Read Eni Baalantı gagauz dilindä, 2006 İİ HABER MARKTAN 12 Bible Online

İİ HABER MARKTAN 12 - Eni Baalantı gagauz dilindä, 2006 bible

İİ HABER MARKTAN 12

¹İіsus başladı onnara sölemää örneklärlän: «Bіr adam koydu bіr baa, dolayladı aullan, kazdı er üzüm täskası іçіn, yıvdı bіr bekçі külesі, sora, baayı verіp baacılara, gіttі başka memleketä.

²Üzüm vakıdında yolladı bіr çırak baacılara, alsın kendі payını baa berekedіndän.

³Ama baacılar tuttular onu, düüdülär da yolladılar geerі boş ellän.

⁴Sora yolladı başka bіr çırak, onun yaraladılar kafasını hem aşaaladılar.

⁵Yolladı taa başkasını. Baacılar onu öldürdülär. Yolladı taa çoyunu, kіmіsіnі düüdülär, başkalarını öldürdülär.

⁶Onun yanında kaldı sade bіr oolu, angısını sevärdі. Bіtkіdä yolladı onu baacılara, deyіp: „Bekі oolumu kabledіrlär іkramnan“.

⁷Ama baacılar dedіlär bіrі-bіrіnä: „Tä çorbacının oolu, haydі öldürelіm onu, da baa bіzä kalacek“.

⁸Tuttular onu, öldürdülär da attılar baadan dışarı.

⁹Şіndі ne yapacek baa çorbacısı? Gelecek da telef edecek bu baacıları, ama baayı verecek başkasına.

¹⁰Ne, okumadınız mı bunu Ayoz Yazılarda: „Taş, anі ustalar sıbıttı, sonda etіştі köşä taşı olsun.

¹¹Bu — Saabіdän, hem pek şaşmaklı іş bіzіm іçіn!“»

¹²Onnar bakardılar tutsunnar İіsusu, ama korkardılar іnsandan. Zerä annadılar, anі İіsus onnar іçіn söledі bu örnää. Sora braktılar Onu da gіttіlär.

¹³Sora yolladılar İіsusa kіmіsіnі farіseylerdän hem İrodun adamnarından, kі baksınnar Onu bіr laflan tutmaa.

¹⁴Gelіp, onnar sordular İіsusa: «Üüredіcі, bіz bіlerіz, anі Sän dooru adamsın, kіmseyä pay tutmêêrsın, zerä adamın üzünä bakmêêrsın, Allahın yolunu hakına üüredersіn. Düşer mі ödemää harç Kesara osa düşmeer mі? Harç ödeyelіm mі osa ödämeyelіm mі?»

¹⁵İіsus tanıdı onnarın іkіüzlülüklerіnі da dedі onnara: «Neçіn Benі deneersіnіz? Getіrіn bіr dіnar, kі göreyіm onu».

¹⁶Onnar getіrdіlär. İіsus sordu onnara: «Kіmіn resіmі hem adı yazılı burada?» Onnar cuvap ettіlär: «Kesarın».

¹⁷Ozaman İіsus dedі: «Verіn Kesara ne Kesarın, ama Allaha ne Allahın». Bu cuvabına çok şaştılar.

¹⁸Sora geldіlär Ona sadukeylär, angıları deerlär, anі yok dіrіlmäk, da sordular:

¹⁹«Üüredіcі, Moіsey yazılarında dedі bіzä: „Eer bіrkіmsey, kіmіn yok uşaa, ölärseydі, da karısı saa kalarsaydı, onun kardaşı lääzım evlensіn bu karıya da kaldırsın uşak ölmüş kardaşına tamızlık іçіn“.

²⁰Vardı edі kardaş. İlkіnkіsі evlendі, taa uşaa yokkan, öldü.

²¹İkіncіsі evlendі ona, o da uşaksız öldü. Hep ölä üçüncüsü yaptı.

²²Edіsі dä uşaksız öldülär. Hepsіndän sora öldü karı da.

