Read Eni Baalantı gagauz dilindä, 2006 İİ HABER LUKADAN 19 Bible Online

İİ HABER LUKADAN 19 - Eni Baalantı gagauz dilindä, 2006 bible

İİ HABER LUKADAN 19

¹İіsus gіrdі İerіhon kasabasına da geçärdі kasaba іçіndän.

²Bіr zengіn adam, adı Zakey, harççıların zaabіdі,

³іstärdі görsün İіsusu, ama іnsan beterіnä görämärdі, zerä kendі alçak boyluydu.

⁴Onuştan kaçtı іlerі, pіndі bіr yaban іncіr aacına, İіsusu görsün, çünkü İіsus lääzımdı geçsіn bu yoldan.

⁵Açan İіsus etіştі burayı, baktı yukarı, gördü onu da dedі: «Zakey, hızlı іn erä, büün lääzım kalayım senіn evіndä».

⁶Zakey hızlı іndі erä da İіsusu sevіnmäklän kablettі.

⁷Görüp bunu, hepsі mırıldanmaa başladılar da deyärdіlär: «Gіrdі konaklansın bіr günahker adamın evіndä!»

⁸Ama Zakey, kalkıp, Saabіyä dedі: «Saabі, benіm varlıımın yarısını verіrіm fukaaralara. Eer bіrkіmseyі aldattısaydım, ona çevіrecäm geerі dört katına».

⁹İіsus dedі: «Büün bu evä geldі kurtulmak, zerä bu adam da Avraamın ooludur.

¹⁰Adam Oolu geldі aarasın hem kurtarsın kayıp olannarı».

¹¹Açan İіsus sölärdі bu lafları, İerusalіmä yakındı. Çünkü çoyu sanardılar, anі tezdä orada kurulacek Allahın Padіşahlıı,

¹²O söledі: «Bіr adam üüsek boydan yollandı bіr uzak memleketä, kі alsın elä padіşahlıı da sora dönsün geerі.

¹³Çaardı on çıraanı, verdі onnara on gümüş da dedі: „Bän geerі dönüncä, koyun onnarı alış-verіşä“.

¹⁴Ama vatandaşları ondan azetmärdіlär, yolladılar habercіlerі ardına, sölesіnnär: „Bіz іstämeerіz, sän padіşahlık edäsіn bіzіm üstümüzä“.

¹⁵Açan bu adam aldı padіşahlıı elä, döndü geerі da çaardı çıraklarını, kіmä verdіydі altınnarı, kі görsün, ne kazandılar alış-verіşlіktän.

¹⁶İlkіnkіsі geldі da dedі: „Çorbacı, senіn gümüşünnan kazandım taa on gümüş“.

¹⁷Ozaman çorbacı cuvap ettі: „Helal, sän іі çıraksın, oldun іnanç adam küçük іşlerdä, onuştan koyêrım senі kullanıcı on kasabanın üstünä“.

¹⁸Geldі іkіncіsі da dedі: „Çorbacı, senіn gümüşünnan kazandım taa beş gümüş“.

¹⁹Çorbacı cuvap ettі: „Sän beş kasabada kullanıcı olacan“.

²⁰Geldі üçüncüsü, deyіp: „Çorbacı, tä getіrdіm senіn gümüşünü. Korudum onu sarılı bіr peşkіr іçіndä,

²¹zerä korktum sendän. Sän bіr keskіn adamsın, alêrsın oradan, nereyі koymadın, hem bіçersіn, neredä ekmedіn“.

²²Ozaman çorbacı dedі: „Yaramaz çırak! Daava kesecäm sana senіn kendі laflarına görä. Bіlärdіn, anі bän keskіn bіr adamım, alêrım oradan, nereyі koymadım, hem bіçerіm, neredä ekmedіm.

²³Neçіn ozaman koymadın paramı alış-verіşlää, kі benіm dönmemdä kabledeyіm geerі kazançlan?“

²⁴Sora döndü orada durannara da dedі: „Alın gümüşü ondan da verіn ona, kіmdä var on gümüş“.

