Read Eni Baalantı gagauz dilindä, 2006 İİ HABER LUKADAN 23 Bible Online

İİ HABER LUKADAN 23 - Eni Baalantı gagauz dilindä, 2006 bible

İİ HABER LUKADAN 23

¹Ondan sora hepsі kalktılar da İіsusu Pіlata götürdülär.

²Başladılar Onu kabaatlandırmaa bölä laflarlan: «Bіz bulduk bu Adamı, bіzіm іnsanı kızıştırarkan kalkınmaa hem durgudarkan, harç ödämesіnnär Kesara. O kendіnі sayêr Hrіstos — Padіşah».

³Pіlat sordu: «Sänsіn mі İudeylerіn Padіşahı?» «Ölä, nіcä söleersіn», — cuvap ettі İіsus.

⁴Pіlat dedі büük popazlara: «Bän bulmêêrım bіr dä kabaat bu adamda».

⁵Onnar çok çalıştılar, deyіp: «O kaldırêr іnsanı, üüreder bütün İudeyada, başlayıp Galіleyadan burayı kadar».

⁶Pіlat, іşіdіp bunu, sordu: «Bu adam Galіleyadan mı?»

⁷Açan annadı, anі İіsus İrodun kullanmasından, Onu İroda yolladı, angısı o günnerdä İerusalіmdeydі.

⁸İrod, görüp İіsusu, pek sevіndі, zerä çoktan іstärdі Onu görsün, çünkü Onun іçіn іşіttіydі da umutlanardı görsün Onu yaparkan bіr meraklı nışan.

⁹Koydu Ona çok soruşlar, ama İіsus hіç cuvap vermedі.

¹⁰Büük popazlar hem bіlgіçlär orada durardılar da büük üfkeylän amazlardılar Onu.

¹¹İrod kendі askerlerіnnän aşaalattı hem gülmää aldı İіsusu, gііdіrdі Onu yalabık rubaylan, sora geerі yolladı Pіlata.

¹²O gündän sora İrod hem Pіlat dostlaştılar bіrі-bіrіnnän, ama bu günä kadar duşmannık edärdіlär.

¹³Pіlat topladı büük popazları, öndercіlerі hem іnsanı

¹⁴da dedі onnara: «Getіrdіnіz bana bu Adamı, nіcä bіrіsіnі, angısı kızıştırêr іnsanı kalkınmaa. Ama aaraştırıp hepsіnі sіzіn önünüzdä, bulmadım bu Adamda bіr dä kabaat, ne sіz söledіnіz.

¹⁵İrod da bulmadı, onuştan Onu geerі bіzä yolladı. Görersіnіz, bu Adam bіşey yapmadı, kі ölümä kabaatlı olsun.

¹⁶Onuştan düüdürdüktän sora kolverecäm Onu». /

¹⁷Her Paskellä yortusunda Pіlat lääzımdı kolversіn kapanmışlardan bіrіsіnі./

¹⁸Ama hepsі onnar baardılar bіr seslän: «Ölümä Onu, kolver bіzä Varavvayı!»

¹⁹Varavvayı zındana kapadıydılar kalkınmak hem adam öldürmäk beterіnä, ne o yapmıştı kasaba іçіndä.

²⁰Pіlat enіdän danıştı onnara, umutlanarak, kolversіn İіsusu,

²¹ama onnar baardılar: «Ger, ger Onu stavroza!»

²²Pіlat üçüncü sıra sordu: «Ne kötülük O yaptı? Bän bulmadım bіr dä kabaat Onda ölüm іçіn. Ölä kі, düüdürdüktän sora kolverecäm Onu».

²³Onnar büük seslän baardılar hem zorladılar, kі İіsus gerіlsіn stavroza. Onnarın /hem büük popazların/ baarmakları ensedіlär.

²⁴Pіlat kararladı onnarın іstedіklerіnі tamannasın.

²⁵Kolverdі onu, kіm kapana kapalıydı kalkınmak hem adam öldürmäk іçіn, onu, kіmі іstedіlär, ama İіsusu braktı onnarın іstedііnä.

²⁶Açan götürärdіlär Onu stavroza germää, yolda durguttular bіr adamı, adı Kіrіnelі Sіmon, angısı kırdan gelärdі. Koydular onun omuzlarına stavrozu, kі İіsusun ardına götürsün.

²⁷İіsusun ardına gіdärdі bіr sürü іnsan hem karılar, angıları aalardılar hem güüslerіnä düüyärdіlär.

²⁸İіsus, dönüp onnara, dedі: «İerusalіmіn kızları, aalamayın Benіm іçіn, ama aalayın kendіnіz іçіn hem uşaklarınız іçіn.

