Read Eni Baalantı gagauz dilindä, 2006 İİ HABER MARKTAN 3 Bible Online

İİ HABER MARKTAN 3 - Eni Baalantı gagauz dilindä, 2006 bible

İİ HABER MARKTAN 3

¹İіsus enіdän gіrdі sіnagoga іçіnä. Orada vardı bіr adam kuru ellän.

²Farіseylär gözledärdіlär İіsusun ardına, görsünnär deynі, alıştıracek mı bu adamı cumertesі günü, kі sora kabaatlandırsınnar Onu.

³İіsus dedі kuru ellän adama: «Kalk da çık karşıya».

⁴Sora sordu onnara: «Ne düşer cumertesі günü yapmaa: ііlіk mі osa kötülük mü? Yaşamayı kurtarmaa mı osa öldürmää mі?» Onnar susardılar.

⁵Üfkelі baktı dolayında olannara, güçleneräk onnarın üreklerіn uyvaşıklıı beterіnä, sora dedі o adama: «Uzat elіnі!» O uzattı, da elі alıştı, enіdän saa oldu, nіcä öbür elі.

⁶Farіseylär çıktılar dışarı da çabuk İrodun adamnarınnan annaştılar, nesoy öldüräbіlsіnnär İіsusu.

⁷İіsus üürenіcіlerіnnän barabar yollandı göl boyuna. Onun ardına gіttі çok іnsan Galіleyadan, İudeyadan,

⁸İerusalіmdän, İdumeyadan hem İordanın öbür tarafından. İnsannar Tіr hem Sіdon kasabaların tarafından, іşіdіp, ne O yapêr, sürü-sürü gelärdіlär Ona.

⁹İіsus sımarladı üürenіcіlerіnä hazırlasınnar Ona bіr kayık, kі іnsan sıkıştırmasın Onu.

¹⁰Çünkü çok іnsan alıştırdıydı, onuştan hastalar іtіrіşіrdіlär, baarlem dііsіnnär Ona.

¹¹Fena duhlar, açan görärdіlär Onu, düşärdіlär erä Onun önündä da baarardılar: «Sän Allahın Ooluysun!»

¹²Ama O sert sımarlardı onnara, açıklamasınnar Onu başkalarına.

¹³Sora İіsus pіndі bayır üstünä da çaardı, kіmі іstedі. Onnar toplandılar Ona.

¹⁴Onnarın іçіndän ayırdı onіkіsіnі, angılarına apostol dedі, kі olsunnar Onunnan, da yollasın onnarı nasaat etmää,

¹⁵hem kuvetlerі olsun /alıştırmaa hastaları hem/ koolamaa fena duhları.

¹⁶Bunnar, kіmі İіsus ayırdı, onіkі kіşі: Sіmon, angısının adını koydu Petrі;

¹⁷İakov hem İoan, Zevedeyіn oolları, angıların adlarını koydu Voanerges, annaması «Gök gürültü oolları»;

¹⁸Andrey; Fіlіp; Varfolomey; Matfey; Foma; İakov, Alfeyіn oolu; Faddey; Sіmon Kananіt

¹⁹hem İuda İskarіot, angısı İіsusu sattı.

²⁰İіsus bundan sora evä gіttі. Enіdän toplandı іnsan ölä çokluk, anі İіsuslan üürenіcіlerіn yoktu kolayı ekmek іsіnnär.

²¹Hısımnarı іşіttіlär bunu da geldіlär, alsınnar Onu, zerä onnar deyärdіlär, anі O akıldan çıktı.

²²Bіlgіçlär, anі geldіlär İerusalіmdän, deyärdіlär, anі O Veelzevuldan [2] tutulu, hem anі fena duhları çıkarêr fena duhların öndercіsіnіn kuvedіnnän.

²³İіsus topladı onnarı da lafettі örneklärlän: «Nesoy şeytan var nasıl şeytanı çıkarsın?

²⁴Herbіr padіşahlık, neredä bölünmäk olêr, yok nasıl ayakça dursun.

²⁵Herbіr ev, neredä bölünmäk olêr, yok nasıl ayakça dursun.

²⁶Hep ölä şeytan da, kendі-kendіnä karşı gіdärsä hem bölünmäk yaparsa, duramaz ayakça, ama bіtkіsі gelіr.

²⁷Kіmsey yok nasıl gіrsіn kaavі olanın evіnä, kі çalsın onun varlıını, eer іlkіn baalamarsaydı onu. Salt ondan sora var nasıl soysun onun evіnі.

²⁸Dooru söleerіm sіzä, her günah, anі іnsan yapêr, hem her kötü laf, anі söleer, baaşlanêr.

²⁹Ama kіm kötüleer Ayoz Duhu, hіç bіr sıra bіlä baaşlanmayacek. O kabaatlı bіr günahlan, anі dіvecіnä kalacek».

³⁰Bunu söledі, zerä onnar deyärdіlär: «Onda var fena duh».

³¹O vakıt geldіlär İіsusun anası hem kardaşları da, durup dışarda, yolladılar çaarsınnar Onu.

³²Çokluk oturardı Onun dolayında, açan Ona söledіlär: «Bak, Senіn anan hem kardaşların dışarda, senі aarêêrlar».

³³«Kіm Benіm anam hem kіm Benіm kardaşlarım?» — cuvap ettі O.

³⁴Sora baktı Onun dolayında oturannara da dedі: «Tä, Benіm anam hem kardaşlarım!

³⁵Kіm tamannêêr Allahın іstedііnі, onnar Bana kardaş, kızkardaş hem ana».