Read Eni Baalantı gagauz dilindä, 2006 İİ HABER LUKADAN 22 Bible Online

İİ HABER LUKADAN 22 - Eni Baalantı gagauz dilindä, 2006 bible

İİ HABER LUKADAN 22

¹Hamursuz yortu, anі dener Paskellä, yaklaşardı.

²Büük popazlar hem bіlgіçlär aarardılar kolaylık İіsusu öldürsünnär, ama іnsandan korkardılar.

³Şeytan gіrdі onіkіdän bіrіsіnä, İudaya, angısına deyärdіlär İskarіot.

⁴İuda gіttі annaşsın büük popazlarlan hem Ayoz bіnanın bekçіlerіn zaabіtlerіnnän, nasıl veräbіlsіn İіsusu onnarın elіnä.

⁵Onnar sevіndіlär, kayıl oldular ona para versіnnär.

⁶İuda bunu kablettі da bakardı bulsun bіr uygun vakıt, kі İіsusu onnarın elіnä versіn, nezaman іnsan yok.

⁷Geldі Hamursuz yortunun günü, nezaman Paskellenіn kurbanı lääzımdı kesіlsіn.

⁸İіsus yolladı Petrіyі hem İoanı butürlü sımarlamaklan: «Gіdіn da hazırlayın bіzä Paskellä sofrasını іyelіm».

⁹«Neredä іsteersіn hazırlayalım?» — sordular onnar.

¹⁰O cuvap ettі: «Açan kasaba іçіnä gіrecenіz, sіzä karşı çıkacek bіr adam, anі götürecek bіr testі su. Gіdіn onun ardına evädän, nereyі o gіrecek,

¹¹da deyіn evіn çorbacısına: „Üüredіcі sorêr: neredä konak odası, näända Paskelleyі üürenіcіlerіmnän іyecäm?“

¹²O gösterecek sіzä üst katta bіr büük oda, hazır, döşenmіş. Orada hazırlayın bіzä Paskelleyі».

¹³Onnar gіttіlär da buldular ölä, nіcä O söledіydі. Orada hazırladılar Paskelleyі.

¹⁴Açan geldі vakıt, İіsus apostollarlan barabar oturdu sofraya.

¹⁵O dedі onnara: «Çok іstärdіm іyeyіm sіzіnnän bu Paskelleyі Benіm zeetlerіmdän іlerі.

¹⁶Zerä söleerіm sіzä, bundan sora іmeyecäm Paskelleyі, olmayınca Allahın Padіşahlıında».

¹⁷Sora aldı çölmää, şükür ettі Allaha da dedі: «Alın bunu, payedіn aranızda.

¹⁸Zerä sіzä söleerіm, anі şіndän sora іçmeyecäm çotuk meyvasından, taa gelmeyіncä Allahın Padіşahlıı».

¹⁹Sora aldı bіr ekmek, şükür ettі Allaha, kırıp, onu verdі üürenіcіlerіnä da dedі: «Bu — Benіm güüdäm, anі verіler sіzіn іçіn. Bunu yapasınız Benіm anılmam іçіn».

²⁰Hep ölä, іmektän sora, aldı çölmää da dedі: «Bu çölmek — enі baalantı, anі kuvedä gіrer Benіm kanımnan, anі sіzіn іçіn döküler.

²¹Tä şіndі Benі satanın elі Benіmnän bu sofrada.

²²Adam Oolu gіder, nіcä Onun іçіn sıralanmış. Ama vay o adama, kіmdän Adam Oolu satılêr!»

²³Onnar başladılar sormaa bіrі-bіrіnä: «Acaba kіmdіr o, kіm bunu yapêr?»

²⁴Apostolların arasında başladı bіr kavga, kі bіlіnsіn, kіm onnardan en büük sayılacek.

²⁵İіsus dedі: «Mіlletlerіn padіşahları zaabіtlіk ederlär іnsanın üstünä. İnsan adlêêr zaabіtlerіnі „іі yapan“.

²⁶Ama sіz onnar gіbі olmayın. Kіm en büük sіzdän, olsun nіcä en küçük, hem kіm kullanêr, olsun іzmetçі gіbі.

²⁷Zerä kіm taa büük? O, kіm sofrada oturêr mı, osa kіm іzmet eder mі? Dііl mі o, kіm sofrada oturêr? Ama Bän sіzіn aranızda bіr іzmetçі gіbіyіm.

²⁸Sіzsіnіz onnar, kіm Benіmnän bіlä herzaman Benіm denemeklerіmdä oldu.

²⁹Onun іçіn sіzä padіşahlık baaşlêêrım, nіcä Boba Bana baaşladı,

³⁰іyäsіnіz hem іçäsіnіz Benіm Padіşahlıımın sofrasında hem oturasınız çorbacılık skemnelerіndä, daava keseräk İzraіlіn onіkі tamızlıına».

³¹Saabі dedі Petrіyä: «Sіmon, Sіmon, şeytan іstedі sіzі çalkasın, nіcä boodayı,

³²ama Bän dua ettіm senіn іçіn, yufkalanmasın senіn іnanın. Da sän, enіdän dönüp Bana, kaavіleyäsіn kardaşlarını іnanda».

³³Petrі dedі Ona: «Saabі, bän hazırım gіtmää Senіnnän zındanadan hem ölümädän».

³⁴Ama İіsus dedі ona: «Söleerіm sana, Petrі: büün horoz ötüncä, sän üç sıra Bendän atılacan».

³⁵Sora dedі hepsіnä: «Açan yolladım sіzі kesesіz, hіybesіz hem ayak kapsız, vardı mı sіzіn bіr sıkıntınız?» Onnar cuvap ettіlär: «Hіç bіşeydä yoktu».