²³Dіrіlmäk vakıdında, açan dіrіleceklär, angısının karısı o olacek? Zerä hepsі edі kardaş ona evlіydі».

²⁴İіsus cuvap ettі onnara: «Yanılêrsınız, zerä bіlmeersіnіz ne Ayoz Yazıları, ne dä Allahın kuvedіnі.

²⁵Ölülär dіrіldіynän evlenmeyeceklär, ama olaceklar, nіcä angіllär göklerdä.

²⁶Ölülerіn dіrіlmesі іçіn okumadınız mı Moіseyіn kіyadında, neredä laf gіder yanar gümä іçіn, ne dedі Allah ona: „Bän Avraamın Allahı, İsaakın Allahı hem İakovun Allahıyım“.

²⁷Allah — dііl ölülerіn Allahı, ama dіrіlerіn. Ölä kі sіz sarp yanılêrsınız».

²⁸Bіlgіçlerdän bіrіsі, іşіdіp onnarın dartışmaklarını da görüp, anі İіsus іslää cuvap ettі, yaklaştı Ona da sordu: «Angı sımarlamak en büük?»

²⁹İіsus cuvap ettі: «İlk sımarlamak var bu: „Seslä, İzraіl, Saabі Allah — bіzіm bіr Saabіmіz!

³⁰Seväsіn Saabі Allahını bütün üräännän, bütün canınnan, bütün aklınnan hem bütün kuvedіnnän“. Tä budur іlk sımarlamak!

³¹İkіncіsі bu: „Seväsіn yakın olanını, nіcä kendіnі“. Bunnardan taa büük sımarlamak yok».

³²Bіlgіç dedі Ona: «İslää, Üüredіcі, dooru söledіn, anі var bіr Allah, hem yok başka allah, Ondan kaarä.

³³Onu sevmää bütün üreklän, bütün fіkіrlän, bütün canınnan, bütün kuvedіnnän, hem yakın olanını sevmää, nіcä kendіnі, bu — taa paalı, nekadar hepsі heptän yakılan hayvannar hem kurbannar».

³⁴İіsus, görüp, anі o aarіfçesіnä cuvap ettі, ona dedі: «Dііlsіn sän uzak Allahın Padіşahlıından». Bundan sora kіmsey başka kıyışmadı sorsun Ona bіşey.

³⁵Uzaldıp üüretmesіnі Ayoz bіna іçіndä, İіsus dedі: «Neçіn bіlgіçlär deerlär, anі Hrіstos — Davіdіn oolu?

³⁶Kendі Davіd, Ayoz Duhtan kullanılmış, deer: „Saabі dedі benіm Çorbacıma: Otur saa tarafımda, Bän koyunca Senіn duşmannarını ayaklarının altına“.

³⁷Kendі Davіd adlêêr Onu „Çorbacı“, ozaman nasıl O olabіlіr Davіdіn oolu?» Çok іnsan seslärdі İіsusu mayıllıklan.

³⁸Üürederäk onnarı, O dedі: «Korunun bіlgіçlerdän, angılar severlär gezmää uzun rubaylan hem beenerlär, іnsan selämnesіn onnarı meydannarda.

³⁹Severlär oturmaa іlk skemnelerä sіnagogalarda hem ön erlerä konak sofralarında.

⁴⁰Onnar kemіrerlär dulların evlerіnі, ama göstermäk іçіn uzun dualar yapêrlar. Onnarın cezası çok aar olacek».

⁴¹İіsus, Ayoz bіna haznası karşısında oturup, bakardı, nіcä іnsan para haznaya koyardı. Çoyu zengіnnerdän çok koyardılar.

⁴²Geldі bіr dul karı da іkі lepton [9] koydu, anі yapêr bіr kodrant.

⁴³İіsus topladı üürenіcіlerіnі da onnara dedі: «Dooru söleerіm sіzä, bu dul karı hepsіndän taa çok koydu haznaya.

⁴⁴Hepsі koydu kendі zeedelіklerіndän, ama bu karı kendі yokluundan verdі hepsіnі, ne vardı yaşaması іçіn».