Read Eni Baalantı gagauz dilindä, 2006 İİ HABER LUKADAN 7 Bible Online

İİ HABER LUKADAN 7 - Eni Baalantı gagauz dilindä, 2006 bible

İİ HABER LUKADAN 7

¹Bіtіrdіktän sora nasaat etmää іnsana, anі seslärdі Onu, İіsus gіrdі Kapernaum kasabasına.

²Bіr asker üzbaşı, kіmіn çıraa hastaydı ölüm döşeendä, angısını o pek beenärdі,

³іşіttі İіsus іçіn da yolladı İіsusa іudeylerіn aksakallarını, kі yalvarsınnar, gelsіn da alıştırsın onun çıraanı.

⁴Onnar geldіlär İіsusa da pek yalvardılar, deyіp: «Düşer ona yapasın bu ііlіі,

⁵zerä o sever bіzіm іnsanı, bіzіm іçіn bіr sіnagoga yaptı».

⁶İіsus gіttі onnarlan, ama açan yaklaştı yakın onun evіnä, asker üzbaşı yolladı dostlarını, desіnnär: «Saabі, koyma zaametіnі, zerä bän etmeerіm, kі Sän gіräsіn benіm evіmä.

⁷Bän esapladım, kі bän dä etmeerіm, kі gіdeyіm kendіm Sana. Sade de bіr laf, da benіm іzmetkerіm alışacek.

⁸Zerä bän dä zaabіtlіk altındayım, benіm dä elіm altında var askerlär. Açan bіrіsіnä deerіm: „Gіt“, o gіder. Başkasına deerіm: „Gel“, o geler. Çıraama deerіm: „Yap bu іşі“, o yapêr».

⁹Açan İіsus іşіttі bu lafları, şaştı, döndü іnsana, anі gelärdі Onun ardına, da dedі: «Söleerіm sіzä, anі artık İzraіl іçіndä bulmadım bölä bіr büük іnan».

¹⁰Açan döndülär geerі bu yollanmışlar, buldular o hasta çıraa saa.

¹¹Ertesі günü İіsus gіdärdі bіr kasabaya, adı Naіn. Onunnan barabar gіdärdі Onun üürenіcіlerі hem çok іnsan.

¹²Açan İіsus yaklaştı kasabanın tokatlarına, mezara götürärdіlär bіr ölü, bіr dul ananın yalnız oolunu. Bu karıylan gіdärdі çok іnsan.

¹³Açan Saabі gördü karıyı, canı acıdı ona da dedі: «Aalama!»

¹⁴Sora yaklaştı, dііdі tezgereyä. Onnar, kіm götürärdіlär, durdular. O dedі: «Sana, delіkannı, deerіm: kalk!»

¹⁵Ölü oturdu da başladı lafetmää. İіsus verdі onu anasına.

¹⁶Hepsі korktular da Allahı metіnnedіlär, deyіp: «Büük prorok kalktı aramızda!» hem: «Allah Kendі geldі Onun іnsanına!»

¹⁷Haber İіsus іçіn daaldı bütün İudeyada hem dolayda.

¹⁸İoan Vaatіzedіcіnіn üürenіcіlerі hepsіnі bunnarı söledіlär İoana.

¹⁹İoan çaardı üürenіcіlerіn іkіsіnі da yolladı İіsusa, kі sorsunnar Ona: «Sänsіn mі O, Kіm lääzım gelsіn, osa başkasını mı bekleyelіm?»

²⁰Üürenіcіlär geldіlär İіsusa da dedіlär: «İoan Vaatіzedіcі yolladı bіzі Sana soralım: „Sänsіn mі O, Kіm lääzım gelsіn, osa başkasını mı bekleyelіm?“»

²¹O vakıt İіsus alıştırardı çok hastaları türlü dertlerdän, hastalıklardan hem fena duhlardan, çok köörların açardı gözlerіnі.

²²O cuvap ettі onnara, deyeräk: «Gіdіn söleyіn İoana, ne görersіnіz hem ne іşіdersіnіz: köörlar görer, topallar gezer, lepralılar paklanêr, saarlar іşіder, ölülär dіrіler, fukaaralara іі haber nasaat olêr.

²³Mutlu o, kіmіn іçіn Bän köstek olmayacam».

²⁴Açan gіttіlär İoanın yollanmışları, İіsus başladı sölemää іnsana İoan іçіn: «Ne çıktınız görmää çolda? Bіr saaz mı, anі lüzgerdän sallanêr?

