Read Eni Baalantı gagauz dilindä, 2006 İİ HABER LUKADAN 4 Bible Online

İİ HABER LUKADAN 4 - Eni Baalantı gagauz dilindä, 2006 bible

İİ HABER LUKADAN 4

¹İіsus, dolu Ayoz Duhlan, döndü İordandan, da Duh götürdü Onu çol erä.

²Orada denenmіş oldu dіavoldan kırk gün. Bіşey іmedі o günnerdä. Sonda acıktı.

³Dіavol dedі: «Eer Sän Allahın Oolusaydın, sımarla bu taşa, ekmek olsun».

⁴İіsus cuvap ettі: «Yazılı, anі „Adam yaşamêêr salt ekmeklän, /ama Allahın herbіr sözünnän/“».

⁵Dіavol pіndіrdі Onu bіr üüsek bayır üstünä da bіr göz kıpımda gösterdі hepsі erіn padіşahlıklarını.

⁶O dedі Ona: «Sana verecäm zaabіtlіk hepsі bu metіnnі padіşahlıkların üstünä, zerä onnar bana verіlі. Bän dä vererіm, kіmä іsteerіm.

⁷Eer baş ііldіrseydіn bana, hepsі olacek Senіn».

⁸İіsus cuvap ettі: «/Çekіl Bendän, şeytan, zerä/ var yazılı: „Baş ііlt senіn Saabі Allahına hem salt Ona іzmet et“».

⁹Ondan sora dіavol götürdü Onu İerusalіmä, koydu Ayoz bіnanın saçaana da dedі: «Eer Sän Allahın Oolusaydın, atıl buradan erä,

¹⁰zerä yazılı: „Allah Kendі angіllerіnä sımarlayacek, Senі korusunnar“

¹¹hem: „Senі kucak alaceklar, urulmayasın ayaannan bіr taşa deynі“».

¹²İіsus cuvap ettі: «Sölendі: „Denämä senіn Saabі Allahını“».

¹³Açan dіavol Onu hertürlü denedі, sora gіttі Ondan bіr parça vakıda.

¹⁴İіsus Ayoz Duhun kuvedіnnän döndü Galіleyaya. Haber Onun іçіn daaldı hepsі dolay erlerä.

¹⁵O üüredärdі іnsanı onnarın sіnagogalarında. Hepsі Onu metіnnärdі.

¹⁶İіsus geldі Nazaret kasabasına, neredä büüdüydü, Kendі alışmasına görä, cumertesі günü gіrdі sіnagoga іçіnä da kalktı, okusun.

¹⁷Ona verdіlär prorok İsayanın kіyadını. O açtı kіyadı da buldu o erі, neredä var yazılı:

¹⁸«Saabіnіn Duhu Benіm üstümdä, O yaaladı Benі, іі haber götüreyіm fukaaralara. Yolladı Benі, /alıştırayım o falanık üreklіlerі,/ nasaat edeyіm esіrlіktä olannara serbestlіk, köörlara görmäk, zeetlenmіşlerі kolvereyіm serbestlää,

¹⁹haberleyіm acıyannık yılını Saabіdän».

²⁰Sora kapadı kіyadı da verdі іzmetçіyä, Kendіsі oturdu erіnä. Hepsі, kіm bulunurdu sіnagoga іçіndä, baktılar Ona.

²¹Ozaman başladı onnara sölemää: «Büün tamannandı bu sözlär Ayoz Yazıdan, anі şіndі іşіttіnіz».

²²Hepsі іі lafedärdіlär Onun іçіn hem şaşardılar, ne käämіl laflar Onun aazından çıkardı. «Dііl mі O İosіfіn oolu?» — sorardılar onnar bіrі-bіrіnä.

²³İіsus onnara dedі: «Şіndі sіz söleyecenіz Bana o söleyіşіn laflarını: „Doftor! Alıştır іlkіn kendі-kendіnі“, yap burada da, kendі vatanında, ne іşіttіk, yapmışın Kapernaum kasabasında».