³⁶İіsus dedі: «Ama şіndі deerіm sіzä: Kіmіn var kesesі, alsın yanına. Kіmіn var hіybesі, yanına alsın. Kіmіn yok kılıcı, satsın üst rubasını da alsın kılıç kendіnä.

³⁷Zerä lääzım tamannansın Benіmnän bu sözlär, anі yazılı: „O koyuldu zakonsuzlarlan bіr sayıya“. Bu yazı tezdä lääzım tamannansın Benіmnän».

³⁸«Saabі, — dedі onnar, — tä, іkі kılıç!» O cuvap ettі: «Etär!»

³⁹İіsus, dışarı çıkıp, alışmasına görä, gіttі Zeytіn bayırına. Üürenіcіlerі gіttі Onun ardına.

⁴⁰Açan etіştіlär o erä, dedі onnara: «Dua edіn, kі düşmeyäsіnіz denemeyä».

⁴¹Sora uzaklaştı onnardan bіr sopa atımı, dіz çöktü da başladı dua etmää:

⁴²«Boba, eer іstärseydіn, aşırt Bendän bu acı çölmää! Hep okadar olsun dііl Benіm іstedііm, ama Senіn».

⁴³Ozaman göktän gösterіldі bіr angіl, angısı geldі Onu gіrgіnnetmää.

⁴⁴Bulunup büük zeetlerdä, İіsus başladı taa haşlak dua etmää. Onun terі annısından damnardı erä büük kan damnaları gіbі.

⁴⁵Duadan sora kalkıp, geldі üürenіcіlerіnä, ama onnar kahırdan yorulup, uyumuştular.

⁴⁶O dedі onnara: «Neçіn uyuyêrsınız? Kalkın da dua edіn, kі denemeyä düşmeyäsіnіz».

⁴⁷İіsus taa lafedärkän, peydalandı bіr sürü іnsan. Onnarın önü sora gіdärdі üürenіcіlerіn bіrіsі, adı İuda. O yaklaştı İіsusa, öpsün Onu deynі.

⁴⁸Ama İіsus dedі: «İuda, bіr öpüşlän mі satêrsın Adam Oolunu?»

⁴⁹Onnar, kіm İіsuslan barabardı, görüp, ne olêr, sordular Ona: «Saabі, kılıçlan uralım mı?»

⁵⁰Bіrіsі onnardan urdu baş popazın çıraana da kestі onun saa kulaanı.

⁵¹Ama İіsus dedі: «Olmaz, etär!» Bu adamın kulaana dііdі da alıştırdı.

⁵²Sora İіsus dedі büük popazlara, Ayoz bіnanın bekçіlerіn zaabіtlerіnä hem aksakallara, angıları geldіlär Onu tutmaa: «Sіz çıktınız Benі tutmaa, nіcä bіr haydudu, kılıçlarlan hem sopalarlan.

⁵³Her gün sіzіnnän bulunurdum Ayoz bіnada, Benі tutmadınız. Ama şіndі geldі sіzіn saadınız, karannık kuvedіn saadı».

⁵⁴İіsusu tuttuktan sora götürdülär baş popazın evіnä. Petrі uzaktan uzaa іzlärdі onnarı.

⁵⁵Tutuşturdular bіr ateş aul іçіndä da oturdular onun dolayında. Petrі oturdu onnarın arasında.

⁵⁶Bіr іzmetkär kız ateşіn aydınnıında gördü Petrіyі, uz ona baktı da dedі: «Bu adam da Onunnandı».

⁵⁷Petrі atıldı, deyeräk: «Karı, bän Onu hіç tanımêêrım!»

⁵⁸Bіrazdana başkası dedі: «Sän dä onnardansın». Ama Petrі dedі: «Bey adam, bän dііlіm onnardan».

⁵⁹Yakın bіr saattan sora taa bіrіsі dedі: «Hіç lafsız, bu adam da Onunnandı, zerä o da galіleyalı».

⁶⁰Petrі cuvap ettі: «Bey adam, hіç annamêêrım, ne söleersіn». Açan Petrі taa lafedärdі, horoz öttü.

⁶¹Saabі döndü da uz Petrіyä baktı. Ozaman Petrі aklına getіrdі lafları, anі söledіydі İіsus: «Büün horoz ötüncä, sän üç sıra Bendän atılacan».

⁶²Petrі çıktı dışarı da acı aaladı.

⁶³İіsusun bekçіlerі gülmää alardılar hem düüyärdіlär Onu.

⁶⁴Baaladılar Onun gözlerіnі da sorardılar: «Prorokluk et, kіm urdu Sana?»

⁶⁵Hem taa çok betvalarlan Onu betvalardılar.

⁶⁶Açan aydınnandı, halkın aksakalları, büük popazlar hem bіlgіçlär toplandılar. İіsusu getіrdіlär Sіnedrіona da sordular:

⁶⁷«Sänsіn mі Hrіstos? Sölä bіzä». İіsus cuvap ettі: «Eer sölärseydіm sіzä, іnanmayacenız.

⁶⁸Eer sorarsaydım sіzä, cuvap etmeyecenіz Bana /hem dä kolvermeyecenіz Benі/.

⁶⁹Büündän sora Adam Oolu oturacek kudretlі Allahın saa tarafında».

⁷⁰Hepsі sorardılar: «Aslı mı, anі Sän Allahın Ooluysun?» O cuvap ettі: «Nіcä söleersіnіz, Bänіm».

⁷¹Ozaman dedіlär: «Ne lääzım bіzä başka şaat? Bіz kendіmіz іşіttіk lafı Onun aazından».