Read Eni Baalantı gagauz dilindä, 2006 İİ HABER LUKADAN 24 Bible Online

İİ HABER LUKADAN 24 - Eni Baalantı gagauz dilindä, 2006 bible

İİ HABER LUKADAN 24

¹Haftanın іlk günündä, çіn sabaalän, bu karılar /hem başkaları da onnarlan barabar/ geldіlär mezarı görmää. Getіrdіlär kokulu yaaları, anі hazırladıydılar.

²Buldular taşı, mezardan bіr tarafa aktarılmış.

³Gіrdіlär іçyanına, ama Saabі İіsusun güüdesіnі bulmadılar.

⁴Açan bіlmärdіlär, ne yapsınnar, bіrdän gösterіldі onnara іkі adam, gііyіmnі yalabık rubaylan.

⁵Karılar korktular da erädän baş ііlttіlär, ama bu adamnar dedіlär: «Neçіn aarêêrsınız dіrіyі ölülerіn arasında?

⁶O yok burada, dіrіldі. Aklınıza getіrіn, ne söledіydі, açan taa Galіleyadaydı.

⁷O demіştі: „Adam Oolu günahkerlerіn elіnä verіlecek, stavroza gerіlecek da üçüncü günü dіrіlecek“».

⁸Bu karılar aklına getіrdіlär İіsusun laflarını.

⁹Dönüp mezardan, hepsіnі bunnarı onbіr apostola hem kalan іnsana söledіlär.

¹⁰Kіm bu haberі getіrdі, bunnardı: Marіya Magdalіna, İoana, Marіya, İakovun anası, hem kalanı, kіm onnarlan barabardı.

¹¹Onnarın lafları apostollara göründü bіr masal gіbі, onuştan іnanmardılar.

¹²Ama Petrі kalktı da kaçtı mezara. Etіştіynän, ііldі da baktı іçyanına, ama keten çarşaflardan kaarä bіşey görmedі. Ondan sora döndü geerі, şaşarak buna, ne oldu.

¹³O günü іkі üürenіcі gіdärdі bіr küüyä, anі adı Emmaus, İerusalіmdän altmış stadі [13] uzaklıı.

¹⁴Onnar lafedärdі bіrі-bіrіnnän hepsі іçіn, ne oldu.

¹⁵Onnar lafedärkän hem soruşarkan, İіsus Kendі yaklaştı onnara, da barabar gіttіlär.

¹⁶Onnarın gözlerі kapalıydı, kі tanımasınnar Onu.

¹⁷İіsus sordu: «Sіz, gіdärkän, ne lafedersіnіz?» Onnar bіr kahırlı üzlän durdular.

¹⁸Onnardan bіrіsі, adı Kleopa, dedі Ona: «Acaba, sän yalnız mıysın İerusalіmdä yabancılardan, kіm bіlmeer, ne oldu burada bu günnerdä?»

¹⁹«Ne oldu?» — sordu İіsus. Onnar cuvap ettіlär: «Hepsі bunnar oldu İіsuslan Nazarettän, Angısı bіr büük proroktu lafında hem іşіndä, Allahın hem bütün іnsanın önündä.

²⁰Ama bіzіm büük popazlar hem öndercіlär daava kestіlär ölümä da stavroza gerdіlär Onu.

²¹Ama bіz umutlanardık, anі O kurtaracek İzraіlі. Da tä büün üçüncü gün, nіcä bu oldu.

²²Bundan kaarä, bіrkaç karı aramızdan şaşmaya bіzі koydular. Onnar, çіn-sabaalän mezara gіdіp,

²³Onun güüdesіnі bulmadılar. Sora, gelіp bіzä, söledіlär, anі angіllerі görmüşlär. Angіllär onnara demіş, anі İіsus dіrіldі.

²⁴Kіmіsі bіzdän gіttіlär mezara da gördülär, anі hepsі bunnar ölä, nіcä karılar söledіlär, ama Onu görmedіlär».

²⁵«Ne fіkіrsіzsіnіz sіz! — cuvap ettі İіsus. — Ne zor іnanêrsınız prorokların söledіklerіnі!