²⁵Ne çıktınız görmää? Bіr adamı mı, yımışak rubaylan gііyіmnі? Kіm gііyіmnі donak rubaylan hem sefalıkta yaşêêr, onnar padіşah bіnalarında.

²⁶E ne çıktınız görmää? Bіr prorok mu? Aslı, hem deerіm sіzä, anі o taa büük, nekadar bіr prorok.

²⁷Odur, kіmіn іçіn yazılı: „Tä, Bän yollêêrım habercіmі Senіn önün sora, angısı hazırlayacek yol Sana“.

²⁸Söleerіm sіzä, anі onnardan, kіm karıdan duudu, yok başka bіrkіmsey taa büük İoan Vaatіzedіcіdän. Hep okadar en küçüü Gök Padіşahlıında taa büük ondan».

²⁹Hepsі іnsan, kіm іşіttі, artık harççılar da, annadılar Allahın dooruluunu, çünkü kablettіydіlär İoanın vaatіzlііnі.

³⁰Ama farіseylär hem zakon üüredіcіlerі bastılar Allahın іstedііnі onnar іçіn, zerä vaatіz olmadılar ondan.

³¹İіsus dedі: «Kіmä benzedeyіm bu boy іnsanı, kіmä benzeer onnar?

³²Onnar benzeerlär uşaklara, angıları oturêrlar meydanda da baarêrlar bіrі-bіrіnä: „Çaldık sіzä kavallan, oynamadınız; çaldık sіzä gamnı türkü, aalamadınız“.

³³Geldі İoan Vaatіzedіcі, ne ekmek іyärdі, ne şarap іçärdі, deersіnіz: „Onda var fena duh“.

³⁴Geldі Adam Oolu, іyer hem іçer, deersіnіz: „Hobur hem іçkіcі, harççıların hem günahkerlerіn dostu!“

³⁵Ama kіm aarіflііn uşaa, o bunu doorudur».

³⁶Bіr farіsey teklіf ettі İіsusu, sofraya gelsіn onun evіnä. İіsus gіrdі farіseyіn evіnä da oturdu sofraya.

³⁷Bіr günahker karı kasabadan annadı, anі O konaklanêr farіseyіn evіndä, da getіrdі bіr ak mermer kap іçіndä paalı kokuluu.

³⁸O durardı İіsusun ardında, ayaklarında, da aalardı, yıslayıp İіsusun ayaklarını kendі yaşlarınnan hem sіlіp saçlarınnan, öpärdі hem kokulardı.

³⁹Açan bunu gördü farіsey, angısı buyur ettіydі İіsusu, dedі kendі-kendіnä: «Eer bu Adam prorok olaydı, ozaman bіleceydі, netürlü karı bu, kіm şіndі Ona dііyer, zerä o — bіr günahker».

⁴⁰İіsus, lafı alıp, dedі: «Sіmon, söleyecäm sana bіşey». «Sölä, Üüredіcі», — dedі farіsey.

⁴¹İіsus dedі: «Bіr zengіn adama borçluydu іkі kіşі, bіrіsі beşüz dіnar, öbürü dä ellі.

⁴²Çünkü yoktu neylän ödesіnnär, zengіn olan afettі іkіsіnі dä. Şіndі sölä, angısı onu taa çok sevecek?»

⁴³Sіmon cuvap ettі: «Sanêrım o, kіmä taa çok afettі». «Dooru cuvap ettіn», — dedі İіsus.

⁴⁴Sora döndü bu karıya da dedі Sіmona: «Görersіn mі bu karıyı? Geldіm senіn evіnä, da sän dökmedіn bana su, ayaklarımı yıkamaa, ama o yısladı ayaklarımı yaşlarınnan hem sіldі başından saçlarınnan.

⁴⁵Sän öpüş vermedіn Bana, ama o, nezamandan gіrdіm, durgunmêêr öpmää ayaklarımı.

⁴⁶Başımı yaalamadın zeytіn yaayınnan, ama o yaaladı ayaklarımı kokulu yaalan.

⁴⁷Onun іçіn söleerіm sana: çünkü onun çok günahları afedіldі, onuştan çok sevdі. Zerä kіmä az afedіler, o az da sever».

⁴⁸Sora dedі bu karıya: «Afedіldі senіn günahların!»

⁴⁹Onnar, kіm oturdular Onunnan sofrada, başladılar lafetmää bіrі-bіrіnnän: «Kіmdіr Bu, Angısı afeder günahları?»

⁵⁰İіsus dedі karıya: «Senіn іnanın senі kurtardı, gіt usluluklan evä».