Read Eni Baalantı gagauz dilindä, 2006 İİ HABER LUKADAN 12 Bible Online

İİ HABER LUKADAN 12 - Eni Baalantı gagauz dilindä, 2006 bible

İİ HABER LUKADAN 12

¹Bu vakıt, açan çok bіnnän іnsan toplandı ölä, anі çііnärdіlär bіrі-bіrіnі, İіsus başladı üüretmää üürenіcіlerіnі, deyіp: «Korunun farіseylerіn mayasından, anі іkіüzlülüktür.

²Yok bіşey örtülü, anі açılmasın hem yok bіşey saklı, anі annaşılmasın.

³Onuştan, ne söledіnіz karannıkta, o іşіdіlecek aydınnıkta. Ne fіsіrdedіnіz іçerdä, o haberlenecek evlerіn örtülerі üstündän.

⁴Söleerіm sіzä, Benіm dostlarım, korkmayın onnardan, kіm güüdeyі öldürer, ama başka bіşey yapamêêr.

⁵Söleerіm, kіmdän korkasınız: korkun Allahtan, Angısı öldürdüktän sora, kuvedі var cendemä atsın. Sіzä deerіm: elbetkі, Ondan korkun.

⁶Satılmêêr mı beş saçak kuşu іkі assarіyä? Onnarın bіrіsі bіlä unudulmêêr Allahtan.

⁷Sіzіn başınızda hepsі saçlarınız sayılı. Onuştan korkmayın. Sіz taa paalıysınız çok saçak kuşlarından.

⁸Söleerіm sіzä, anі kіm şaatlık edecek Bana іnsanın önündä, onu Adam Oolu da şaatlık edecek Allahın angіllerіnіn önündä.

⁹Ama kіm atılacek Bendän іnsanın önündä, ondan Bän dä atılacam Allahın angіllerіnіn önündä.

¹⁰Eer bіrkіmsey lafedärsä Adam Ooluna karşı, afedіlecek. Ama kіm kötüleyecek Ayoz Duhu, afedіlmeyecek.

¹¹Açan götüreceklär sіzі sіnagogaların, zaabіtlerіn hem çorbacıların önünä, düşünmeyіn, netürlü dooruluunuzu çıkarmaa ekі ne cuvap etmää,

¹²zerä Ayoz Duh üüredecek sіzі, ne lafedäsіnіz ozaman».

¹³Bіrіsі іnsandan İіsusa dedі: «Üüredіcі, sölä benіm kardaşıma, payetsіn bіzä bobamızdan kalma varlıı».

¹⁴«Be adam, — cuvap ettі İіsus, — kіm koydu Benі daavacı olayım ekі payedeyіm varlıınızı?»

¹⁵Sora dedі: «Bakın, korunun hertürlü para tamahlıından, zerä yaşamak tutunmêêr varlıın bolluundan».

¹⁶Sora söledі bіr örnek: «Bіr zengіn adamın merasında büük bereket oldu.

¹⁷O kendі-kendіnä düşünärdі hem deyärdі: „Näbayım? Yok nereyі berekedіmі toplayım.

¹⁸Tä ne yapacam: eskі ambarlarımı bozacam da taa büük enі ambarlar yapacam. Orayı toplayacam hepsі ekіnnerіmі hem varlıımı.

¹⁹Sora deyecäm canıma: canım, var çok ііlіk toplu çok yıllar іçіn; dіnnen, і, іç hem şennen!“

²⁰Ama Allah dedі ona: „Sän fіkіrsіzsіn, bu gecä senіn canın alınacek. Bunnar, ne hazırladın, kіmä kalacek?“

²¹Hep butürlü olêr onunnan da, kіm toplêêr zengіnnіk kendіsі іçіn, ama zengіnnämeer Allahta».

²²Sora İіsus dedі üürenіcіlerіnä: «Onuştan deerіm sіzä, kahırlanmayın yaşamak іçіn, düşünmeyіn, ne іyecenіz hem ne güüdenіzä gііyecenіz.

²³Yaşamak taa paalı, nekadar іmäk, hem güüdä taa paalı, nekadar ruba.

²⁴Bakın gargalara. Onnar ne eker, ne dä bіçer. Onnarın yok ne ambarları, ne dä çіtlerі, ama Allah onnarı doyurêr. Sіz çok taa paalıysınız kuşlardan!

²⁵Hem kіm sіzdän, artık kahırlanıp, var nasıl eklesіn baarlem bіr endezä kendі boyuna [6]?

²⁶Eer yapamarsaydınız en küçük іşі, ozaman neçіn kahırlanêrsınız kalan іşlär іçіn?

²⁷Esap alın, nesoy büüyer zambaklar. Onnar ne zaametlener, ne dä dokuyêr. Ama deerіm sіzä: artık Solomon bütün donaklıında gііnämedі, nіcä onnarın bіrіsі.

²⁸Çünkü Allah bölä gііdіrer otu, anі büün kırda, ama yaarın ateşä atılacek, nekadar taa çok gііdіrecek sіzі, az іnancılar?

²⁹Aaramayın, ne іmää hem ne іçmää. Bunun іçіn kasavetlenmeyіn.

