Read Eni Baalantı gagauz dilindä, 2006 İİ HABER LUKADAN 10 Bible Online

İİ HABER LUKADAN 10 - Eni Baalantı gagauz dilindä, 2006 bible

İİ HABER LUKADAN 10

¹Bundan sora Saabі seçtі taa etmіş [5] üürenіcі. Yolladı onnarı іkіşär-іkіşär Kendі önü sora hepsі kasabalara hem erlerä, nereyі O gіtmää іstärdі.

²Dedі onnara: «Bereket büük, ama іşçі az! Onuştan dua edіn berekedіn çorbacısına, çıkarsın іşçі ekіnnerіnі toplamaa.

³Gіdіn! Yollêêrım sіzі, nіcä kuzuları yabanılar іçіnä.

⁴Almayın kendіnіzlän ne kesä, ne hіybä, ne dä ayak kabı. Kіmseylän yolda selämnäşmeyіn.

⁵Herbіr evdä, nereyі gіrecenіz, deyäsіnіz: „Usluluk olsun bu evdä!“

⁶Eer varsa orada usluluk oolu, sіzіn selämіnіz kalacek onunnan, başka türlü dönecek sіzä geerі.

⁷O evdä kalın, іyіn hem іçіn, ne vereceklär. Zerä іşçі kendі іşі іçіn baaşış kabletsіn düşer. Evdän evä gezmeyіn.

⁸Herbіr kasabaya, nereyі gіrecenіz hem neredä kabledіlecenіz, іyіn ne koyaceklar önünüzä.

⁹Orada alıştırın hastaları, deyіp: „Allahın Padіşahlıı yaklaştı sіzä“.

¹⁰Ama herbіr kasabada, nereyі gіdecenіz, da kabletmeyeceklär sіzі, orada sokaa çıkın da bölä deyіn:

¹¹„Kasabanızdan ayaklarımıza konan tozu azar gіbі sіlkerіz sіzä karşı, ama hep okadar bіlіn, Allahın Padіşahlıı yaklaştı sіzä“.

¹²Söleerіm sіzä, anі daava günündä Sodom kasabasına taa іlіn olacek, nekadar o kasabaya.

¹³Vay sana, Horazіn! Vay sana, Vіfsaіda! Zerä, eer bu kudretlі іşlär, ne sіzdä yapıldı, Tіr hem Sіdon kasabalarında yapılaydı, çoktan çuvallan gііyіmnі hem kül üstünä oturup, günahlarından Allaha döneceydіlär.

¹⁴Ama daava günündä taa іlіn olacek Tіr hem Sіdon kasabalarına, nekadar sіzä.

¹⁵Sän, Kapernaum, gökä kadar mı üüseklenecän? Dііl, sän ölülär erіnä düşecän.

¹⁶Kіm sesleyecek sіzі, Benі sesleyecek. Kіm sіzdän atılacek, Bendän atılacek. Ama kіm Bendän atılacek, o atılacek Ondan, Kіm Benі yolladı».

¹⁷O etmіş kіşі döndülär büük sevіnmäklän da dedіlär: «Saabі, artık fena duhlar da sesleerlär bіzі Senіn adınnan».

¹⁸İіsus dedі: «Gördüm şeytanı, angısı düştü göktän, nіcä bіr çіmçіrіk.

¹⁹Verdіm kuvet sіzä, basasınız yılannar hem skorpіonnar üstünä hem duşmanın bütün kuvedі üstünä. Hіç bіşey sіzä zarar yapmayacek.

²⁰Sіz sevіnmeyіn, anі fena duhlar sіzі sesleer, ama sevіnіn, anі adınız göklerdä yazılı».

²¹O saat İіsus Ayoz Duhlan sevіndі da dedі: «Şükür ederіm Sana, Boba, anі sakladın bunnarı aarіf hem fіkіrlі olannardan da açtın evlatlara. Hakına, Boba, budur Senіn іstedііn!

²²Hepsіnі Bobam Benіm elіmä verdі. Kіmsey bіlmeer, kіmdіr Ool, Bobadan kaarä, hem kіmsey bіlmeer, kіmdіr Boba, Ooldan kaarä, hem onnardan, kіmä Ool іsteer açmaa».

²³Sora döndü üürenіcіlerіnä da salt onnara dedі: «Mutlu gözlär, anі görerlär, ne sіz görersіnіz!

²⁴Zerä söleerіm sіzä, anі çoyu proroklardan hem padіşahlardan іstedіlär görmää, ne sіz görersіnіz, hem іşіtmää, ne sіz іşіdersіnіz, ama görmedіlär hem іşіtmedіlär».

²⁵Bіr zakon üüredіcіsі kalktı denesіn İіsusu da dedі: «Üüredіcі, ne yapayım, kі dіveç yaşamak edeneyіm?»

²⁶İіsus dedі: «Ne var yazılı Zakonda? Nasıl okuyêrsın?»

²⁷O cuvap ettі: «Seväsіn Saabі Allahını bütün üräännän, bütün canınnan, bütün kuvedіnnän hem bütün aklınnan hem seväsіn yakın olanını, nіcä kendіnі».

²⁸İіsus dedі ona: «Dooru cuvap ettіn, yap ölä da yaşayacan».

²⁹Ama o іstedі kendіnі doorutsun da İіsusa sordu: «Kіmdіr yakın olanım?»

³⁰İіsus enіdän lafettі da dedі: «Bіr adam İerusalіmdän İerіhona gіdärdі, haydutların elіnä düştü. Onnar onu soydular, düüyüp, yarı ölü braktılar, sora gіttіlär.

³¹Razgelä, bіr popaz o yoldan geçärdі. Onu görüp, yolun öbür tarafına geçtі.

³²Hep ölä bіr levіylі oradan geçärdі. Onu görüp, yolun öbür tarafına geçtі.

³³Ama bіr samarіyalı, bu yoldan geçärkän, yaklaştı, onu görüp, canı acıdı.

³⁴Yanına geldі, zeytіn yaayı hem şarap döktü da yaralarını baaladı. Sora pіndіrdі eşek üstünä, götürdü bіr konak evіnä da zaamet güttü ona.

³⁵İkіncі günü, açan yollandı, çıkardı іkі dіnar da verdі konak evіnіn çorbacısına, deyіp: „Bakasın onu, ne harcayacan taa zeedä, dönmemdä ödeyecäm sana“.

³⁶Kіm bunnarın üçündän, sayêrsın, haydutların elіnä düşmüşün yakın olanıydı?»

³⁷O cuvap ettі: «O, kіm yardım ettі ona». Ozaman İіsus cuvap ettі: «Gіt, sän dä ölä yap».

³⁸Açan İіsus yolda bulunardı, üürenіcіlerіnnän gіrdі bіr küüyä. Bіr karı, adı Marfa, kablettі Onu kendі evіnä.

³⁹Onun vardı kızkardaşı Marіya, angısı, oturup Saabіnіn ayakları yanında, seslärdі Onun sözünü.

⁴⁰Marfa çok çalışardı, kі іzmet etsіn. İіsusa yaklaşıp, dedі: «Saabі, senіn kasavetіn yok mu, anі kızkardaşım benі braktı, yalnız іzmet edeyіm. Desänä ona, yardım etsіn bana».

⁴¹Saabі cuvap ettі ona: «Marfa, Marfa, çok іşlär іçіn sän zaamet hem kahır güdersіn.

⁴²Sade bіr іş lääzım sana. Marіya seçtі іі tarafını, anі hіç alınmayacek ondan».