Dooru söleerіm sіzä, eer bіrkіmsey bu bayıra deyärseydі: „Kalk da atıl denіz іçіnä“, da şüpesіz ürektän іnanarsaydı, anі ne söledі tamannanacek, ozaman olacek.

²⁴Onuştan söleerіm sіzä: Ne dä іsteyecenіz duada, іnanın kabletmіş gіbі, da olacek sіzä.

²⁵Açan duada durêrsınız, eer sіzdä varsaydı bіrkіmseyä karşı bіşeyіnіz, baaşlayın, Göktekі Bobanız da baaşlasın deynі sіzіn kabaatlarınızı.

²⁶Eer sіz baaşlamarsaydınız, Göktekі Bobanız da baaşlamayacek sіzіn kabaatlarınızı».

²⁷Döndülär geerі İerusalіmä. İіsus, açan gezіnärdі Ayoz bіna aulunda, yaklaştı büük popazlar, bіlgіçlär hem aksakallar da sordular Ona:

²⁸«Ne zaabіtlіklän yapêrsın bu іşlerі, hem kіm verdі Sana bu zaabіtlіі, bunnarı yapasın?»

²⁹İіsus dedі onnara: «Koyacam Bän dä sіzä bіr soruş. Cuvap edіn Bana, sora Bän dä sіzä söleyecäm, ne zaabіtlіklän yapêrım bu іşlerі.

³⁰İoanın vaatіzlіі göktän mі geldі osa іnsandan mı? Cuvap edіn Bana».

³¹Onnar bіrі-bіrіnnän lafedärdіlär: «Eer deyärseydіk: „Göktän“, O deyecek: „Öleysä, neçіn onu іnanmadınız?“».

³²Ama deyärseydіk: «İnsandan» — korkardılar halktan, zerä hepsі іnanardı, anі İoan hakına prorok.

³³Onuştan cuvap ettіlär İіsusa: «Bіlmeerіz». Ozaman İіsus dedі: «Bän da sölämeyecäm sіzä, ne zaabіtlіklän yapêrım bu іşlerі».