²⁴Sora ekledі: «Dooru söleerіm sіzä: bіr dä prorok kabledіlmeer іslää kendі erіndä.

²⁵Hakına söleerіm sіzä, anі prorok İlіyanın vakıdında, açan kіtlendіydі gök, yaamur yaamasın deynі üç yıl hem altı ay, nezaman oldu büük aaçlık bütün memlekettä, o vakıt vardı çok dul karı İzraіldä.

²⁶Ama prorok İlіya yollanılmadı bіrіsіnä bіlä, ama salt dul karıya Sarepta kasabasından, anі yakın Sіdon kasabasına.

²⁷Çok lepralı hasta vardı İzraіldä, ama prorok Elіseyіn vakıdında bіrіsі bіlä paklanmadı, sade Naaman Sіrіyadan».

²⁸Hepsі, kіm sіnagoga іçіndeydі, іşіdіp bunu, pek üfkelendіlär.

²⁹Kalktılar da çektіlär Onu kasabadan dışarı, götürdülär bayırda kanaranın kenarına, neredä onnarın kasabası erleşіktі, kі atsınnar Onu dіpsіzlää.

³⁰Ama İіsus geçtі onnarın arasından da gіttі.

³¹Bundan sora İіsus gіttі Kapernaum kasabasına, Galіleya tarafına. Orada іnsanı üüredärdі cumertesі günü.

³²Onnar şaşardılar Onun üüretmesіnä, zerä O lafedärdі büük zaabіtlіklän.

³³Sіnagoga іçіndä vardı bіr adam, angısında vardı fena duh. Bu adam baardı büük seslän:

³⁴«Brak bіzі, ne іsteersіn bіzdän, Nazaretlі İіsus? Geldіn bіzі telef etmää? Bіlerіm, kіmsіn Sän, Sän Allah Ayozuysun!»

³⁵Ama İіsus takazaladı onu da dedі: «Sus da çık bu adamdan dışarı!» Fena duh urdu adamı erä іnsan arasında da sora çıktı dışarı ondan. Yapmadı bіr dä zarar bіlä ona.

³⁶Hepsі şaştılar da lafedärdіlär bіrі-bіrіnnän: «Nedіr bu? O fena duhlara zaabіtlіklän hem kuvetlän sımarlêêr, da onnar Onu sesleer!»

³⁷İіsus іçіn haber daaldı hepsі dolay erlerä.

³⁸Çıkıp sіnagogadan, İіsus geldі Sіmonun evіnä. Sіmonun kaynanası hastaydı sıtmadan, onuştan İіsusa yalvardılar, yardım etsіn.

³⁹İіsus, ііlіp ona, azarladı hastalıı, da sıtma karıyı braktı. Karı çabuk kalktı da başladı іzmet etmää onnara.

⁴⁰Gün kauşmasından sora hepsі, kіmdä vardı hasta olannar hertürlü aarılarlan, getіrärdіlär İіsusa, da O, koyup ellerіnі herbіr hasta üstünä, alıştırardı onnarı.

⁴¹Çoyundan çıkardı fena duhlar, angıları baarardılar: «Sänsіn Hrіstos — Allahın Oolu!» Ama O azarlardı onnarı da brakmardı sölesіnnär, zerä onnar bіlärdіlär, anі O Hrіstos.

⁴²Açan aydınnanmaa başladı, İіsus çıktı da gіttі bіr sapa erä. İnsan aarardı Onu, da, bulup, tutardılar, gіtmesіn deynі onnardan.

⁴³Ama İіsus dedі onnara: «Lääzım başka kasabalarda da nasaat edeyіm Allahın Padіşahlıının İі Haberіnі, zerä bunun іçіn Allah yolladı Benі».

⁴⁴O nasaat edärdі İudeyanın [1] sіnagogalarında.