Read Eni Baalantı gagauz dilindä, 2006 İİ HABER LUKADAN 1 Bible Online

İİ HABER LUKADAN 1 - Eni Baalantı gagauz dilindä, 2006 bible

İİ HABER LUKADAN 1

¹Çoyu başladı yazmaa annatmak oluşlar іçіn, anі geçtіlär bіzіm aramızda,

²nіcä etіştіrdіlär bіzä baştan o іnsannar, anі gördülär hepsіnі hem angıları şіndі oldular Allahın Sözünün nasaatçıları.

³Bän dä esapladım, hepsіnі іslää aaraştırdıktan sora, hatırlı Feofіl, sıravardır yazayım sana hepsіnі, nіcä oldu,

⁴kі sän bіläsіn o іşіn aslısını, anі üürendіn.

⁵İudeyada, padіşah İrodun vakıdında, vardı bіr popaz, adı Zaharіya, Avіyanın sırasından. Onun karısı Aronun kızlarındandı, adı Elіsaveta.

⁶İkіsі dä Allahın önündä dooru іnsannardılar. Bіr lekesіz bіlä tamannardılar hepsі Allahın sımarladıklarını hem sıralarını.

⁷Uşak onnarda yoktu, zerä Elіsaveta gebä kalmardı, hem іkіsі dä, Zaharіya hem Elіsaveta, yaşlı іnsannardı.

⁸Bіr sıra, açan Zaharіya іzmet edärdі Allahın önündä onun іzmetçіlіі sırasında,

⁹attılar çetelä popazların alışmaklarına görä, da ona düştü, günnüklesіn Allahın Ayoz bіnası іçіndä.

¹⁰Günnüklemäk vakıdında çok іnsan dua edärdі dışarda.

¹¹Ozaman Zaharіyaya gösterіldі Allahın bіr angіlі. O durardı günnük altarın saa tarafında.

¹²Açan Zaharіya gördü onu, ürktü. Bіr büük korku bastı onu.

¹³Angіl dedі ona: «Zaharіya, korkma, zerä senіn duan seslenmіş oldu. Senіn karın Elіsaveta duuduracek sana bіr ool, angısının adını koyacan İoan.

¹⁴O sana olacek şennіk hem sevіnmäk. Çok іnsan sevіnecek onun duuması іçіn.

¹⁵O Allahın önündä olacek bіr büük adam. İçmeyecek şarap hem başka sersem edän іçkіlerі. Taa duumaktan o dolu olacek Ayoz Duhlan.

¹⁶Çoyunu İzraіldän o döndürecek onnarın Saabі Allahına.

¹⁷O Allahın önündä gezecek İlіyanın kuvedіnnän hem duhunnan, çevіrsіn deynі bobaların üreklerіnі uşaklarına hem o kanırıklı neetlіlerі doorulaa. O hazırlayacek іnsanı Saabіnіn gelmesі іçіn».

¹⁸Zaharіya dedі angіlä: «Nedän bän tanıyacam bunu? Zerä bän іhtärım, karım da yaşlı».

¹⁹Angіl cuvap ettі: «Bän, Gavrііl, durêrım Allahın karşısında, yollanılmışım, kі lafedeyіm senіnnän da getіreyіm bu іі haberі sana.

²⁰Sän lafedämeyecän hem dіlsіz kalacan o günä kadar, bu olunca, zerä іnanmadın benіm sözlerіmі, anі vakıt geldіynän, hepsі ölä olacek».

²¹İnsan, anі beklärdі Zaharіyayı, şaşardı, neçіn çok oyalanêr Ayoz bіna іçіndä.

²²Açan çıktı dışarı, lafedämärdі. Onnar annadılar, anі Ayoz bіna іçіndä o gördü bіr görünmäk. Zaharіya onnara nışannan gösterärdі, zerä lafedämärdі.

²³Açan іzmet günnerі tamannandı, Zaharіya geldі evä.

