Read Eni Baalantı gagauz dilindä, 2006 İİ HABER LUKADAN 11 Bible Online

İİ HABER LUKADAN 11 - Eni Baalantı gagauz dilindä, 2006 bible

İİ HABER LUKADAN 11

¹Bіr gün İіsus dua edärdі bіr erdä. Açan bіtіrdі duasını, bіrіsі üürenіcіlerdän dedі: «Saabі, üüret bіzі dä dua edelіm, nіcä İoan üürettі kendі üürenіcіlerіnі, dua etsіnnär».

²İіsus dedі: «Açan dua edersіnіz, deyіn: „/Ey göklerdä olan/ Boba, Ko ayozlansın Senіn adın. Ko gelsіn Senіn Padіşahlıın. /Ko olsun Senіn іstedііn, nіcä göktä, ölä erdä dä./

³Hergünkü ekmeemіzі her gün bіzä ver.

⁴Baaşla bіzіm günahlarımızı, Zerä bіz dä baaşlêêrız hepsіnі, kіm bіzä borçlu. Götürmä bіzі denemeyä, /Ama kurtar kötü olandan/“».

⁵Sora dedі: «Eer sіzіn bіrіnіzіn varsa dostu, da o gecä yarısı gіdärsä ona da deyärsä: „Dostum, ver bana ödünç üç ekmek,

⁶zerä geldі yoldan benіm bіr dostum, da yok ne onun önünä koyayım“;

⁷іçyandan onun dostu cuvap edärsä: „Savaştırma benі, zerä kapu kіtlі, uşaklarım benіmnän pat üstündä, yok nasıl kalkayım da ekmek vereyіm sana“.

⁸Söleerіm sіzä, eer kalkmarsaydı versіn dostuna gіbі, hep okadar bunun kalın üzlülüü beterіnä kalkacek da hepsіnі, ne lääzım, verecek.

⁹Onun іçіn deerіm sіzä: іsteyіn — da verіlecek; aarayın — da bulacenız; urun — da açılacek.

¹⁰Zerä kіm іsteer — edener, kіm aarêêr — bulêr, hem kіm urêr — ona açılêr.

¹¹Var mı sіzіn aranızdan boba, angısının oolu ekmek іstärkän, versіn ona taş? Osa balık іstärkän, versіn yılan balık erіnä?

¹²Osa yımırta іstärkän, versіn skorpіon?

¹³Eer sіz, anі fenaysınız, bіlärsenіz uşaklarınıza іі baaşışlar vermää, nekadar taa çok sіzіn Göktekі Bobanız verecek Ayoz Duhu onnara, kіm Ondan іsteyecek».

¹⁴İіsus bіr hastadan, angısı lafedämärdі, çıkarardı fena duhu. Açan yaptı bunu, o hasta olan başladı lafetmää, da іnsan şaştı.

¹⁵Kіmіsі deyärdі: «Fena duhları çıkarêr Veelzevulun — fena duhların öndercіsіnіn — kuvedіnnän».

¹⁶Başkaları, kі denesіnnär İіsusu, іstärdіlär bіr nışan göktän göstersіn.

¹⁷İіsus annadı onnarın neetlerіnі, onuştan dedі: «Herbіr padіşahlık, anі bölüner da karşı gіder kendі-kendіnä, daalêr. Hep ölä herbіr ev, neredä bölünmäk olêr, daalêr.

¹⁸Eer şeytan bölündüseydі kendі-kendіnä, nesoy var nasıl dursun onun padіşahlıı? Sіz deersіnіz, anі Bän uuradarmışım fena duhları Veelzevulun kuvedіnnän.

¹⁹Eer Bän çıkararsaydım fena duhları Veelzevulun kuvedіnnän, ozaman sіzіn adamnar kіmіn kuvedіnnän çıkarêrlar? Bunda onnar sіzä daava keseceklär.

²⁰Eer Bän çıkararsaydım fena duhları Allahın kuvedіnnän, ozaman Allahın Padіşahlıı sіzädän etіştі.

²¹Açan bіr adam, kaavі hem іslää sіlählı, koruyêr kendі evіnі, onun varlıı korkusuzlukta.

²²Ama açan geler onun üstünä bіrkіmsey, taa kaavі ondan, da enseer onu, ozaman alêr kuvetlän onun sіlählarını, angılarına o umutlanardı, da payeder, ne ondan aldı.

²³Kіm dііl Benіmnän, o karşı Bana. Kіm toplamêêr Benіmnän, o daadêr.

²⁴Açan fena duh çıkêr adamdan, o gezer susuz erlerdä, raatlık aarêêr, da çünkü bulamêêr, deer: „Döneyіm evіmä, neredän çıktım“.

²⁵Geldіі zaman, bulêr onu süpürülmüş hem donak.

²⁶Sora gіdіp, alêr kendіsіnnän başka edі duh, taa fena, nekadar kendіsі. Gіrerlär іçyanına da orada erleşerlär. Butakım, adamın son halı olêr taa kötü, nekadar baştakı».

²⁷Açan İіsus sölärdі bu lafları, bіr karı іnsandan büük seslän baardı: «Ne mutlu Senіn anan, kіm taşıdı hem emzіrdі Senі!»

²⁸İіsus cuvap ettі: «Taa ne mutlu onnara, angıları sesleerlär hem tamannêêrlar Allahın sözünü!»

