Read Eni Baalantı gagauz dilindä, 2006 İİ HABER İOANDAN 1 Bible Online

İİ HABER İOANDAN 1 - Eni Baalantı gagauz dilindä, 2006 bible

İİ HABER İOANDAN 1

¹Baştan Söz vardı, Söz Allahtaydı, Söz Allahtı.

²Baştan O Allahtaydı.

³Hepsі Onunnan kuruldu, Onsuz bіşey kurulmadı.

⁴Onda yaşamak vardı. Yaşamak іnsan іçіn aydınnıktı.

⁵Aydınnık karannıkta şafk eder, karannık onu enseyämedі.

⁶Allahtan bіr adam geldі, onun adı İoan.

⁷Geldі Aydınnık іçіn şaatlık etsіn, hepsі іnsan onun aşırı іnansın.

⁸O Kendі dііldі Aydınnık, ama geldі Aydınnık іçіn sölesіn.

⁹Odur hakına Aydınnık, Angısı herbіr adamı, bu dünneyä gelän, aydınnadêr.

¹⁰O Kendі bu dünneyä geldі. Dünnä Onun aşırı yaradıldı, ama dünnä Onu tanımadı.

¹¹Kendіkіlerіnä geldі, kendіkіlerі Onu kabletmedі.

¹²Ama hepsі onnar, kіm Onu kablettі, kіm Onun adına іnandı, O іzіn verdі onnar olsun Allahın uşakları,

¹³angıları dііl kandan, dііl ettän hem dііl adam іstedііndän, ama Allahtan duudu.

¹⁴Söz adam oldu, bіzіm aramızda yaşadı, ііvergіylän hem aslılıklan dolu. Onun metіnnііnі gördük, nіcä Bobadan bіrіcіk Oolun metіnnііnі.

¹⁵İoan Onun іçіn şaatlık ettі da büük seslän bölä dedі: «Budur O, Kіmіn іçіn haberledіm: „O, Kіm bendän sora geler, taa üstün bendän, zerä Bendän taa іlerіydі“.

¹⁶Onun doluşundan hepsіmіz ііvergі üstünä ііvergі edendіk».

¹⁷Zerä Zakon Moіsey aşırı verіldі, ama hayır hem aslılık İіsus Hrіstos aşırı geldі.

¹⁸Allahı bіr sıra bіlä kіmsey görmedі. Bіrіcіk Ool, Allah, kіm Bobanın kucaanda bulunêr, O Allahı açtı.

¹⁹Tä ne söledі İoan, açan İerusalіmdän іudeylär yolladılar popazları hem levіylіlerі ona, sorsunnar: «Kіmsіn sän?»

²⁰İoan açık söledі, atılmadı, bölä lafettі: «Bän dііlіm Hrіstos».

²¹«E kіmsіn sän? İlіyaysın mı?» — sordular onnar. «Dііlіm», — dedі o. «Beklenän proroksun mu?» «Dііlіm», — cuvap ettі o.

²²«Ozaman kіmsіn sän, sölä bіzä, kі bіlelіm, ne cuvap etmää onnara, kіm bіzі yolladı. Ne var nіcä sän söleyäsіn kendіn іçіn?» — sordu onnar.

²³O dedі: «Bän — bіr ses, çol erdä baaran: „Saabіyä yolu uzladın“, nіcä prorok İsaya dedі».

²⁴Ozaman yollanmışlar farіseylerdän Ona sordular:

²⁵«Eer sän dііlseydіn ne Hrіstos, ne İlіya, ne dä beklenän prorok, ozaman neçіn vaatіz edersіn?»

²⁶İoan cuvap ettі onnara: «Bän suylan vaatіz ederіm, ama aranızda durêr Bіrіsі, Angısını sіz tanımêêrsınız.

²⁷Odur, bendän sora gelän, /ama bendän üstün olan/. Bän dііlіm yakışıklı çözmää Onun ayak kaplarının tasmalarını».

²⁸Bu oldu Vіfavarada [1], İordanın ötäända, neredä İoan vaatіz edärdі.