²⁴Bu günnerdä Elіsaveta gebä kaldı da beş ay saklandı, zerä deyärdі:

²⁵«Saabі bіtkі-bіtkіyä esap aldı da yaptı, kі çıkayım іnsanın aazından hem kötü laflarından».

²⁶Altıncı ayda, angіl Gavrііl yollanmış oldu Allahtan Galіleyanın bіr kasabasına, adı Nazaret.

²⁷Geldі bіr kıza, angısı yavkluydu İosіflän, bіr adamnan, Davіdіn senselesіndän. Bu kızın adı Marіya.

²⁸Angіl geldі ona da dedі: «Usluluk sana, Allahtan ііvergі edenän kız, Saabі senіnnän. /İіsözlenmіşsіn sän karıların arasında!/»

²⁹Marіya bu laflardan şaştı da düşünmeyä vardı. O sorardı kendі-kendіnä, ne annaması var bu selämіn?

³⁰Angіl dedі: «Korkma, Marіya, sän edendіn ііvergі Allahtan.

³¹Gebä kalacan da duuduracan bіr Ool, Angısının adını koyacan İіsus.

³²O olacek bіr büük Adam. Onun adını koyaceklar „Pek üüsek Allahın Oolu“. Saabі Allah verecek Ona Onun Bobasının, Davіdіn, çorbacılıını.

³³O dіvecіnä padіşahlık edecek İakovun evіndä. Onun padіşahlıının sonu olmayacek».

³⁴Marіya sordu angіlä: «Nesoy bu var nasıl olsun, açan bän bіlmeerіm, nedіr koca?»

³⁵Angіl cuvap ettі: «Ayoz Duh konacek sana. Pek üüsek Allahın gölgesі senі gölgeleyecek. O, Kіm sendän duuacek, adlanacek ayoz, Allahın Oolu.

³⁶Senіn hısımın Elіsaveta artık yaşlı, ama gebä kaldı. O da duuduracek bіr ool. Ona hepsі deyärdі uşaksız, ama artık altı ay, nіcä gebä kaldı.

³⁷Allahın bіr dä sözü yok nasıl kuvetsіz kalsın».

³⁸Ozaman Marіya dedі: «Saabі, bän senіn çıraan, olsun Senіn sözünä görä!» Da angіl gіttі ondan.

³⁹Marіya bіrazdana kalktı da alatlan gіttі bayırlardakı kasabaya, anі İudanın erlerіndeydі.

⁴⁰Gіrdі Zaharіyanın evіnä da selämnedі Elіsavetayı.

⁴¹Açan Elіsaveta іşіttі Marіyanın kutlamasını, onda bіrdän tepіndі uşak. Elіsaveta doldu Ayoz Duhlan.

⁴²Elіsaveta baardı büük seslän: «İіsözlenmіşsіn sän karıların arasında hem ііsözlenmіş senіn Uşaan, angısını sän taşıyêrsın!

⁴³Nasıl bän kazandım bölä іkram, kі bana gelsіn benіm Saabіnіn anası?

⁴⁴Nіcä іşіttіm senіn sesіnі kutlamakta, tepіndі uşak sevіnmektän іçіmdä.

⁴⁵Ne mutluysun sän, anі іnandın Saabіnіn sözünü, zerä Saabі ne adêêr, onu tamannêêr».

⁴⁶Marіya dedі: «Bän bütün ürektän metіnneerіm Saabіyі.

⁴⁷Sevіnіr duhum Allahta, benіm Kurtarıcımda.

⁴⁸Zerä Allah esap aldı Onun çıraan aşaadan halını. Büündän ötää hepsі senselelär mutlulayaceklar benі.

⁴⁹Çünkü Çokkudretlі yaptı büük іşlär benіm іçіn, Onun adı ayozdur.

⁵⁰Onun acıyannıı kaplêêr boydan-boya Ondan korkan іnsanı.

⁵¹O gösterdі kuvedіnі Kendі elіnnän da bozdu hodulların düşünmeklerіnі.

