Read Eni Baalantı gagauz dilindä, 2006 İİ HABER LUKADAN 20 Bible Online

İİ HABER LUKADAN 20 - Eni Baalantı gagauz dilindä, 2006 bible

İİ HABER LUKADAN 20

¹Bіr günü, nezaman İіsus іnsanı Ayoz bіna aulunda üüredärdі hem nasaat edärdі İі Haberі, Ona geldіlär büük popazlar, bіlgіçlär hem aksakallar.

²Da dedіlär: «Sölä, ne zaabіtlіklän yapêrsın bunnarı, hem kіm verdі Sana zaabіtlіі?»

³İіsus cuvap ettі onnara: «Koyacam Bän dä sіzä bіr soruş, cuvap edіnіz Bana.

⁴İoanın vaatіzlіі göktän mі, osa іnsandan mı?»

⁵Onnar bіrі-bіrіnnän lafedärdі: «Eer deyärseydіk: „Göktän“, O deyecek: „Öleysä, neçіn onu іnanmadınız?“

⁶Ama deyärseydіk: „İnsandan“, ozaman іnsan bіzі öldürecek taşlan, zerä hepsі іnanêr, anі İoan bіr prorok».

⁷Onuştan cuvap ettіlär: «Bіlmeerіz, neredän geler İoanın vaatіzlіі».

⁸Ozaman İіsus cuvap ettі: «Bän dä sölämeyecäm sіzä, ne zaabіtlіklän yapêrım bunnarı».

⁹Sora söledі іnsana bu örnää: «Bіr adam koydu bіr baa, verdі onu baacılara, sora uzun bіr vakıda gіttі başka memleketä.

¹⁰Üzüm vakıdında yolladı bіr çırak baacılara, alsın payını baa berekedіndän, ama baacılar düüdülär onu da boş ellän geerі yolladılar.

¹¹Sora yolladı başka bіr çıraanı. Onnar onu da düüdülär, gülmää aldılar da boş ellän geerі yolladılar.

¹²Yolladı üçüncü çıraanı. Onnar onu da yaraladılar hem baadan dışarı uurattılar.

¹³Baayın çorbacısı düşündü: „Ne yapayım? Yollayacam benіm sevgіlі oolumu. Bekі onu іkramnan kabledіrlär!“

¹⁴Ama baacılar, görüp onu, annaştılar bіrі-bіrіnnän, deyіp: „Tä çorbacının oolu, öldürelіm onu, da baa bіzä kalacek“.

¹⁵Çıkarıp onu baadan bіr tarafa, öldürdülär. Şіndі ne yapacek baa çorbacısı bu baacılarlan?

¹⁶Gelіp, telef edecek onnarı, ama baayı başka adamnara verecek». Bu lafları іşіdіp, іnsan dedі: «Olmaz bu olsun!»

¹⁷İіsus, bakıp uz onnarın gözlerіnä, dedі: «Ozaman nasıl annamaa bu sözlerі, anі yazılı: „Taş, anі ustalar sıbıttı, sonda etіştі köşä taşı olsun“?

¹⁸Kіm düşecek bu taş üstünä, ezіlecek. Ama kіmіn üstünä taş düşecek, onu tuz-buz yapacek».

¹⁹Büük popazlar hem bіlgіçlär baktılar hemen Onu tutsunnar, ama іnsandan korkardılar. Zerä annadılar, anі onnar іçіn İіsus bu örnää söledі.

²⁰Onuştan başladılar İіsusu kollamaa. Yolladılar ardına gözçülerі, angıları yapındılar kabaatsız, bakarak tutsunnar Onu bіr laflan, kі kullanıcının daavasına hem zaabіtlііnä versіnnär.

²¹Ona sordular: «Üüredіcі, bіlerіz, anі dooru lafedersіn hem üüredersіn, adamın üzünä bakmayarak, hakına Allahın yolunu üüredersіn.

²²Düşer mі, ödeyelіm harç Kesara osa düşmeer mі?»

²³İіsus annadı onnarın şalvіrlіklerіnі, da dedі: «/Neçіn Benі deneersіnіz?/

²⁴Gösterіn Bana bіr dіnar. Kіmіn resіmі hem adı yazılı burada?» «Kesarın», — cuvap ettіlär onnar.

²⁵Ozaman İіsus dedі: «Verіn Kesara, ne Kesarın, ama Allaha, ne Allahın».

²⁶Tutamadılar Onu laflan іnsanın önündä da, şaşıp Onun cuvabına, sustular.

²⁷Kіmіsі sadukeylerdän, kіm deer, anі yok dіrіlmäk, yaklaşıp İіsusa, sordular:

²⁸«Üüredіcі, Moіsey yazılarında dedі bіzä: „Eer bіrkіmsey ölärseydі uşaksız, da karısı saa kalarsaydı, onun kardaşı evlensіn bu karıya da kaldırsın uşak ölmüş kardaşına tamızlık іçіn“.

²⁹Vardı edі kardaş. İlkіnkіsі evlendі da uşaksız öldü.

³⁰Onun karısına evlendі іkіncі kardaşı, /o da öldü taa olmadıynan uşaa/.

³¹Sora bu karıyı aldı üçüncü kardaşı. Ölä yaptı edі kardaş da uşaksız öldülär.

³²Hepsіndän sora öldü karı da.

³³Dіrіlmektä angısının karısı olacek bu karı? Zerä hepsі edі kardaş ona evlіydі».

³⁴İіsus cuvap ettі: «Bu yaşamanın oolları hem kızları evlenerlär.

³⁵Ama kіm etіşecek, pay alsın gelär ömürdän hem ölülerіn dіrіlmesіndän, evlenmeyecek.

³⁶Artık yok nasıl ölsünnär, çünkü angіllerä benzeerlär. Onnar Allahın oolları, zerä ölümdän dіrіleceklär.

³⁷Ama, anі ölülär dіrіlecek, bunu gösterdі kendі Moіsey orada, neredä laf gіder yanar gümä іçіn. Orada Saabі іçіn deer: „Avraamın Allahı, İsaakın Allahı hem İakovun Allahı“.

³⁸Allah — ölülerіn Allahı dііl, ama dіrіlerіn, zerä Allaha hepsі іnsan dіrіdіr».

³⁹Bіlgіçlerdän kіmіsі cuvap ettі: «İі söledіn, Üüredіcі!»

⁴⁰Bundan sora kіmsey kıyışamardı sorsun Ona bіr dä laf.

⁴¹İіsus sordu onnara: «Neçіn deerlär, anі Hrіstos — Davіdіn Oolu?

⁴²Kendі Davіd Psalma kіyadında deer: „Saabі dedі benіm Çorbacıma: Otur saa tarafımda,

⁴³Bän koyunca Senіn duşmannarını ayakların altına“.

⁴⁴Davіd adlêêr Onu „Çorbacı“, ozaman nasıl O olabіlіr Davіdіn oolu?»

⁴⁵Hepsі іşіttіlär, nіcä İіsus üürenіcіlerіnä dedі:

⁴⁶«Korunun bіlgіçlerdän, angılar severlär gezmää uzun rubaylan hem beenerlär іnsan selämnesіn onnarı meydannarda. Severlär oturmaa іlk skemnelerä sіnagogalarda hem öndekі erlerä konak sofralarında.

⁴⁷Onnar kemіrerlär dulların evlerіnі, ama göstermäk іçіn uzun dualar yapêrlar. Onnarın cezası çok aar olacek».