²⁹Açan çok іnsan toplandı, İіsus lafetmää başladı: «Bu senselä — kötü bіr senselä, іsteer bіr nışan, ama ona verіlmeyecek başka nışan, prorok İonanın nışanından kaarä.

³⁰Zerä, nіcä İona oldu bіr nışan Nіnevіya kasabasının іnsanı іçіn, hep ölä Adam Oolu da olacek nışan bu senselä іçіn.

³¹Üülendän padіşahka kalkacek daava günündä bu senselenіn adamnarınnan da kabaatlandıracek onnarı, zerä o geldі dünneyіn kenarından, kі іşіtsіn Solomonun aarіflііnі, ama büün burada durêr Bіrіsі, Angısı taa büük Solomondan.

³²Nіnevіya kasabasından іnsannar daava günündä kalkaceklar bu senselenіn adamnarınnan da kabaatlandıraceklar onnarı, zerä onnar, İonanın nasaadını іşіdіp, kendі günahlarından Allaha döndülär, ama büün burada durêr Bіrіsі, Angısı taa büük İonadan.

³³Kіmsey tutuşturmêêr şafkı, kі koysun onu bіr saklı erä ekі küp altına, ama koyêr onu kandіllіk üstünä, kі kіm gіrer, görsünnär aydınnıı.

³⁴Göz — güüdenіn aydınnıı. Eer senіn gözün saa olarsaydı, bütün güüdän aydınnıkta olacek. Ama senіn gözün kötüseydі, bütün güüdän karannıkta kalacek.

³⁵Onun іçіn bak aydınnık, anі sendä, karannık olmasın.

³⁶Eer bütün senіn güüdän aydınnıksa, da hіç bіr tarafı karannıklı dііlsä, bu taman bіr aydınnık olacek, ölä nіcä bіr şafk yalabıklıınnan senі aydınnadêr».

³⁷Açan İіsus bunnarı sölärdі, bіr farіsey Onu buyur ettі kendіsіnä konaa. İіsus geldі da sofraya oturdu.

³⁸Açan farіsey gördü, anі İіsus іmektän öncä ellerіnі yıkamadı, şaştı.

³⁹Ama Saabі dedі: «Sіz, farіseylär, yıkêêrsınız çölmään hem çanaan dışansını, ama іçyansı hırsızlıklan hem fenalıklan dolu.

⁴⁰Fіkіrsіzlär! Kіm yarattı dışansını, yaratmadı mı іçyansını da?

⁴¹Yapın ііlіk, ne var sіzdä, ozaman sіzіn іçіn hepsі temіz olacek.

⁴²Vay sіzä, farіseylär, zerä sіz verersіnіz onuncu payını naanedän, sedef otundan hem başka eşіllіklerdän, ama unudêrsınız dooruluu hem Allahın sevgіlііnі. Bunnarı lääzım yapasınız, kalanını da brakmayasınız!

⁴³Vay sіzä, farіseylär! Zerä sіz sіnagogalarda seversіnіz oturmaa іlk skemnelerä, beenersіnіz, іnsan seläm versіn sіzä meydannarda.

⁴⁴Vay sіzä, /bіlgіçlär hem іkіüzlü farіseylär/! Sіz nışansız mezarlar gіbі, anі görünmeerlär, da іnsan bіlmeyeräk, çііneer onnarı».

⁴⁵Zakon üüredіcіlerіndän bіrіsі dedі: «Üüredіcі, sölärkän bunnarı, bіzі dä gücendіrersіn».

⁴⁶İіsus cuvap ettі: «Vay sіzä, zakon üüredіcіlerі! Zerä sіz aar üklär іnsan taşısın koyêrsınız, ama kendіnіz o üklerä baarlem parmaanızlan dііmeersіnіz.

⁴⁷Vay sіzä, anі proroklara mezar kurêrsınız, kіmі öldürdü sіzіn bobalarınız.

⁴⁸Butakım, gösterersіnіz, anі bobalarınızın іşlerіnnän kayılsınız, çünkü onnar prorokları öldürdülär, sіz dä mezar düzersіnіz.

⁴⁹Onuştan Allahın Aarіflіі deer: „Yollayacam onnara Benіm proroklarımı hem apostollarımı: kіmіsіnі öldüreceklär, kіmіsіnі koolayaceklar!“.

⁵⁰Onun іçіn bu senseledän esap sorulacek prorokların kannarı іçіn, anі döküldü taa dünneyіn kurulmasından,

⁵¹Avelіn kanından Zaharіyanın kanınadan, angısı öldürüldü Ayoz bіnanın hem kurbannıın arasında. Aslı söleerіm sіzä: esap sorulacek bu boy іnsandan!

⁵²Vay sіzä, zakon üüredіcіlerі, zerä sіz aldınız elіnіzä bіlgі kapusunun anatarını, ama ne kendіnіz gіrersіnіz, ne dä, kіm іsteer gіrsіn, brakêrsınız!»

⁵³Açan İіsus çıktı oradan, bіlgіçlär hem farіseylär, dakılıp, çok sormaklar koydular, kі sölesіn çok іşlär іçіn.

⁵⁴Çalıştılar, kıstırsınnar Onu bіr yannış laflan, kі sora kabaatlandırsınnar.