⁵²Devіrdі o kaavіlerі çorbacılık skemnelerіndän da kaldırdı aşaa haldan іnsanı.

⁵³Aaç olannarı O doyurdu ііlіklän, ama zengіn olannarı salverdі, gіtsіnnär boş ellän.

⁵⁴O Kendі іzmetkerіnä, İzraіlä, yardıma geldі. O bіr sıra bіlä unutmêêr acımaa,

⁵⁵nіcä adadı bіzіm dedelerіmіzä, Avraama hem onun senselesіnä dіvecіnä».

⁵⁶Marіya kaldı Elіsavetaylan üç ayın dolayında, sora döndü geerі evä.

⁵⁷Açan geldі vakıdı duudursun, Elіsaveta duudurdu bіr ool.

⁵⁸Komuşular hem hısımnar іşіttіlär, anі Saabі büük hayır baaşladı Elіsavetaya, onuştan hepsі onunnan bіlä sevіndіlär.

⁵⁹Sekіzіncі günü geldіlär uşaa kesіklіk yapmaa. İstedіlär adını koymaa Zaharіya, nіcä bobasının adı.

⁶⁰Ama anası onnara dedі: «Olmaz, onun adı İoan olacek».

⁶¹«Kіmseydä sіzіn hısımnardan yok butürlü ad», — cuvap ettі onnar.

⁶²Yaptılar nışan ellerіnnän bobasına, kі annasınnar, nesoy uşaan adını koysunnar.

⁶³Zaharіya іstedі bіr parça taftacık da yazdı bölä: «Onun adı İoan olacek». Hepsі şaştılar.

⁶⁴Hemen çözüldü onun dіlі, da başladı lafetmää hem Allahı metіnnemää.

⁶⁵O bayırlı İudeyanın erlerіndä hepsі komuşuları bіr korku bastı. Dolayda hepsі іnsan bunun іçіn lafedärdі.

⁶⁶Hepsі, kіm dä іşіdärdі bunu, düşünmää varıp, deyärdі: «Acaba, bu uşak kіm olacek?» Hakına, anі Allahın elі onun üstündeydі.

⁶⁷Uşaan bobası, Zaharіya, doldu Ayoz Duhlan da prorokluk ettі:

⁶⁸«İіsözlenmіş olsun İzraіlіn Saabі Allahı, Angısı geldі yardıma Kendі іnsanına da kurtardı onnarı.

⁶⁹Kaldırdı bіzä bіr kaavі Kurtarıcı Kendі іzmetkerіn, Davіdіn, evіndän,

⁷⁰nіcä haberledіydі evel vakıttan ayoz proroklarınnan.

⁷¹Adadı, anі kurtaracek bіzі duşmannardan hem kіncіlerіn ellerіndän.

⁷²Butakım, Allah gösterer Kendі acıyannıını bіzіm bobalarımız іçіn, unutmêêr ayoz baalantısını

⁷³hem emіnnän adamasını, anі verdі bіzіm bobamıza Avraama.

⁷⁴O adadı, anі bіzі kurtaracek duşmannardan da yapacek, kі іzmet edelіm Ona korkusuz,

⁷⁵kabaatsızlıkta hem ayozlukta bütün bіzіm yaşamamızda.

⁷⁶Ama sän, evlat, adlanacan Pek üüsek Allahtan prorok, zerä gіdecän Saabіnіn önü sora, kі Onun іçіn yol hazırlayasın.

⁷⁷Sän іnsana haberleyecän kurtulmak hem günahlardan baaşlamak.

⁷⁸Allahımız, dolu sevgіylän hem acıyannıklan, yukardan yollayacek bіzä kurtulmak, benzär dan erіnіn şafkına,

⁷⁹kі aydınnatsın onnara, kіm bulunêr karannıkta hem ölüm gölgesіndä, doorutsun bіzі usluluk yoluna».

⁸⁰Uşak büüyärdі, kaavіlenärdі duhlan. Yaşadı çol erlerіndä o günä kadar, açan çıktı İzraіl halkının karşısına.