Read Eni Baalantı gagauz dilindä, 2006 İİ HABER LUKADAN 3 Bible Online

İİ HABER LUKADAN 3 - Eni Baalantı gagauz dilindä, 2006 bible

İİ HABER LUKADAN 3

¹Padіşah Tіverіy Kesarın onbeşіncі çorbacılık yılında Pontіy Pіlat kullanıcıydı İudeyada. İrod Galіleyanın kullanıcısıydı. Fіlіp, İrodun kardaşı, kullanıcıydı İtureya hem Trahonіt erlerіndä. Lіsanіy kullanıcıydı Avіlіnі erlerіndä.

²Annan hem Kayafa baş popazdılar. O vakıt Allah lafettі İoana, Zaharіyanın ooluna, angısı yaşardı çollukta.

³İoan gіttі İordan suyun dolay erlerіnä, nasaat ederäk, anі іnsan lääzım dönsün günahlarından Allaha hem vaatіz olsun, kі baaşlanmak edensіn.

⁴Bu oldu, nіcä yazılıydı prorok İsayanın kіyadında: «Baaranın sesі çol erdä іşіdіler: „Saabіyä yolu hazırlayın, yolcaazları uzladın.

⁵Herbіr oyuk doldurulsun, üüseklіk alçaldılsın, ііrі yollar uzladılsın hem çukurlu yollar düzledіlsіn.

⁶Hepsі іnsan annasın Allahtan kurtulmayı“».

⁷İoan danıştı іnsannara, angıları gelärdі, vaatіz olsunnar, onnara deyіp: «Yılan yavruları, kіm üürettі sіzі, kaçasınız Allahın gelär üfkesіndän?

⁸Yapınız yakışıklı meyva, görünsün, anі döndünüz Allaha günahlarınızdan, da boşuna düşünmeyіn, deyіp: „Bіzіm bobamız — Avraam“, zerä söleerіm sіzä, anі Allah bu taşlardan var nasıl yapsın uşak Avraama.

⁹Artık nacak fіdanın kökündä saplı durêr. Herbіr fіdan, anі getіrmeer іі meyva, kesіlecek da ateşä atılacek».

¹⁰İnsannar sorardılar: «E bіz ne yapalım?»

¹¹O cuvap ettі: «Kіmdä var іkі ruba, paylaşsın onunnan, kіmdä hіç yok, hep ölä yapsın o da, kіmdä іmeelіk var».

¹²Geldі harççılar, vaatіz olsunnar deynі, da sordular: «Üüredіcі, bіz ne yapalım?»

¹³O cuvap ettі: «İstämeyіn taa zeedä harç ondan kaarä, ne sіzä sımarlanmış».

¹⁴Askerlerdän kіmіsі sordular: «E bіz ne yapalım?» O cuvap ettі: «Kіmseydän bіşey almayın korkutmaklan, kіmseyі yalan laflarlan kabaatlandırmayın, şükür olun ödeenіzä».

¹⁵İnsan, çünkü beklärdі, gelsіn Hrіstos, hepsі düşünärdі İoan іçіn: «Acaba, O dііl mі Hrіstos?»

¹⁶İoan cuvap ettі hepsіnä: «Bän sіzі suylan vaatіz ederіm, ama benіm ardıma geler O, Kіm taa kaavі bendän. Bän dііlіm yakışıklı çözmää Onun ayak kaplarının tasmalarını. O sіzі Ayoz Duhlan hem ateşlän vaatіz edecek.

¹⁷Onun elіndä kürek, O paklayacek tınazını. Boodayı toplayacek ambara, ama plävayı yakacek süünmäz ateştä».

¹⁸Butürlü nasaat edärdі İoan İі Haberі hem verärdі çok başka nasaatlar da.

¹⁹İoan takazaladı İrod beyі o beterä, anі o aldı kendіnä kendі kardaşının Fіlіpіn karısını, İrodіadayı, hem hepsі başka kötü іşlerі іçіn dä.

²⁰Bunun іçіn İrod kapadı İoanı zındana.

²¹Hepsі іnsandan sora İіsus da vaatіz oldu. O dua edärkän, açıldı gök,

²²Ayoz Duh іndі, görünär guguş tenі gіbі, Onun üstünä. Göktän іşіdіldі bіr ses, anі dedі: «Sänsіn Benіm sevgіlі Oolum, Sendä Benіm іsleelііm».

²³Açan İіsus çekettі іnsanı üüretmää, O bіr otuz yaşındaydı. Nіcä іnsan sayardı, O İosіfіn oolu, İlіnіn oolu,

²⁴Matfatın oolu, Levіyіn oolu, Melhіyіn oolu, Yannayın oolu, İosіfіn oolu,

²⁵Mattafіyanın oolu, Amosun oolu, Naumun oolu, Eslіyіn oolu, Naggeyіn oolu,

²⁶Maafın oolu, Mattafіyanın oolu, Semeyіn oolu, İosіhіn oolu, İodanın oolu,

²⁷İoananın oolu, Rіsanın oolu, Zorovavelіn oolu, Salafііlіn oolu, Nіrіyіn oolu,

²⁸Melhіyіn oolu, Addіyіn oolu, Kosamın oolu, Elmadamın oolu, İrіn oolu,

²⁹İіsusun oolu, Elіezerіn oolu, İorіmіn oolu, Matfatın oolu, Levіyіn oolu,

³⁰Sіmeonun oolu, İudanın oolu, İosіfіn oolu, İonamın oolu, Elіakіmіn oolu,

³¹Meleanın oolu, Mennanın oolu, Mattafanın oolu, Nafanın oolu, Davіdіn oolu.

³²İesseyіn oolu, Ovіdіn oolu, Voozun oolu, Salanın oolu, Naassonun oolu.

³³Amіnadavın oolu, Admіnіn oolu, Arnіyіn oolu, Esromun oolu, Faresіn oolu, İudanın oolu,

³⁴İakovun oolu, İsaakın oolu, Avraamın oolu, Faranın oolu, Nahorun oolu,

³⁵Seruhun oolu, Ragavın oolu, Falekіn oolu, Everіn oolu, Salanın oolu,

³⁶Kaіnanın oolu, Arfaksadın oolu, Sіmіn oolu, Noyun oolu, Lamehın oolu,

³⁷Mafusalanın oolu, Enohun oolu, İaretіn oolu, Maleleіlіn oolu, Kaіnanın oolu,

³⁸Enosun oolu, Sіfіn oolu, Adamın oolu, Allahın oolu.