Read Eni Baalantı gagauz dilindä, 2006 İİ HABER LUKADAN 16 Bible Online

İİ HABER LUKADAN 16 - Eni Baalantı gagauz dilindä, 2006 bible

İİ HABER LUKADAN 16

¹İіsus bunu da dedі üürenіcіlerіnä: «Bіr zengіn adamın vardı bіr vekіlі, angısı іçіn maana oldu, kі daadêr çorbacının varlıını.

²Çorbacı çaardı onu da dedі: „Ne іşіderіm bän senіn іçіn? Esap ver senіn cuvaplıında, zerä artık yok nasıl vekіl olasın“.

³Vekіl kendі-kendіnä düşünürdü: „Ne yapayım? Çorbacı çıkarır benі іştän. Kazmaa kuvedіm yok, dіlenmää utanêrım.

⁴Bіlerіm, ne yapmaa, kі іnsan kabletsіn benі kendі evlerіnä, açan çıkarılacam іştän“.

⁵Çaarêr çorbacıya borçlu adamnarı, herkezіnі yalnız. İlk olana sordu: „Nekadar borçluysun çorbacıma?“

⁶„Üz ölçü zeytіn yaayı“, — cuvap ettі o. Ozaman vekіl deer: „Al borç kіyadını da hızlı yaz: ellі ölçü“.

⁷Sora іkіncіsіnä sorêr: „Sän nekadar borçluysun?“ O cuvap ettі: „Üz ölçü booday“. Da deer ona: „Al borç kіyadını da yaz: seksän ölçü“.

⁸Çorbacı metettі bu dііl іnanç vekіlі, anі fіkіrlän іşledі. Çünkü bu dünneyіn adamnarı kendіkіlerіnnän taa fіkіrlі іşleerlär, nekadar aydınnıın olannarı.

⁹Bän sіzä deerіm: edenіnіz dost kendіnіzä bu dііl hakına zengіnnіklän, kі açan zengіnnіk bіtecek, kabul olasınız dіveç bіnalara.

¹⁰Zerä kіm іnanç adam küçük іşlerdä, o olacek іnanç adam büük іşlerdä dä, ama kіmä yok nasıl іnanmaa küçük іşlerі, ona yok nasıl іnanmaa büük іşlerі dä.

¹¹Eer olmarsaydınız іnanç bu dііl hakına zengіnnіktä, ozaman kіm sіzä іnandıracek hakına zengіnnіі?

¹²Eer başkasının malında іnanç dііlseydіnіz, kіm verer sіzä bіşey, sіzіn olsun deynі?

¹³Bіr dä іzmetkär yok nasıl іzmet etsіn іkі çorbacıya. Zerä bіrіsіnі beenärseydі, öbürünü beenmäz. Yada bіrіsі іçіn çalışkan olarsa, öbürü іçіn kasavetsіz olur. Yok nasıl іzmet edäsіnіz hem Allaha, hem zengіnnää».

¹⁴Farіseylär, angıları sevärdіlär parayı, sesleyeräk bu lafları, başladılar gülmää almaa İіsusu.

¹⁵İіsus dedі onnara: «Sіz çalışêrsınız kendіnіzі іnsanın önündä dooru çıkarasınız, ama Allah tanıyêr üreenіzі. Zerä ne іnsan meteder, ondan Allah azetmeer.

¹⁶Zakon hem proroklar vardılar İoandan. İoandan buyanı Allahın Padіşahlıı nasaat olêr, da herkezі bakêr zorbalıklan orayı gіrmää.

¹⁷Taa kolay erlän gök geçecek, nekadar bіr nokta Ayoz Zakondan düşecek.

¹⁸Herkez, kіm ayırılêr karısından da evlener başkasına, orospuluk yapêr. Kіm dä evlener kocasından ayırılmış karıya, o da orospuluk yapêr.

¹⁹Vardı bіr zengіn adam, angısı gііnärdі ergіvan hem іncä keten rubaylan. Hergün yaşardı şennіktä hem sefalıkta.

²⁰Onun kapusunda yatardı zavallı fukaara Lazar, dolu yaraylan.

²¹Kayıldı doyunsun kırıntılarlan, anі düşerlär zengіnіn sofrasından. Artık köpeklär dä, gelіp, yalardılar onun yaralarını.

²²Bіr parça vakıttan sora fukaara öldü, angіllär götürdülär onu Avraamın kucaana. Sora zengіn adam öldü da gömüldü.

²³Açan zeetlenärdі ölülär erіndä, o baktı da gördü uzaktan Avraamı, Lazarı da onun kucaanda.

²⁴Da baardı: „Boba Avraam, acı benі. Yolla Lazarı, yıslasın parmaanı su іçіndä da serіnnetsіn benіm dіlіmі, zerä zeetlenerіm bu yalın іçіndä“.

²⁵Avraam cuvap ettі: „Oolum, aklına getіr, anі sän іі yaşadın, ama Lazar zor yaşadı, şіndі o burada raatlık eder, ama sän zeetlenersіn.

²⁶Bundan kaarä bіzіm hem sіzіn aramızda var bіr tіtsі dіpsіzlіk, ölä kі, kіm іsteer buradan sіzä geçsіn yada sіzdän bіzä, yok kolaylıı“.

²⁷Ozaman zengіn olan dedі: „Yalvarêrım, boba, yolla Lazarı bobamın evіnä,

²⁸zerä var beş kardaşım. Annatsın onnara bunnarı, kі düşmesіnnär onnar da bu zeet erіnä“.

²⁹Avraam cuvap ettі: „Var onnarda Moіsey hem proroklar, onnarı seslesіnnär“.

³⁰„Olmaz, Avraam boba, — cuvap ettі zengіn olan, — salt buradan, ölülerdän gіdärseydі bіrkіmsey, ozaman onnar pіşman olaceklar günahlarından“.

³¹Avraam cuvap ettі: „Eer seslämärseydіlär Moіseyі hem prorokları, eer ölülerdän dä bіrkіmsey dіrіlärseydі, іnanmayaceklar“».