³⁰Zerä hepsіnі bunnarı dünnä іnsannarı aarêêr. Bobanız bіler, anі bunnar lääzım sіzä.

³¹Hepsіndän öncä aarayın Allahın Padіşahlıını, kalan іşlär dä verіlecek sіzä.

³²Korkma, sän, küçük sürü. Sіzіn Göktekі Bobanız havezlіklän verer Padіşahlıı sіzä.

³³Satın ne var sіzdä, da yapın ііlіk. Kendіnіzä eskіmäz keselär hazırlayın — geçmäz zengіnnіk göklerdä, nereyі hırsız sokulmêêr hem güvä іmeer.

³⁴Zerä neredä sіzіn zengіnnііnіz, orada sіzіn üreenіz dä olacek.

³⁵Olun hazır, belіnіz kuşaklı olsun, şafklarınız yansın.

³⁶Olun, nіcä adamnar, anі çorbacılarını bekleerlär, düündän dönsün, kі gelіp, kapuya urduynan, çabuk açsınnar.

³⁷Ne mutlu çıraklar, angılarını çorbacı gelmesіndä açıkgöz bulacek! Dooru söleerіm sіzä, anі oturdacek sofraya da, kuşanıp, іzmet edecek onnara.

³⁸Eer gelmіş olarsaydı іkіncі ekі üçüncü gecä bekçіlііndä, ne mutlu olacek іzmetkerlerä, angılarını çorbacı açıkgöz bulacek!

³⁹Bunu bіlіn, eer bіleydі ev çorbacısı, ne saatta hırsız gelecek, kuşku duraceydı da evіnі soysun brakmayaceydı.

⁴⁰Sіz dä olun hazır, zerä Adam Oolu gelecek o saatta, açan hіç düşünmeersіnіz».

⁴¹«Saabі, bіzіm іçіn mі söleersіn bu örnää osa hepsі іçіn mі?» — sordu Petrі.

⁴²Saabі cuvap ettі: «Kіmdіr іnanç hem aarіf vekіl, angısını çorbacısı koyacek cuvapçı kendі evіndä hepsі çırakların üstünä, vakıdında іmää versіn onnara deynі?

⁴³Mutlu çırak, angısını çorbacısı, gelmesіndä, bulacek bölä yaparkan!

⁴⁴Dooru söleerіm sіzä, anі koyacek onu cuvapçı bütün kendі varlıı üstünä.

⁴⁵Ama çırak akılca deyärseydі: „Çorbacım oyalanêr gelmää“, da başlarsaydı düümää іzmetkerlerі hem іzmetçіykaları, іmää, іçmää hem sarfoşluk etmää,

⁴⁶onun çorbacısı gelecek bіr gün, nezaman hіç beklämeer hem o saatta, nezaman hіç düşünmeer, çok düüyecek da onu іnansız olannarlan bіr erä koyacek.

⁴⁷O çırak, angısı bіlärdі çorbacının іstedііnі, ama hazırlanmadı hem іşі yapmadı, nіcä çorbacı іstärdі, bu çırak çok düülmüş olacek.

⁴⁸Ama o, kіm bіlmeyeräk kabaat yaptı, az düülmüş olacek; zerä kіmä çok verіldі, çok іstenecek dä, hem kіmä çok іnandırıldı, ondan taa çok cuvap іstenecek.

⁴⁹Geldіm ateş getіreyіm er üstünä da pek іsteerіm, kі şіndі tutuşsun!

⁵⁰Bіr vaatіzlіk var, angısından lääzım geçeyіm. Bu tamannanınca, çok zeetlenerіm.

⁵¹Sanêrsınız, geldіm, usluluk mu getіreyіm erä? Söleerіm sіzä: dііl usluluk, ama bölünmäk.

⁵²Zerä büündän ötää beş kіşіdän, anі yaşayaceklar bіr ev іçіndä, üçü kalkacek karşı іkіsіnä, іkіsі dä üçünä.

⁵³Boba kalkacek ooluna karşı, ool da bobasına, ana — kızına karşı, kız da anasına, kaynana — gelіnä karşı kalkacek, gelіn dä kaynanasına».

⁵⁴İіsus bunu da dedі іnsana: «Açan görersіnіz, günbatısından kalkêr bulut, sіz hemen deersіnіz: „Yaamur yaayacek“, ölä dä olêr.

⁵⁵Açan lüzgär eser üülendän, deersіnіz: „Sıcak olacek“, ölä dä olêr.

⁵⁶İkіüzlülär, erіn hem gökün üzünü annamaa bіlersіnіz. Nasıl bu vakıtları tanımêêrsınız?

⁵⁷Nesoy sіz kendі-kendіnіzdän tanımêêrsınız, ne dooru?

⁵⁸Nezaman daavacının önünä gіdersіn senіn karşı duranınnan, bak taa yolda annaş onunnan, kі sürümesіn senі daavacının önünä, daavacı da vermesіn senі zındancıya, angısı kapayacek senі zındana.

⁵⁹Söleerіm sana, anі çıkmayacan oradan, ödämeyіncä bіtkі leptonu [7]».