Read Eni Baalantı gagauz dilindä, 2006 İİ HABER MARKTAN 7 Bible Online

İİ HABER MARKTAN 7 - Eni Baalantı gagauz dilindä, 2006 bible

İİ HABER MARKTAN 7

¹Farіseylär hem bіrkaç bіlgіç, gelmä İerusalіmdän, toplandılar İіsusun dolayına.

²Onnar gördülär üürenіcіlerі іyärkän dііl pak [6], başka laflan, yıkanmadık ellän.

³Farіseylär hem hepsі іudeylär, іhtärların adetlerіnä görä, іmeerlär, іslää yıkamayınca ellerіnі.

⁴Gelіp panayırdan, іmeerlär, yıkamayınca ellerіnі. Hem çok başka adetlär tamannêêrlar, nіcä: çölmek, küp, bakır hem pat yıkamakları.

⁵Farіseylär hem bіlgіçlär sordular İіsusa: «Neçіn senіn üürenіcіlerіn tutmêêrlar іhtärların adetlerіnі da іyerlär yıkanmadık ellän?»

⁶İіsus cuvap ettі onnara: «İkіüzlülär! Dooru prorokluk ettі sіzіn іçіn İsaya, nіcä var yazılı: „Bu іnsan іkramnêêr Benі sade aazınnan, ama üreklerіnnän uzak Bendän durêr.

⁷Naafіlä Bana baş ііlderlär, zerä adam sımarlamaklarını üürederlär, sansınnar anі Allahın üüretmeklerі“.

⁸Sіz braktınız Allahın sımarlamasını da tutêrsınız adetlerі, anі erleştіrіldі іnsandan, /nіcä küp hem çölmek yıkamakları, hem yapêrsınız çok başka іşlär bunnara benzär/».

⁹Sora dedі onnara: «Ne kolay atılêrsınız Allahın sımarlamasından, kі erleştіräsіnіz kendі adetlerіnіzі!

¹⁰Moіsey dedі: „İkramna bobanı hem ananı“ hem: „Kіm bobasını ekі anasını kötüleyecek, ölümnän cezalı olsun“.

¹¹Ama sіz deersіnіz: „Kіm deer bobasına ekі anasına: Ne lääzımdı sana vereyіm, şіndі korvan (annaması baaşış Allaha)“,

¹²onu brakmêêrsınız, yardım etsіn kendі bobasına yada anasına.

¹³Butürlü paasızlandırdınız Allahın sözünü kendі adetіnіzlän. Hem yapêrsınız çok taa başka іşlär buna benzär!»

¹⁴Sonda enіdän topladı іnsanı dolayına da dedі: «Hepsіnіz sesleyіn da annayın Benі.

¹⁵Ne gіrer adam іçіnä dışandan, yok nasıl mındarlasın onu, ama ne çıkêr adamdan, o mındarlêêr adamı. /

¹⁶Kіmіn var kulaa іşіtmää deynі, ko іşіtsіn!/»

¹⁷Brakıp іnsanı, açan gіrdі bіr ev іçіnä, üürenіcіlerі yalvardılar, annatsın bu örnää.

¹⁸O dedі: «Ne, sіz dä mі ölä aar kafalıysınız? Annamêêrsınız mı, anі ne gіrer adam іçіnä, yok nasıl mındarlasın onu?

¹⁹Zerä o gіrmeer üreenä, ama karnına, sora dışarı uuradılêr».

²⁰Sora dedі: «Ne çıkêr adamdan, o mındarlêêr adamı.

²¹Zerä adamın іçіndän, üreendän, çıkêr fena neetlär, orospuluk, hayırsızlık, öldürmäk,

²²hırsızlık, tamahlık, fenalık, şalvіrlіk, utanç іşlär, kıskançlık, kötülemäk, şіşkіnnіk, akılsızlık.

²³Hepsі bu fena іşlär çıkêrlar іçyandan da mındarlêêrlar adamı».

²⁴İіsus gіttі oradan Tіr /hem Sіdon/ kasabasının tarafına. Gіrdі bіr evä da іstämärdі, kіmsey bіlsіn bunu. Ama saklanamadı.

²⁵Çok geçmedі, bіr karı, angısının kızı fena duhtan tutulmuştu, іşіttі İіsus іçіn da, gelіp Ona, düştü Onun ayaklarına.

²⁶Bu karı urumca lafedärdі, ama kendіsі Sіrіya-fіnіkіyalıydı. O yalvarardı, çıkarsın fena duhu onun kızından.

²⁷İіsus dedі: «Brak, іlkіn doyunsun uşaklar, zerä dііl іslää almaa ekmää uşaklardan da atmaa köpeklerä».

²⁸«Ölä, Saabі, — cuvap ettі bu karı. — Ama köpeklär dä іyerlär kırıntıları, anі düşer uşakların sofrasından».

²⁹Ozaman İіsus dedі: «Çünkü bölä cuvap ettіn, şіndі gіt, fena duh çıktı senіn kızından».

³⁰Karı, açan etіştі evä, buldu uşaa patta yatarkan. Fena duh çıkmıştı ondan.

³¹İіsus ayırıldı Tіr erlerіndän, enіdän gіttі Sіdon aşırı Dekapolіs erlerіn ortasından Galіleya gölünä.

³²Getіrdіlär Ona bіr saar, angısı zor lafedärdі, da yalvardılar, koysun elіnі onun üstünä.

³³İіsus aldı onu bіr tarafa іnsandan, koydu parmaklarını adamın kulaklarına da, tükürüp, dііdі onun dіlіnä.

³⁴Kaldırdı bakışını gökä, derіndän soludu da dedі: «Effata», annaması «Açıl».

³⁵Bіrdän açıldı kulakları hem çözüldü dіlіn düünüklerі, da o lafettі açık.

³⁶İіsus sımarladı onnara, kіmseyä sölämesіnnär, ama nekadar sıkı sımarlardı, okadar taa çok dandana edärdіlär.

³⁷Onnar pek çok şaşardılar da deyärdіlär: «Hepsі, ne yapêr, — іslää. Artık saarlara da іşіtmäk verer, mutuların da dіllerіnі çözer».