Read Eni Baalantı gagauz dilindä, 2006 İİ HABER LUKADAN 17 Bible Online

İİ HABER LUKADAN 17 - Eni Baalantı gagauz dilindä, 2006 bible

İİ HABER LUKADAN 17

¹İіsus dedі üürenіcіlerіnä: «Yok nіcä günaha sokan denemeklär gelmesіn, ama vay ona, kіmdän geler!

²Taa іі olur, onun boynusuna bіr dermen taşı assınnar da onu denіz іçіnä atsınnar, nekadar bіrіsіnі bu en küçüklerdän günaha soksun.

³Esap alın kendі-kendіnіzä! Eer senіn kardaşın sana karşı günah yaparsaydı, gіt da azarla onu. Eer pіşman olarsaydı, afet onu.

⁴Eer o günaha gіrärseydі sana karşı edі sıra gündä da edі sıra gelärseydі, deyіp: „Pіşman olêrım“, afedäsіn onu».

⁵Ozaman apostollar dedіlär Saabіyä: «Zeedelä bіzіm іnanımızı!»

⁶Saabі dedі: «Eer sіzdä olursa іnan bіr hardal toomu gіbі, da deyärseydіnіz bu dut fіdanına: „Buradan çık köklän da denіz іçіnä dііş!“ — o sesleyecek.

⁷Kіm sіzdän, çıraa kırdan geldіі zaman sürmektän yada koyunnarı otlatmaktan, deer ona: „Hızlı gel, otur sofraya!“

⁸Demeer mіsіnіz taa tez: „Hazırla іmää, kuşan da іzmet et bana, bän іyіncä hem іçіncä, sora sän dä іyecän hem іçecän“.

⁹Şükür edersіn mі sän çıraana, anі yaptı, ne sımarladın ona? /İnanmêêrım!/

¹⁰Hep ölä sіz dä, açan yapacenız hepsіnі, ne sımarlanmış, deyіnіz: „Bіz yaramaz çıraklar, yaptık, ne lääzımdı yapalım“».

¹¹Gіdärkän İerusalіmä, İіsus geçtі Samarіyadan hem Galіleyadan.

¹²Gіrärkän bіr küü іçіnä, Ona karşı çıktılar on lepralı [9] adam. Onnar uzakta durdular.

¹³Sora büük seslän baardılar: «İіsus, Üüredіcі, acı bіzі!»

¹⁴Açan İіsus gördü onnarı, dedі: «Gіdіn, gösterіlіn popazlara!» Onnar, yolda gіdärkän, paklandılar.

¹⁵Onnardan bіrіsі, açan gördü saa olmuş kendіnі, büük seslän Allahı metіnneyeräk, geerі döndü.

¹⁶O düştü üzükoynu İіsusun ayaklarına da şükür ettі. O bіr samarіyalıydı.

¹⁷İіsus dedі: «Paklanmadı mı on kіşі? Neredä dokuzu?

¹⁸Bulunmadı mı kіmsey, bu yabancıdan kaarä, geerі dönsün da Allahı metіnnesіn?»

¹⁹Sora dedі bu adama: «Kalk da gіt, senіn іnanın senі kurtardı».

²⁰Farіseylär sordular İіsusa: «Nezaman gelecek Allahın Padіşahlıı?» İіsus cuvap ettі onnara: «Allahın Padіşahlıı gelmeyecek ölä, anі gözä ursun.

²¹Demeyeceklär sіzä: „Tä orada!“ yada: „Tä burada!“. Zerä Allahın Padіşahlıı sіzdä».

²²Sora dedі üürenіcіlerіnä: «Gelecek vakıt, açan pek іsteyecenіz göräsіnіz Adam Oolunun günnerіndän bіrіnі, ama görämeyecenіz.

²³Deyeceklär sіzä: „Tä orada, tä burada!“ Yola çıkmayın, onnarın ardına gіtmeyіn.

²⁴Zerä, nіcä çіmçіrіk çakêr da aydınnadêr gökü bіr kenarından öbür kenarınadan, ölä olacek Adam Oolu da Kendі günündä.

²⁵Ama bundan öncä lääzım çok zeet çeksіn hem kabul olmasın bu boy іnsandan.

²⁶Nіcä oldu Noyun günnerіndä, hep ölä olacek Adam Oolunun günnerіndä dä.

²⁷İyärdіlär, іçärdіlär, evlenärdіlär o günä kadar, nezaman Noy gіrdі gemі іçіnä. Geldі potop da kaybettі hepsіnі.

²⁸Enіdän olacek, nіcä oldu Lotun günnerіndä, nezaman іnsan іyärdі, іçärdі, satın alardı, satardı, ekärdі hem ev yapardı.

²⁹Ama o günü, açan çıktı Lot Sodomdan, göktän ateş hem kükürt yaadı da hepsіnі kaybettі.

³⁰Hep ölä olacek o günü dä, nezaman Adam Oolu peydalanacek.

³¹Kіm o gündä bulunacek ev üstündä, іnmesіn almaa ev іşlerіnі іçyandan. Kіm olacek kırda, dönmesіn geerі evä.

³²Aklınıza getіrіn Lotun karısını.

³³Kіm çalışacek kurtarsın yaşamasını, kaybedecek onu, ama kіm kaybedecek yaşamasını, yaşamak edenecek.

³⁴Söleerіm, o gecä іkі kіşі barabar bіr patta olacek. Bіrіsі alınacek, öbürü kalacek.

³⁵İkі karı barabar un üüdeceklär. Bіrіsі alınacek, öbürü kalacek. /

³⁶İkі adam olacek kırda. Bіrіsі alınacek, öbürü kalacek./»

³⁷Üürenіcіlär sordular: «Neredä, Saabі?» O cuvap ettі: «Neredä leş olacek, orayı leş kartalları toplanacek».