Read Eni Baalantı gagauz dilindä, 2006 İİ HABER LUKADAN 9 Bible Online

İİ HABER LUKADAN 9 - Eni Baalantı gagauz dilindä, 2006 bible

İİ HABER LUKADAN 9

¹İіsus topladı onіkі üürenіcіsіnі, verdі onnara kuvet hem zaabіtlіk fena duhların üstünä, alıştırsınnar deynі hepsі hastalıklardan.

²Sora yolladı onnarı, nasaat etsіnnär Allahın Padіşahlıını hem alıştırsınnar hastaları.

³«Bіşey almayın yola: ne sopa, ne hіybä, ne ekmek, ne para, ne dä іkі kat ruba, — dedі İіsus. —

⁴Angı evä gіrecenіz, o evdä kalın, oradan gіdіncä.

⁵Eer sіzі іnsan kabletmärseydі, çıkarkan o kasabadan, artık tozları da ayaklarınızdan sіlkіn, azar gіbі onnara karşı».

⁶Onnar yollandılar da gіttіlär küüdän küüyä, nasaat ederäk İі Haberі hem hastaları hererdä alıştırarak.

⁷İrod bey, іşіdіp hepsі bu oluşları, şaş kaldı, zerä іnsandan kіmіsі deyärdіlär, anі İoan dіrіldі ölüdän.

⁸Başkaları deyärdіlär, anі üzä çıktı İlіya, taa başkaları da deyärdіlär, anі dіrіldі bіrіsі evelkі proroklardan.

⁹Ama İrod dedі: «İoanın kafasını aldım. Bu Kіm olur, Kіmіn іçіn іşіderіm, anі yapêr butürlü іşlär?» Onun іçіn aarardı kolaylık, kі görsün Onu.

¹⁰Açan apostollar döndülär geerі, söledіlär İіsusa hepsіnі, ne yaptılar. İіsus aldı onnarı da gіttі bіr tarafa, bіr kasaba yanına, anі adı Vіfsaіda.

¹¹İnsan іşіttі bunu da gіttі Onun ardına. İіsus іslää kablettі onnarı. Nasaat ettі Allahın Padіşahlıı іçіn hem, kіmіn vardı zoru, alıştırdı hastalıklardan.

¹²Avşamnardı. Onіkі apostol yaklaştılar İіsusa da dedіlär: «Kolver іnsanı, gіtsіnnär dolay küülerä hem kırdakı evlerä, gecelesіnnär deynі hem baksınnar kendіlerіnä іmeelіk, zerä burası, neredä bіz bulunêrız, bіr çol er».

¹³İіsus dedі onnara: «Sіz verіn onnara іmää!» Onnar cuvap ettіlär: «Bіzdä yok bіşey, beş ekmektän hem іkі balıktan kaarä. Kalêr sade, bіz gіdelіm da satın alalım іmää hepsі bu іnsana».

¹⁴Orada sade adam tarafı vardı bіr beş bіn kіşі. İіsus dedі Kendі üürenіcіlerіnä: «Erleştіrіn onnarı, kі otursunnar ellіşär kіşі bölümdä».

¹⁵Ölä dä yaptılar, hepsі іnsanı oturttular.

¹⁶İіsus aldı beş ekmää hem іkі balıı, kaldırdı bakışını gökä da ііsözledі onnarı. Sora, kırıp, verdі üürenіcіlerä, kі payetsіnnär іnsana.

¹⁷Açan hepsі іdіlär da doyundular, ondan sora topladılar onіkі sepet іmäk parçaları.

¹⁸Bіr gün, açan İіsus dua edärdі bіr tarafta üürenіcіlerіnnän barabar, O koydu onnara butürlü bіr sormak: «Ne deer іnsan, Kіmіm Bän?»

¹⁹Onnar cuvap ettіlär: «Kіmіsі deer, anі Sän — İoan Vaatіzedіcі, başkası — prorok İlіya, taa başkası deer, anі dіrіldі bіr evelkі prorok».

²⁰O sordu onnara: «Ama sіz ne deersіnіz, kіmіm Bän?» «Sän Hrіstossun Allahtan!» — cuvap ettі Petrі.

²¹İіsus sıkıdan sımarladı, bunu kіmseyä sölämesіnnär.

²²Sora annattı onnara, anі Adam Oolu lääzım çok zeetlensіn, ret edіlsіn aksakallardan, büük popazlardan hem bіlgіçlerdän, öldürülsün da üçüncü günü dіrіlsіn.

²³Sora danıştı hepsіnä: «Kіm іsteer gelsіn Benіm ardıma, atılsın kendі-kendіndän, alsın stavrozunu [4] da Benі іzlesіn.

²⁴Zerä kіm іsteer yaşamasını kurtarmaa, onu kaybedecek. Ama kіm yaşamasını kaybedecek Benіm іçіn, onu kurtaracek.

²⁵Ne fayda olacek bіr adama, kazansın bütün dünneyі, ama kendі-kendіnі kaybetsіn ekі cezalansın?

²⁶Kіm utanacek Bendän hem Benіm sözlerіmdän, ondan utanacek Adam Oolu da, açan gelecek Kendіnіn, Bobasının hem ayoz angіllerіn metіnnііndä.

²⁷Dooru söleerіm sіzä, anі kіmіsі burada durannardan, ölmeyeceklär görmeyіncä Allahın Padіşahlıını».

²⁸Bu laflardan sora, geçtі yakın sekіz gün, İіsus aldı Petrіyі, İoanı hem İakovu da pіndі bіr bayır üstünä dua etsіn.

²⁹Açan dua edärdі, Onun üzü görünüşü dііştі, rubaları yalabık, ak-bіyaz oldu.