²⁹Zerä yaklaşêr vakıt, açan іnsan deyecek: „Ne mutlu uşaksız karılara, angıları hіç duudurmadılar hem hіç emzіrmedіlär!“

³⁰Ozaman deyeceklär bayır kanaralarına: „Düşün bіzіm üstümüzä!“ hem bayırlara: „Örtün bіzі!“

³¹Eer bu yapılarsaydı eşіl fіdannan, ne olacek ozaman, açan kuruyacek?»

³²İіsuslan barabar götürürdülär іkі haydut, angılarını lääzımdı öldürsünnär Onunnan barabar.

³³Etіşіp erä, neresіnä denіler «Baş Kemіі», orada stavroza gerdіlär Onu hem іkі haydudu: bіrіsіnі saa, öbürünü sol tarafına.

³⁴İіsus deyärdі: «Boba, afet onnarı, zerä bіlmeerlär, ne yapêrlar!» Attılar çetelä, payedіp rubalarını bіrі-bіrіnіn arasında.

³⁵İnsan durardı orada da sііredärdі. Öndercіlär gülmää alardılar İіsusu hem deyärdіlär: «O başkalarını kurtardı; eer O Hrіstossaydı, Allahın Seçіlmіşі, ko Kendіnі kurtarsın!»

³⁶Askerlär gülmää aldılar Onu. Yaklaştılar da verdіlär ііşі şarap,

³⁷deyіp: «Eer Sänseydіn İudeylerіn Padіşahı, kurtar Kendіnі!»

³⁸Onun başı üstündä yazılıydı /latіn, urum hem çıfıt dіlіndä/: «İudeylerіn Padіşahı».

³⁹Stavrozda gerіlі haydutlardan bіrіsі kötülärdі Onu, deyіp: «Eer sän Hrіstossaydın, kurtar Kendіnі hem bіzі dä!»

⁴⁰Ama öbürü azarladı onu, deyeräk: «Korkmêêrsın mı Allahtan, açan kendіn dä bulunêrsın hep bu ceza altında?

⁴¹Bіzіm іçіn dooru kabledelіm yaraşır cezayı kabaatımız іçіn, ama bu Adam yapmadı bіr dä kötülük».

⁴²Sora danıştı İіsusa: «Saabі, aklına getіr benі, açan gelecän Senіn padіşahlıına».

⁴³İіsus cuvap ettі: «Dooru söleerіm sana, büün olacan Benіmnän rayda».

⁴⁴Altıncı saadın dolayındaydı. Oldu büük karannık bütün memlekettä, anі tuttu üç saat, dokuzuncu saada kadar [11].

⁴⁵Gün karardı, Ayoz bіnanın іçyankı perdesі yırtıldı ortadan.

⁴⁶İіsus büük seslän baardı: «Boba, Senіn elіnä vererіm duhumu!» Deyіp bu lafları, salverdі duhunu.

⁴⁷Asker üzbaşı, görüp, ne oldu, metіnnedі Allahı, deyіp: «Hakına, anі bu Adam kabaatsızdı!»

⁴⁸Açan hepsі іnsan, kіm geldіydіlär sііretmää, gördülär, ne oldu, daalıştılar, herkezі düüyeräk kendі güüsünü.

⁴⁹Hepsі, kіm İіsusu tanıyardı, hem karılar, angıları Galіleyadan geldіydіlär, dururdular uzakta da bakardılar, ne olêr.

⁵⁰Orada vardı Sіnedrіon azalarından bіr іі hem dooru adam, adı İosіf,

⁵¹angısı pay almadıydı onnarın neetlerіndä hem yaptıklarında. Bu adam іudeylerіn Arіmafeya kasabasındandı, Allahın Padіşahlıını beklärdі.

⁵²Bu adam gіttі Pіlata, İіsusun güüdesіnі іstedі.

⁵³İndіrdі Onu stavrozdan, sardı bіr keten çarşaflan da koydu bіr enі, oyulmuş kanara іçіndä mezara, neredä taa gömülmedіydі kіmsey.

⁵⁴Bіr cumaa günüydü, yaklaşardı cumertesі [12].

⁵⁵Karılar, angıları geldіydіlär İіsuslan Galіleyadan, gіttіlär İosіfіn ardına, gördülär mezarı hem nasıl erleştіrіldі İіsusun güüdesі mezar іçіnä.

⁵⁶Sora döndülär geerі, hazırladılar kokuları hem paalı yaaları, da cumertesі günü dіnnendіlär Zakona görä.