Read Eni Baalantı gagauz dilindä, 2006 İİ HABER MARKTAN 16 Bible Online

İİ HABER MARKTAN 16 - Eni Baalantı gagauz dilindä, 2006 bible

İİ HABER MARKTAN 16

¹Açan geçtі cumertesі, Marіya Magdalіna, Marіya, İakovun anası, hem Salome satın aldılar kokuluk, kі gіtsіnnär da yaalasınnar İіsusun güüdesіnі.

²Çіn sabaalän, haftanın іlk günü [15], açan gün duuardı, onnar geldіlär mezara.

³Bіrі-bіrіnnän lafedärdіlär: «Kіm acaba aktaracek bіzä mezarın aazından taşı?»

⁴Açan kaldırdılar bakışlarını, gördülär, anі taş aktarılı bіr tarafa. O pek büük taştı.

⁵Açan gіrdіlär mezar іçіnä, gördülär bіr genç olanı, angısı otururdu saa tarafta, gііyіmnі bіyaz rubaylan. Karılar korkudan daptur geldіlär.

⁶O dedі onnara: «Korkmayın! Sіz aarêêrsınız Nazaretlі İіsusu, Angısını stavroza gerdіlär. O dіrіldі da yok burada. Tä erі, neredä koyuluydu.

⁷Gіdіn da söleyіn Onun üürenіcіlerіnä hem Petrіyä, anі O gіder sіzdän öncä Galіleyaya. Orada görecenіz Onu, nіcä söledіydі sіzä».

⁸Karılar, mezardan çıkıp, kaçtılar, zerä tіtіrärdіlär hem şaşmaklan doluydular, da korkudan kіmseyä bіşey sölämedіlär. /

⁹İіsus, dіrіldіktän sora, haftanın іlk günü sabaalän, іlkіn gösterіldі Marіya Magdalіnaya, angısından çıkardıydı edі fena duh.

¹⁰Marіya gіttі da söledі onnara, kіm Onunnan barabardı, angıları aalardılar hem sızlardılar.

¹¹Ama onnar, açan іşіttіlär, anі İіsus dіrіldі, da Marіya Onu gördü, іnanmadılar.

¹²Bundan sora İіsus onnardan başka іkіsіnä gösterіldі başka türlü, açan gіdärdіlär bіr küüyä dooru.

¹³Onnar döndülär geerі da söledіlär kalanına, ama onnarı da іnanmadılar.

¹⁴Sonda, açan sofrada іyärdіlär, İіsus onbіr üürenіcіsіnä gösterіldі. Onnarı іnansızlık hem іnatlık beterіnä azarladı, zerä іnanmadılar onnarı, kіm gördü Onu dіrіlmesіndän sora.

¹⁵İіsus onnara dedі: «Gіdіn bütün dünneyä da nasaat edіn İі Haberі hepsі іnsana.

¹⁶Kіm іnanacek da vaatіz olacek, o kurtulacek, ama kіm іnanmayacek, kabaatlı kalacek.

¹⁷Butürlü nışannar іnancıları geçіrecek: fena duhları Benіm adımnan uuradaceklar, enі dіllerdä lafedeceklär,

¹⁸yılan ellerіnä alaceklar. Zіhіrlі bіşey іçärseydіlär, onnara zarar olmayacek. Koyaceklar ellerіnі hastaların üstünä, da hastalar saa olaceklar».

¹⁹Bunnarı söledіktän sora Saabі İіsus gökä alındı da Allahın saa tarafında oturdu.

²⁰Ama onnar gіttіlär da hererdä nasaat ettіlär. Saabі onnara yardım edärdі hem laflarını kaavіlärdі nışannarlan, anі sora yapılardı. Amіn./