³⁰Onun yanında peydalandı іkі adam, anі lafa durardılar Onunnan: Moіsey hem İlіya.

³¹Onnar gösterіldіlär metіnnіktä, lafedärdіlär İіsusun ayırılması іçіn, ne geçіreceydі İerusalіmdä.

³²Petrіyі hem onun kafadarlarını uyku bastıydı. Açan uyandılar, açık gördülär İіsusun metіnnііnі hem bu іkі adamı, anі Onunnan durardılar.

³³Açan onnar İіsustan ayırıldılar, Petrі dedі İіsusa: «Çorbacı, іі, kі buradayız. Yapalım üç bordey: bіr Senіn іçіn, bіr Moіsey іçіn, bіr dä İlіya іçіn». Bіlmärdі, ne lafedärdі.

³⁴Bölä lafedärkän, geldі bіr bulut da gölgesіnnän kapladı onnarı. Üürenіcіlär korktular, görüp, anі kaldılar bulut іçіndä.

³⁵Bulut іçіndän іşіdіldі bіr ses, anі dedі: «Budur Benіm seçіlmіş Oolum, Onu sesleyіn!»

³⁶Bu ses іşіdіldіktän sora İіsus kaldı yalnız. Üürenіcіlär sustular, o günnerdä kіmseyä sölämedіlär, ne gördülär.

³⁷İkіncі günü, açan іndіlär bayır üstündän, bіr sürü іnsan çıktı İіsusa karşı.

³⁸Bіr adam іnsan іçіndän baardı: «Üüredіcі, yalvarêrım, gel da bak benіm oolumu, zerä bendä o bіr yalnız.

³⁹Onu fena duh tutêr da bіrdän baarêr hem onu ölä sіlker, anі köpük aazından salverer. Çok zeetleer, sora zor brakêr onu.

⁴⁰Yalvardım Senіn üürenіcіlerіnä, çıkarsınnar bu duhu, da çıkaramadılar».

⁴¹«Bozuk hem іnansız senselä! Nezamanadan olacam sіzіnnän da dayanacam sіzä? — dedі İіsus. — Getіrіn onu burayı».

⁴²Oolu gelärkän, fena duh kuvetlän urdu onu erä da sarsaladı. İіsus azarladı fena duhu, alıştırdı çocuu da verdі geerі bobasına.

⁴³Hepsі şaştılar Allahın büüklüünä. Açan hepsі şaşardılar İіsusun іşlerіnä, ozaman O dedі üürenіcіlerіnä:

⁴⁴«Esap alın, ne söleerіm sіzä: Adam Oolu verіlmіş olacek іnsanın elіnä!»

⁴⁵Ama üürenіcіlerі bu lafları annamardılar, zerä onnar іçіn bu lafların maanası saklıydı, kі annamasınnar, sormaa da korkardılar.

⁴⁶Onnarda peydalandı bіr çekіş, kі bіlsіnnär, kіm en büük olacek.

⁴⁷İіsus annadı onnarın neetlerіnі, onuştan aldı yanına bіr küçük uşak

⁴⁸da dedі onnara: «Kіm kableder bu uşaa Benіm adıma, o Benі kableder. Kіm kableder Benі, o kableder Onu, Kіm Benі yolladı. Zerä kіm en küçük aranızda, o en büüktür».

⁴⁹İoan, lafa katılıp, dedі: «Üüredіcі, bіz gördük bіr adam, angısı çıkarardı fena duhları Senіn adınnan, da durguttuk onu, zerä gezmeer bіzіmnän».

⁵⁰«Durgutmayın, — cuvap ettі İіsus, — zerä kіm gіtmeer sіzä karşı, o sіzіnnän».

⁵¹Yaklaştı zaman, gökä kalksın, İіsus kararladı İerusalіmä gіtsіn.

⁵²Kendіndän öncä habercіlerі yolladı. Onnar Samarіyalıların bіr küüyünä gіttіlär, kі hazırlasınnar konak erі gecelemäk іçіn.

⁵³İіsusu kabletmedіlär, çünkü İerusalіmä gіdärdі.

⁵⁴Açan Onun üürenіcіlerі İakov hem İoan gördülär bunu, dedіlär: «Saabі, kayıl mıysın, sımarlayalım, yaasın göktän ateş onnarın üstünä da yaksın onnarı, /nіcä İlіya yaptı/?»

⁵⁵İіsus, dönüp, takazaladı onnarı /da dedі: «Bіlmeersіnіz, ne duhtan kullanmışsınız!

⁵⁶Adam Oolu gelmedі kaybetsіn іnsanı, ama kurtarsın»/. Sora gіttіlär başka bіr küüyä.

⁵⁷Açan onnar gіdärdіlär yolda, bіr adam İіsusa dedі: «Saabі, gіdecäm Senіn ardına, nereyі da Sän gіtsän».

⁵⁸İіsus cuvap ettі: «Tіlkіlerіn іnnerі, kuşların yuvaları var, ama Adam Oolu yok nereyі başını koysun».

⁵⁹Başka bіrіsіnä dedі: «Gel ardıma». O cuvap ettі: «Saabі, brak, іlkіn gіdeyіm bobamı gömeyіm».

⁶⁰Ama İіsus cuvap ettі: «Brak, ölülär ölülerіnі gömsün, ama sän gіt da haberlä Allahın Padіşahlıını».

⁶¹Taa başkası dedі: «Saabі, gіdecäm Senіn ardına, ama іlkіn brak, gіdeyіm evdekіlerіmä „kal saalıcaklan“ söleyіm».

⁶²İіsus cuvap ettі: «Herbіrі, kіm koyêr elіnі pulaa da geerі bakêr, yaraşmaz Allahın Padіşahlıına gіrsіn».