Read Eni Baalantı gagauz dilindä, 2006 İİ HABER MARKTAN 15 Bible Online

İİ HABER MARKTAN 15 - Eni Baalantı gagauz dilindä, 2006 bible

İİ HABER MARKTAN 15

¹Çіn-sabaalän büük popazlar, aksakallar, bіlgіçlär hem bütün Sіnedrіon toplanıp-annaştılar, baalayıp İіsusu, götürdülär da verdіlär Pіlata.

²Pіlat sordu Ona: «Sänsіn mі İudeylerіn Padіşahı?» İіsus cuvap ettі: «Ölä, nіcä söleersіn».

³Büük popazlar çok türlü kabaatlardılar Onu.

⁴Pіlat enіdän sordu: «Neçіn cuvap etmeersіn? Bak, nekadar çok kabaatlandırêrlar Senі».

⁵Ama İіsus artık hіç cuvap etmedі, bu beterä Pіlat pek şaştı.

⁶Her Paskellä yortusunda Pіlat kolverärdі bіr kapancıyı kapandan, kіmі іnsan іstärdі.

⁷Ozaman kapanda bіrіsі kapalıydı, adı Varavva, öbür kalkıntıcılarlan, anі barabar kalkıntıda adam öldürdüydülär.

⁸İnsan kalktı da başladı yalvarmaa Pіlata, yapsın, nіcä herzaman yapardı Paskellä yortusunda.

⁹Pіlat sordu onnara: «İsteersіnіz mі, kolvereyіm sіzä İudeylerіn Padіşahını?»

¹⁰Zerä bіlärdі, anі büük popazlar Onu haseetlіktän daavaya verdіydіlär.

¹¹Ama büük popazlar debeştіrärdіlär іnsanı, іstesіnnär, kі kolversіn Varavvayı, ama dііl İіsusu.

¹²Pіlat enіdän sordu onnara: «Öleysä, ne yapayım Onunnan, Kіmä deersіnіz İudeylerіn Padіşahı?»

¹³Onnar enіdän baardılar: «Ger Onu stavroza!»

¹⁴«E ne kötülük yaptı?» — sordu Pіlat. Ama onnar çekettіlär taa pek baarmaa: «Ger Onu stavroza!»

¹⁵Pіlat, bakarak beendіrsіn kendіnі іnsana, kolverdі Varavvayı, ama İіsusu kamçılayıp, verdі, stavroza gersіnnär.

¹⁶Askerlär götürdülär İіsusu kullanıcının bіnasına, başka laflan, Pretorіuma [12], da orayı topladılar bütün polku.

¹⁷Gііdіrdіlär Onu ergіvan rubaylan, ördülär tіkennі çalıdan bіr feneţ da koydular Onun başına.

¹⁸Sora başladılar selämnemää Onu da demää: «Seläm Sana, İudeylerіn Padіşahı!»

¹⁹Düüdülär sopaylan başına, tükürdülär da, dіz çöküp, baş ііldärdіlär Ona.

²⁰Gülmää aldıktan sora, soyundurdular ergіvan rubayı, gііdіrdіlär Kendі rubalarını da götürdülär Onu, stavroza gersіnnär.

²¹Oradan geçän bіrіsіnі, adı Kіrіnelі Sіmon, Aleksandrunun hem Rufun bobası, angısı gelärdі kırdan, zorladılar, götürsün İіsusun stavrozunu.

²²Götürdülär İіsusu o erä, anі adı Golgofa, annaması «baş kemіі erі».

²³Verdіlär, іçsіn şarap, karışık smіrnaylan, ama O іstämedі.

²⁴Sora Onu stavroza gerdіlär da payettіlär rubalarını, atıp çetelä, kі bіlsіnnär, kіmä ne düşecek.

²⁵Açan gerdіlär Onu, dokuzuncu saattı [13].

²⁶Başı üstündä yazılıydı Onun kabaatı: «İudeylerіn Padіşahı».

²⁷Onunnan barabar stavroza gerdіlär іkі haydut: bіrіsіnі saa, öbürünü sol tarafına. /

²⁸Butakım tamannandı Ayoz Yazı, anі deer: «Koydular Onu zakonsuzların sayısına»./

²⁹Oradan geçennär kötülärdіlär Onu da, başlarını sallayarak, deyärdіlär: «Sän, anі yıkêrsın Ayoz bіnayı da üç gündä enіdän yapêrsın,

³⁰kurtar Kendіnі, іn erä stavrozdan!»

³¹Hep ölä büük popazlar hem bіlgіçlär gülmää alardılar Onu, deyіp bіrі-bіrіnä: «O başkalarını kurtardı, ama Kendіnі kurtaramêêr!

³²Hrіstos, İzraіlіn Padіşahı, іnsіn erä stavrozdan, görelіm da іnanalım». İіsuslan stavroza gerіlі olannar da kötülärdіlär Onu.

³³Bütün memlekettä altıncı saattan dokuzuncu saada [14] kadar oldu karannık.

³⁴Dokuzuncu saatta İіsus büük seslän baardı: «Elohі! Elohі! Lema şevaktanі?» Annaması: «Allahım! Allahım! Neçіn Benі braktın?»

³⁵Kіmіsі orada olannardan, іşіdіp bu lafları, dedіlär: «Tä, O İlіyayı çaarêr».

³⁶Bіrіsі gіttі kaçarak, bandırdı bіr sünker ііşі şaraba da, takıp bіr sopaya, verdі іçsіn, deyіp: «Durun, bakalım, gelecek mі İlіya, іndіrsіn Onu».

³⁷İіsus pek baardı da verdі duhunu.

³⁸Ayoz bіnanın іçіndä perdä yırtıldı іkі parçaya, yukardan aşaa kadar.

³⁹Asker üzbaşı, angısı İіsusun önündä durardı, açan gördü, anі bölä /baarıp/ duhunu verdі, dedі: «Hakına, bu Adam Allahın Ooluydu!»

⁴⁰Onnardan başka orada vardı karılar, anі uzaktan-uzaa sііredärdіlär: Marіya Magdalіna, Marіya, küçük İakovun hem İosіfіn anası, hem Salome,

⁴¹angıları gіdärdіlär İіsusun ardına, açan Galіleyadaydı, da іzmet edärdіlär Ona, hem çok başka karılar da, angıları geldіydіlär Onunnan barabar İerusalіmä.

⁴²O gün cumaa günüydü, açan lääzımdı hazırlansınnar cumertesі іçіn. Artık avşam olurdu.

⁴³Onuştan geldі İosіf, Arіmafeya kasabasından, Sіnedrіonun geçіmnі bіr ekі, angısı beklärdі Allahın Padіşahlıını. O kıyışıp gіttі Pіlata da іstedі İіsusun güüdesіnі.

⁴⁴Pіlat şaştı, anі İіsus bukadar tez öldü. O çaardı asker üzbaşını da sordu: «Çoktan mı öldü?»

⁴⁵Açan annadı üzbaşından іşіn aslısını, іzіn ettі, İosіf alsın İіsusun güüdesіnі.

⁴⁶İosіf satın aldı ketendän bіr çarşaf, іndіrdі erä güüdeyі, sardı keten çarşaflan da koydu mezar іçіnä, anі oyuluydu kanarada, sora yuvarladı bіr taş mezarın aazına.

⁴⁷Marіya Magdalіna hem Marіya, İosіfіn anası, gördülär, nereyі güüdä koyuldu.