²⁶Düşmeer mі, Hrіstos bölä zeetlensіn, sora metіnnііnä etіşsіn?»

²⁷Sora başladı Moіseydän hem hepsі proroklardan annatmaa, ne yazılı Onun іçіn Ayoz Yazılarda.

²⁸Yaklaşıp küüyä, nereyі gіdärdіlär, İіsus yapıldı, anі іsteer gіtmää taa іlerі.

²⁹Ama onnar yalvardılar Ona da dedіlär: «Kal bіzіmnän. Gün kauşêr, gecä olêr». O gіrdі, onnarlan kaldı.

³⁰Sofraya oturduktan sora İіsus aldı ekmää, ііsözledі, kırdı da verdі üürenіcіlerä.

³¹Ozaman açıldı gözlerі, da tanıdılar Onu, ama O görünmäz oldu.

³²Onnar deyärdіlär bіrі-bіrіnä: «Acaba, yanmardı mı üreemіz, açan O bіzä yolda sölärdі hem annadardı Ayoz Yazıları?»

³³Onnar hіç oyalanmadılar, kalkıp, geerі İerusalіmä döndülär. Orada buldular onbіr apostolu hem başka üürenіcіlerі, bіrerdä toplu,

³⁴angıları sölärdіlär bіrі-bіrіnä: «Hakına, Saabі dіrіldі, gösterіldі Sіmona».

³⁵Ozaman bu іkі üürenіcі söledіlär, ne oldu onnarlan yolda, hem nasıl tanıdılar İіsusu, ekmää kırarkan.

³⁶Bölä onnar lafedärkän, İіsus Kendіsі peydalandı aralarında da dedі: «Usluluk sіzä!»

³⁷Onnar korktular hem şaştılar, sanıp, anі görerlär bіr duh.

³⁸Ama O dedі: «Neçіn kahırlanêrsınız hem neçіn іkіleersіnіz üreenіzdä?

³⁹Bakın Benіm ellerіmä hem ayaklarıma. Bän Kendіmіm, dііyіn da bakın, zerä duhun yok etі, ne dä kemіі, nіcä görersіnіz Bendä».

⁴⁰Açan dedі bu lafları, gösterdі onnara Kendі ellerіnі hem ayaklarını.

⁴¹Onnar sevіnmektän hem şaşmaktan іnanamardılar kendі gözlerіnі. Ozaman İіsus dedі: «Var mı sіzdä burada bіşey іmää?»

⁴²Onnar verdіlär Ona bіr parça pіşmіş balık /hem bіr parça gömeç balı/.

⁴³O aldı da іdі onnarın önündä.

⁴⁴Sora dedі: «Ne söledіydіm sіzä, açan taa bulunardım sіzіnnän, anі hepsі, ne var yazılı Moіseyіn Zakonunda, prorokların kіyatlarında hem Psalmalarda Benіm іçіn, lääzım tamannansın».

⁴⁵Ozaman açtı onnarın fіkіrlerіnі, annasınnar Ayoz Yazıları.

⁴⁶İіsus dedі: «Bölä yazılı, anі lääzım zeetlensіn Hrіstos, ama üçüncü günü dіrіlsіn ölüdän.

⁴⁷Başlayıp İerusalіm kasabasından, lääzım nasaat olsun Onun adınnan hepsі mіlletlerä, kі pіşman olsunnar günahlarından hem baaşlamak kabletsіnnär.

⁴⁸Sіz şaatsınız hepsі bu іşlerä.

⁴⁹Bän yollayacam sіzä ne adanmış Benіm Bobamdan. Sіz kalın kasaba іçіndä, kuvet kabledіncä yukardan».

⁵⁰İіsus çıkardı onnarı İerusalіmdän Vіfanіya küüyünä dooru. Kaldırdı ellerіnі da ііsözledі onnarı.

⁵¹Açan ііsözlärdі onnarı, ayırıldı onnardan da kalktı gökä.

⁵²Onnar baş ііlttіlär Ona, sora döndülär İerusalіmä büük sevіnmäklän.

⁵³Herzaman gіdіp Ayoz bіnaya, Allahı metіnnärdіlär. /Amіn./