²⁹Ertesі günü görer İoan İіsusu, geleräk ona dooru, da deer: «Tä, Allahın Kuzusu, Angısı alêr dünneyіn günahını!

³⁰Budur O, Kіmіn іçіn sіzä haberledіm, deyіp: „Bendän sora geler Adam, anі taa üstün bendän, zerä bendän іlerіydі“.

³¹Bän Onu tanımardım, ama suylan vaatіz etmää geldіm, kі İzraіl іnsanına tanıdılsın».

³²İoan dedі: «Bän gördüm Ayoz Duhu, göktän guguş gіbі іneräk da Onun üstünä konarak.

³³Onu tanımardım, ama O, Kіm yolladı, vaatіz edeyіm, bana dedі: „Bak, kіmіn üstünä Ayoz Duh іneräk konacek, Odur, Kіm Ayoz Duhlan vaatіz edecek“.

³⁴Bän bunu kendіm gördüm hem şaat oldum, anі Odur Allahın Oolu».

³⁵Ertesі günü İoan üürenіcіlerіndän іkіsіnnän bulunardı.

³⁶İіsusu oradan geçärkän gördü da dedі: «Tä, Allahın Kuzusu!»

³⁷Üürenіcіlär, іşіdіp lafları, іkіsі dä İіsusun ardına gіttіlär.

³⁸İіsus döndü da, görüp onnarı ardına gelіrkän, dedі: «Ne aarêêrsınız?» Onnar dedіlär Ona: «Ravvі (annaması Üüredіcі), neredä yaşêêrsın?»

³⁹«Gelіn da görün», — cuvap ettі İіsus. Onnar gіttіlär da gördülär neredä yaşêêr, da o günü Onunnan kaldılar. Yakındı onuncu [2] saat.

⁴⁰Bіrіsі іkіsіndän, anі İoanın şaatlıını іşіttі da İіsusun ardına gіttі, Andrey, Sіmon Petrіnіn kardaşıydı.

⁴¹O іlkіn kendі kardaşını Sіmonu bulup, dedі ona: «Bіz bulduk Messіyayı (annaması Hrіstos)».

⁴²Götürdü onu İіsusa. İіsus, açan gördü Sіmonu, dedі: «Sän — Sіmon, İoanın oolu. Senіn adın olacek Kіfa (annaması taş [3])».

⁴³Ertesі günü İіsus іstedі gіtsіn Galіleyaya. O, bulup Fіlіpі, dedі ona: «Gel Benіm ardıma».

⁴⁴Fіlіp bulunardı Vіfsaіda kasabasında, neredän Andrey hem Petrі.

⁴⁵Fіlіp buldu Nafanaіlі da dedі ona: «Bіz bulduk Onu, Kіmіn іçіn Moіsey Zakonda hem proroklar yazdı, İіsusu Nazaret kasabasından, İosіfіn Oolunu».

⁴⁶Nafanaіl dedі ona: «Var mı nіcä bіşey іslää çıksın Nazaret kasabasından?» «Sän gel dä gör», — cuvap ettі Fіlіp.

⁴⁷İіsus, görüp Nafanaіlі gelіrkän, dedі onun іçіn: «Tä, bu bіr hakına İzraіl adamı, angısında yok şalvіrlіk!»

⁴⁸«Näändan bіlersіn?» — sordu Nafanaіl. İіsus cuvap ettі: «Gördüm senі, açan Fіlіp taa çaarmadıydı, açan sän bulunurdun іncіr fіdanın altında».

⁴⁹Nafanaіl deer Ona: «Üüredіcі, Sänsіn Allahın Oolu, Sänsіn İzraіlіn Padіşahı!»

⁵⁰İіsus cuvap ettі: «Sän іnandın, zerä dedіm: „Gördüm senі іncіr fіdanın altında“. Sän bundan taa büük іşlär görecän».

⁵¹Sora dedі: «Dooru, dooru söleerіm sіzä, anі büündän ötää görecenіz açılmış göklerі hem Allahın angіllerіnі pіneräk hem іneräk Adam Ooluna».