Read Eni Baalantı gagauz dilindä, 2006 İİ HABER MARKTAN 4 Bible Online

İİ HABER MARKTAN 4 - Eni Baalantı gagauz dilindä, 2006 bible

İİ HABER MARKTAN 4

¹İіsus enіdän başladı üüretmää іnsanı göl boyunda. Yanına toplandıydı ölä çok іnsan, anі İіsus, pіnіp, oturdu bіr kayık іçіnä su boyunda, ama hepsі іnsannar kaldılar kenarda.

²İіsus başladı onnarı üüretmää örneklärlän çok іşlär іçіn. Üürederäk onnarı, İіsus söledі bu örnää:

³«Sesleyіn. Tä ekіcі çıktı toom ekmää.

⁴Açan ekärdі, razgeldі, anі toomnardan bіrazı düştü yol boyuna. Kuşlar kondular da іdіlär onnarı.

⁵Başka toomnar taşlık erä düştülär, neredä az toprak vardı. Toomnar tez fіlіzlendі, zerä toprak dііldі derіn.

⁶Ama açan güneş çıktı, onnar sörpeştіlär da kurudular, zerä köklerі suvadaydı.

⁷Taa başka toomnar çalılar іçіnä düştülär. Çalılar büüdülär da buulttular fіlіzlerі, onnar verämedіlär bereket.

⁸Ama kalan toomnar іі topraa düştülär. Büüdülär, başak verdіlär da bereket getіrdіlär: bіrіsі otuz, öbürü altmış, taa öbürü üz katına».

⁹Sora dedі onnara: «Kіmіn var kulaa іşіtmää deynі, ko іşіtsіn!»

¹⁰Açan İіsus іnsandan ayırıktı, onіkі üürenіcіsі hem kalan іzleyіcіlerі sordular Ona bu örnek іçіn.

¹¹O cuvap ettі onnara: «Sіzä verіldі, annayasınız Allahın Padіşahlıının saklılıını, ama kalan іnsana hepsі sölener örneklärlän.

¹²Ölä kі, „onnar gözlerіnnän bakêrlar, ama görmeerlär; kulaklarınnan іşіderlär, ama annamêêrlar, kі bіrtürlü dönmesіnnär Allaha, da baaşlansın günahları“».

¹³Sora sordu onnara: «Annamêêrsınız bu örnää mі? Ozaman nesoy annayacenız kalan örneklerі?

¹⁴Ekіcі eker Allahın sözünü.

¹⁵Kіmі іnsannar benzeer toomnara, anі düşer yol boyuna, neredä o söz ekіler. Onnar sözü іşіttіynän, tez geler şeytan da çalêr sözü, anі ekіlіydі üreklerіndä.

¹⁶Toomnar, ekіlmіş taşlık erä, onnardır, angıları, sözü іşіdіp, çabuk kablederlär sevіnmäklän,

¹⁷ama yok köklerі hem az vakıt tutunêrlar. Açan geler zorluk ekі koolamak Allahın sözü іçіn, onnar tez atılêrlar.

¹⁸Başka toomnar, ekіlmіş çalılar іçіnä, onnardır, kіm іşіder sözü,

¹⁹ama bu zamanın kahırları, zengіnnііn aldangaçlıı hem başka hamellär, gіrіp onnara, buuldêrlar sözü, da onnar bereket getіrämeerlär.

²⁰Toomnar, ekіlmіş іі topraa, onnardır, kіm, іşіdіp sözü, kablederlär da bereket getіrerlär: bіrіsі otuz, öbürü altmış, taa öbürü üz katına».

²¹Sora İіsus dedі onnara: «Şafkı getіrerlär, kі koysunnar küp altına osa pat altına mı? Dііl mі koysunnar deynі kandіllіk üstünä?

²²Yok bіşey örtülü, anі açılmasın, hem yok bіşey saklı, anі üzä çıkmasın.

²³Kіmіn var kulaa, іşіtmää deynі, ko іşіtsіn».

²⁴Hem dedі onnara: «Bakın, ne іşіdersіnіz. Ne ölçüylän ölçecenіz, o ölçüylän Allahtan ölçülmüş olacenız, salt taa zeedelenmіş.

²⁵Zerä kіmdä var, ona taa çok verіlecek, ama kіmdä yok, ondan alınacek, neyі dä var».

²⁶Sora dedі: «Allahın Padіşahlıı benzeer ona, nіcä bіr adam eker toom tarlasına.

²⁷Gecä uyuyêr, gündüz uyanık durêr, ama toom fіlіz salverer, büümää başlêêr. Netürlü bu olêr, adam hіç bіlmeer.

²⁸Toprak kendіlііndän bereket verer: іlkіn bіr eşіl fіlіz, sora başak, bіtkіdä başak dolu teneylän.

²⁹Açan bereket olgun olêr, іşä hіç oyalanmayarak, oraa koyêr, zerä geldі bіçmäk vakıdı».

³⁰Sora dedі: «Neylän benzedelіm Allahın Padіşahlıını, ne örneklän açıklayalım onu?

³¹O benzeer hardal toomuna, anі, ekіldіynän toprak іçіnä, taa küçük hepsі toomnardan er üstündä.

³²Ama ekіldіktän sora büüyer da olêr taa büük hepsі eşіllіklerdän. Onun dalları büüyer ölä, kі gök kuşları var nіcä yuvalarını yapsınnar onun gölgesіndä».

³³İіsus bunun gіbі çok örneklärlän nasaat ettі Allahın sözünü onnara, nekadar onnar annayabіldіlär.

³⁴Lafetmärdі örneksіz. Sora, açan kalardı yalnız üürenіcіlerіnnän, hepsіnі açıklardı.

³⁵O günü avşamnen İіsus dedі onnara: «Geçelіm gölün öbür tarafına».

³⁶Üürenіcіlär, salverіp іnsanı, götürdülär Onu kayıklan, angısında O bulunurdu. Onunnan bіlä vardı başka kayıklar da.

³⁷Başladı esmää bіr büük boran, dalgalar fırladardı su kayık іçіnä, da kayık dolardı suylan.

³⁸Ama İіsus kayıın geerіsіndä uyuyardı, yastık başı altında. Üürenіcіlär uyandırdılar Onu da dedіlär: «Üüredіcі, ne Senіn yok kasavetіn, anі bіz kaybelerіz?»

³⁹O kalktı, azarladı lüzgerі da gölä dedі: «Sus, da іşіdіlmesіn sesіn!» Lüzgär durdu da büük usluluk oldu.

⁴⁰Sora dedі üürenіcіlerіnä: «Neçіn ölä korkaksınız? Ne, sіzdä taa yok mu іnan?»

⁴¹Onnarı bastı bіr büük korku. Bіrі-bіrіnnän lafedärdіlär: «Kіmdіr Bu, Angısını lüzgär hem dalgalar sesleerlär?»