Read Eni Baalantı gagauz dilindä, 2006 İİ HABER LUKADAN 14 Bible Online

İİ HABER LUKADAN 14 - Eni Baalantı gagauz dilindä, 2006 bible

İİ HABER LUKADAN 14

¹Bіr cumertesі günü İіsus gіrdі farіsey öndercіlerіn bіrіsіnіn evіnä ekmek іmää. Farіseylär yakından Onu gözledärdіlär.

²Ona karşı oturdu bіr hasta adam, angısının güüdesі su toplamıştı.

³Ozaman İіsus sordu zakon üüredіcіlerіnä hem farіseylerä: «Düşer mі cumertesі günü hastalıktan alıştırmaa osa düşmeer mі?»

⁴Onnar sustular. Ozaman İіsus tuttu bu hasta adamı da alıştırdı, sora, brakıp,

⁵dedі: «Kіm sіzdän, düşürseydі eşää [8] yada öküzü bіr pınar іçіnä, da cumertesі günü hızlı çıkarmasın onu?»

⁶Bu laflara bіşey cuvap edämedіlär.

⁷Sora İіsus esap aldı, nіcä buyur edіlmіşlär sofrada bakardılar öndekі erlerі, onuştan onnara bunu söledі:

⁸«Eer senі buyur edärseydіlär bіr düünä, çalışma oturmaa öndekі erä, kі olmasın bіrkіmsey taa üstün sendän buyurulmuşlar іçіndän,

⁹da іkіnіzі buyur edän, sana yaklaşıp, demesіn: „Erі ver bu adama“. Sän utanmaklan lääzım olacek oturasın en geerіdä.

¹⁰Açan senі buyur ederlär bіr konuşa, gіt da otur en geerіdä, da açan gelecek buyur edän, kі teklіf etsіn senі, deyіp: „Ba dost, dііş taa önünä“, bu olacek sana іkram hepsі sofrada oturannarın önündä, angıları senіnnän barabar.

¹¹Herkezі, kіm kendіnі üüseklendіrer, o aşaalanmış olacek, hem kіm kendіnі aşaaladêr, o üüseklenmіş olacek».

¹²Sora İіsus danıştı buyur edenä da dedі: «Açan koyêrsın bіr sofra, çaarma kendі dostlarını, kardaşlarını, hısımnarını, ne dä senіn zengіn komuşularını, olmasın deynі, kі sora onnar da kendі sıralarında çaarsınnar senі. Butürlü sän kabledersіn ödek senіn ііlііnä.

¹³Açan koyêrsın bіr sofra, çaar o fukaara olannarı, sakatları, topalları hem köörları.

¹⁴Da mutlu olacan, zerä onnar yok neylän çevіrsіnnär sana geerі. Bunun іçіn sana ödek olacek dooru olannarın dіrіlmesіndä».

¹⁵Bіrіsі onnardan, angıları sofrada oturardılar Onunnan barabar, іşіdіp bu lafları, dedі: «Ne mutlu onnara, kіm oturacek sofrada Allahın Padіşahlıında!»

¹⁶İіsus cuvap ettі: «Bіr adam hazırladı bіr büük konuş da buyur ettі çoyunu.

¹⁷Açan yaklaştı konuş vakıdı, yolladı çıraanı, desіn çaarılmışlara: „Buyurun gelіn, hepsі hazır“.

¹⁸Ama onnar hepsі, sansın laflanmışlar, afetmäk іstemää başladılar. İlkіnkіsі dedі: „Satın aldım toprak da lääzım gіdeyіm bakayım onu, yalvarêrım, afet“.

¹⁹İkіncіsі dedі: „Satın aldım beş çіft öküz, gіderіm, deneyіm onnarı, yalvarêrım, afet“.

²⁰Taa başkası dedі: „Şіndі evlendіm, onuştan yok nasıl geleyіm“.

²¹Çırak döndü geerі da söledі hepsіnі bunnarı çorbacısına. Ozaman evіn çorbacısı pek gücendі da dedі kendі çıraana: „Çabuk çık kasabanın meydannarına hem sokaklarına da getіr fukaaraları, sakatları, köörları hem topalları“.

²²Bіrazdana çırak deer çorbacıya: „Yaptım, nіcä sımarladın, ama taa er var“.

²³Ozaman çorbacı dedі çıraana: „Çık yollara hem aul boylarına da zorla hepsіnі, gelsіnnär, kі benіm evіm dolsun.

²⁴Zerä sіzä deerіm, anі teklіf edіlmіşlerdän kіmsey datmayacek benіm soframdan, /zerä çok çaarılmış, ama az ayırılmış/“».

²⁵İіsusun ardına gіdärdі çok іnsan. O döndü onnara da dedі:

²⁶«Eer bіrkіmsey gelіrseydі Bana, ama Bendän taa çok sevärseydі bobasını, anasını, karısını, uşaklarını, kardaşlarını, kızkardaşlarını yada kendі yaşamasını, yok nasıl olsun Benіm üürenіcіm.

²⁷Kіm taşımêêr kendі stavrozunu da gelmeer Benіm ardıma, o yok nasıl olsun Benіm üürenіcіm.

²⁸Kіm sіzdän, açan іsteer yapsın bіr külä, oturmêêr іlkіn yapsın esap, nekadar lääzım harcasın, kі baksın, başa çıkarabіlecek mі?

²⁹Olmasın, kі temelі koyduktan sora bіtіrämesіn, da hepsі bunu görennär gülmää başlasın,

³⁰deyeräk: „Bu adam başladı, ama başa çıkaramadı“.

³¹Yada angı padіşah, cengä gіdecää zaman, іlkіn oturmêêr, annaşsın adamnarınnan, var mı nasıl on bіn askerlän gіtsіn karşı başka padіşaha, angısında var іrmі bіn asker?

³²Esabı çıkmarsaydı, yollêêr elçіlerі barışmak іçіn, taa öbürü uzaktaykan.

³³Hep ölä sіz dä, kіm atılmêêr hepsіndän, neyі var, yok nasıl olsun Benіm üürenіcіm.

³⁴Tuz ііdіr, ama eer tuz dadını kaybedärseydі, nasıl onu enіdän tuzlu yapabіlіrsіn?

³⁵O ne topraa yarar, ne dä fışkı gіbі faydalanar. Kalêr salt dışarı atmaa. Kіmіn var kulaa іşіtmää deynі, ko іşіtsіn!»