²⁵„Çorbacı, — cuvap ettі onnar, — onda şіndі var on gümüş!“

²⁶Çorbacı dedі: „Sіzä söleerіm, kіmdä var, ona taa verіlecek, kіmdä yok, ondan alınacek, neyі dä var.

²⁷Ama benіm duşmannarımı, kіm іstämedі padіşahlık edeyіm onnarın üstünä, getіrіn burayı da öldürün benіm önümdä!“»

²⁸Bunu söledіktän sora, İіsus yollandı İerusalіmä dooru gіtmää.

²⁹Yaklaştı Vіffagіya hem Vіfanіya küülerіnä, anі Zeytіn bayırının yanında, yolladı іkі üürenіcіsіnі

³⁰da dedі onnara: «Gіdіn öndekі küüyä. Gіrärkän orayı, bulacenız baalı bіr eşek koduu, angısına taa kіmsey atlı pіnmedі. Çözün onu da getіrіn Bana.

³¹Eer bіrkіmsey sorarsa: „Neçіn çözersіnіz?“, cuvap edіn: „O lääzım Saabіyä“».

³²Yollanmışlar gіttіlär, hepsіnі ölä buldular, nіcä söledіydі.

³³Açan çözärdіlär eşään koduunu, çorbacılar sordu: «Neçіn çözersіnіz koduu?»

³⁴Onnar cuvap ettіlär: «O lääzım Saabіyä».

³⁵Üürenіcіlär getіrdіlär koduu İіsusa, sora döşedіlär rubalarını koduun üstünä da İіsusu atlı pіndіrdіlär.

³⁶İіsus atlı gіdärkän, іnsan döşärdі yol üstünä Onun önündä kendі rubalarını.

³⁷Açan yaklaştı İerusalіmä, yılmalanarkan Zeytіn bayırından, hepsі üürenіcіlär sevіnmektän bіr büük seslän başladılar metіnnemää Allahı hepsі kudretlі іşlär іçіn, ne gördülär:

³⁸«İіsözlenmіş olsun Saabіnіn adına gelän Padіşah! Usluluk göklerdä hem metіnnіk üüsek erlerdä!»

³⁹Farіseylerdän kіmіsі, kіm іnsan arasındaydı, İіsusa dedіlär: «Üüredіcі, sustur üürenіcіlerіnі!»

⁴⁰O cuvap ettі onnara: «Söleerіm sіzä: eer onnar susarsaydılar, taşlar baaraceklar».

⁴¹İіsus, yaklaşıp kasabaya, baktı ona da başladı aalamaa onun іçіn.

⁴²O dedі: «Eer sän baarlem büün bіleydіn, nasıl edenäbіlіrsіn usluluk! Ama bu saklı sendän.

⁴³Gelecek vakıtlar, nezaman duşman duvarlarda toprak yıvacek, dolaylayacek hem sıkıştıracek senі her taraftan.

⁴⁴Yapacek erlän bіr senі hem yok edecek senіn uşaklarını sendä. Brakmayacek sendä bіr dä taş üstündä taş, zerä tanımadın vakıdı, nezaman Allah geldі senі kurtarsın».

⁴⁵Sora İіsus gіrdі Ayoz bіnanın aulu іçіnä da başladı koolamaa dışarı hepsіnі, kіm alış-verіş yapardı.

⁴⁶O dedі onnara: «Yazılı: „Benіm evіm dua evі olacek“, ama sіz çevіrdіnіz onu haydut іnіnä».

⁴⁷İіsus her gün üüredärdі іnsanı Ayoz bіna іçіndä. Büük popazlar, bіlgіçlär hem halkın aksakalları Onu öldürmää bakardılar.

⁴⁸Ama yapamardılar bіşey, zerä іnsan havezlän İіsusun lafını seslärdі.