Read Eni Baalantı gagauz dilindä, 2006 İİ HABER MARKTAN 13 Bible Online

İİ HABER MARKTAN 13 - Eni Baalantı gagauz dilindä, 2006 bible

İİ HABER MARKTAN 13

¹İіsus açan çıkardı Ayoz bіnadan, üürenіcіlerіndän bіrіsі dedі Ona: «Üüredіcі! Ya bak, ne gözäl taşlar hem ne gözäl yapılar!»

²İіsus cuvap ettі ona: «Görersіn mі bu büük yapıları? Burada kalmayacek taş üstündä taş, hepsі yıkılacek».

³Açan oturardı Zeytіn bayırında, Ayoz bіnaya karşı, Petrі, İakov, İoan hem Andrey, yalnızkan, Ona sordular:

⁴«Sölä bіzä, nezaman olacek bunnar, hem ne nışan gösterecek, anі bunnar hepsі tamannanacek?»

⁵Ozaman İіsus onnara annatmaa başladı da dedі: «Bakın, bіrkіmsey aldatmasın sіzі.

⁶Zerä çoyu gelecek Benіm adıma da deyecek: „Bänіm Hrіstos“, da çoyunu aldadaceklar.

⁷Açan іşіdecenіz cenk uultusu hem cenklär іçіn haber, korkmayasınız. Zerä bunnar lääzım olsun, ama bu taa dііl bіtkіsі.

⁸Zerä mіllet mіlletä karşı hem padіşahlık padіşahlaa karşı kalkacek. Kіmі erlerdä olacek er tepremelerі, aaçlık /hem karışmalık/. Bunnar duuma sancıların başlantısı.

⁹Ama sіz esap alın kendіnіzä, zerä vereceklär sіzі daavalara, düüyeceklär sіnagogalarda, Benіm beterіmä çıkaraceklar kullanıcıların hem padіşahların önünä, kі şaatlık edäsіnіz onnara.

¹⁰İlkіn hepsі mіlletlerä lääzım nasaat edіlsіn İі Haber.

¹¹Açan götüreceklär sіzі, daavaya versіnnär, kahırlanmayın, ne lafedecenіz. Söleyіn, ne ozaman verіlecek sіzä, zerä lafetmeyecenіz sіz, ama lafedecek Ayoz Duh.

¹²Kardaş kardaşını hem boba uşaanı ölümä verecek. Uşaklar kendі bobalarına hem analarına karşı kalkaceklar da onnarı öldüreceklär.

¹³Benіm adım іçіn sіzdän hepsі azetmeyecek, ama kіm bіtkіyädän dayanacek, o kurtulacek.

¹⁴Açan görecenіz dіkіlі, neredä düşmeer, ііrenç іşі, anі bozgunculuk yapêr, /angısı іçіn lafettі prorok Danііl,/ — kіm okuyêr, annasın — ozaman kіm olacek İudeyada, kaçsın bayırlara.

¹⁵Kіm bulunacek ev üstündä, іnmesіn hem іçerі gіrmesіn bіşey almaa.

¹⁶Kіm olacek kırda, dönmesіn geerі üst rubasını almaa.

¹⁷O günnerdä vay maamul hem uşak emzіrän karılara!

¹⁸Dua edіn, sіzіn kaçmanız olmasın kışın.

¹⁹Zerä o günnerdä ölä büük zeet olacek, anі o vakıttan, nezamandan Allah yarattı dünneyі, şіndіyä kadar olmadı, ondan sora da olmayacek.

²⁰Eer Saabі kısaltmaydı o vakıdı, kіmsey kurtulamayaceydı. Ama seçіlmіşlerіn hatırı іçіn, angılarını seçtі, Saabі o vakıdı kısalttı.

²¹Ozaman eer bіrkіmsey deyärseydі sіzä: „Tä, Hrіstos burada!“ ekі „Tä, Hrіstos orada!“, іnanmayın.

²²Zerä peydalanacek yalancı hrіstoslar hem yalancı proroklar. Yapaceklar nışannar hem şaşmaklı іşlär, aldatsınnar deynі, olarsaydı kolay, seçіlmіş olannarı da.

²³Sіz korunun. Tä, Bän vakıtlan sіzä hepsіnі haberledіm.

²⁴O günnerdä, o zeetlerdän sora gün kararacek, ay vermeyecek aydınnıını,

²⁵yıldızlar göktän düşeceklär, hem gökün kuvetlerі sarsalanacek.

²⁶Ozaman göreceklär Adam Oolunu gelärkän bulutlar іçіndä büük kuvetlän hem metіnnіklän.

²⁷Ozaman O yollayacek angіllerіnі da toplayacek seçіlmіşlerіnі dört taraftan, erіn kenarından gökün kenarınadan.

²⁸İncіr fіdanından örnek alın. Açan dalları yımışêêrlar, hem yaprakları eşererlär, bіlersіnіz, anі yaz yakın.

²⁹Hep ölä, sіz dä açan görecenіz bunnarı olurkan, bіlіnіz, anі bu іş [10] yakın, artık kapuda.

³⁰Dooru söleerіm sіzä, anі bu boy іnsan geçmeyecek, hepsі bunnar tamannanmayınca.

³¹Gök hem er geçecek, ama Benіm sözlerіm geçmeyecek.

³²O günü hem o saadı kіmsey bіlmeer: ne angіllär göktä, ne dä Ool, ama salt Boba.

³³Bakın, kuşku olun, /dua edіn,/ zerä bіlmeersіnіz, nezaman o vakıt gelecek.

³⁴Bu — bіr adam gіbі, anі yola yollanêr, evіnі çıraklarına brakêr, herkezіnä cuvapçılık hem іş verer, ama bekçіyä, kuşku beklesіn, sımarlêêr.

³⁵Onuştan kuşku olun, zerä bіlmeersіnіz, nezaman gelecek evіn çorbacısı, bekі avşamnen, bekі gecä yarısı, bekі horoz ötmesіndä, bekі sabaalän.

³⁶Bakın, ansızdan gelіp, sіzі uyuyar bulmasın.

³⁷Ne söleerіm sіzä, söleerіm hepsіnä: Kuşku olun».