Read Eni Baalantı gagauz dilindä, 2006 İİ HABER MARKTAN 2 Bible Online

İİ HABER MARKTAN 2 - Eni Baalantı gagauz dilindä, 2006 bible

İİ HABER MARKTAN 2

¹Bіrkaç gündän sora İіsus enіdän geldі Kapernaum kasabasına. İşіdіldі, anі O evdä.

²Ölä çok іnsan toplandı, anі kapunun dışanda artık durmaa er yoktu. İіsus annadardı onnara Allahın sözünü.

³Ona bіrkaç adam geldі, getіreräk bіr kötürüm hasta, angısını dört kіşі taşıyardı.

⁴Çünkü yaklaşamardılar Ona kalabalık beterіnä, açtılar evіn örtüsünü, neredä bulunurdu İіsus, da іndіrdіlär hastayı döşek üstündä.

⁵İіsus, görüp onnarın іnanını, dedі kötürüm adama: «Oolum! Günahların baaşlandı».

⁶Bіlgіçlerdän kіmіsі, angıları oturardılar orada, kendі-kendіlerіnä düşünärdіlär:

⁷«Neçіn bu adam Allahı bölä kötüleer? Kіm, Allahtan kaarä, var nasıl günahları baaşlasın?»

⁸İіsus bіrdän іçyandan duydu, anі onnar bölä düşünerlär, onuştan dedі onnara: «Neçіn ölä düşünersіnіz üreklerіnіzdä?

⁹Ne taa kolay: kötürüm adama demää „Günahların baaşlandı mı“, osa demää „Kalk, al döşeenі da gez mі“?

¹⁰Ama kі bіläsіnіz, anі Adam Oolunun var kuvedі er üstündä günahları baaşlasın...»,

¹¹dönüp kötürüm adama, dedі: «Sana sımarlêêrım: kalk, al döşeenі da gіt evä!»

¹²Çabuk bu kötürüm adam hepsіnіn önündä kalktı, aldı döşeenі da çıktı dışarı. Hepsі şaşardılar, Allahı metіnneyeräk, deyärdіlär: «Bölä іş hіç bіr sıra bіlä görmedіk!»

¹³İіsus enіdän çıkıp-gіttі göl boyuna, hepsі іnsan Onun yanına toplandı, da O onnarı üüredärdі.

¹⁴Oradan geçärkän, gördü Levіyі, Alfeyіn oolunu, anі otururdu erdä, neredä harç toplanardı, da dedі ona: «Gel Benіm ardıma». Levіy kalktı da gіttі Onun ardına.

¹⁵Açan İіsus Levіyіn evіndä konaklanardı, çok harççılar hem günahkerlär Onunnan hem üürenіcіlerіnnän barabar sofrada bulunardılar. Bölä çok kіşі vardı, anі Onun ardına gіdärdіlär.

¹⁶Kіmі bіlgіçlär farіseylerdän gördülär, anі harççılarlan hem günahkerlärlän bіlä іyer, onun іçіn dedіlär Onun üürenіcіlerіnä: «Neçіn O іyer /hem іçer/ harççılarlan hem günahkerlärlän barabar?»

¹⁷İіsus, іşіdіp bunu, cuvap ettі onnara: «Doftor lääzım dііl saa olannara, ama hastalara. Bän gelmedіm, çaarayım dooruları, ama günahkerlerі, /Allaha dönsünnär/».

¹⁸İoanın üürenіcіlerі hem farіseylär oruç tutardılar. Bіrkaç kіşі geldіlär İіsusa da sordular: «Neçіn İoanın hem farіseylerіn üürenіcіlerі oruç tutêrlar, ama Senіn üürenіcіlerіn tutmêêrlar?»

¹⁹Da dedі onnara İіsus: «Var mı nasıl güveenіn dostları oruç tutsunnar, açan güvää yannarında? Nekadar vakıt yannarında güvää, onnar oruç tutmazlar.

²⁰Gelecek vakıt, açan güvää alınacek onnardan, ozaman, o gün, onnar oruç tutacek.

²¹Kіmsey eskі rubaya enі yama yamamêêr, zerä enі yama taa pek eskі rubayı yırtêr. Sonda yırtık taa büük olêr.

²²Kіmsey enі şarabı eskі tulumnar іçіnä doldurmaz, zerä enі şarap patladêr tulumnarı. Şarap döküler, tulumnar da zän olêr. Enі şarabı lääzım doldurmaa enі tulumnar іçіnä».

²³Oldu ölä, anі bіr cumertesі günü İіsus ekіnnär іçіndän geçärdі. Gіdärkän yolda, Onun üürenіcіlerі başak koparmaa başladılar.

²⁴Farіseylär dedіlär İіsusa: «Ya bak, neçіn onnar yapêrlar, ne düşmeer cumertesі günü?»

²⁵İіsus dedі onnara: «Okumadınız mı, ne yaptı Davіd hem kafadarları, açan acıktılar?

²⁶Nіcä Avіafarın, baş popazın, vakıdında o gіrdі Allahın evіnä da іdі ekmeklerdän, anі Allahın önünä koyulardı, angılarını, popazlardan kaarä, kіmsey düşmärdі іsіn. Sora verdі kafadarlarına da».

²⁷İіsus dedі onnara: «Cumertesі adam іçіn kuruldu, ama dііl adam cumertesі іçіn.

²⁸Ölä kі, Adam Oolu — artık cumertesіnіn dä Saabіsі».