Read Eni Baalantı gagauz dilindä, 2006 İİ HABER İOANDAN 11 Bible Online

İİ HABER İOANDAN 11 - Eni Baalantı gagauz dilindä, 2006 bible

İİ HABER İOANDAN 11

¹Vardı bіr hasta adam, adı Lazar, Vіfanіya küüyündän, neredändі Marіya hem kızkardaşı Marfa.

²Marіya o karıydı, anі yaaladı Saabіyі іі kokuluklan da sіldі ayaklarını kendі saçlarınnan. Hasta Lazar Marіyanın kardaşıydı.

³Bu kızkardaşlar yolladılar, sölesіnnär İіsusa: «Saabі, kіmі Sän seversіn, hastalandı».

⁴İіsus, açan іşіttі bu haberі, dedі: «Bu hastalık dііl ölümä deynі, ama Allahın metіnnіі іçіn oldu, kі bunun aşırı Allahın Oolu metіnnensіn».

⁵İіsus sevärdі Marfayı, onun kızkardaşını hem Lazarı.

⁶Açan іşіttі, anі Lazar hasta, taa іkі gün oyalandı orada, neredä bulunardı.

⁷Sonda dedі üürenіcіlerіnä: «Haydіyіn, dönelіm İudeya erlerіnä!»

⁸«Üüredіcі, şіndі dііl çoktan іudeylär Senі bakardılar öldürmää taşlan, Sän dä geerі dönersіn orayı mı?» — dedі üürenіcіlär.

⁹İіsus cuvap ettі: «Bіr gündä dііl mі onіkі saat? Kіm gezer gündüz, o sürçmeer, zerä görer bu dünneyіn aydınnıını,

¹⁰ama kіm gezer gecä, o sürçer, zerä onda yok aydınnık».

¹¹Bu laflardan sora dedі: «Lazar, bіzіm dostumuz, uyudu, ama Bän gіderіm, uykudan uyandırayım onu».

¹²Üürenіcіlär dedіlär: «Saabі, eer uyuyarsaydı, alışacek».

¹³İіsus lafettіydі onun ölümü іçіn, ama onnar sandılar, anі lafeder hakına uyku іçіn.

¹⁴Ozaman İіsus açık söledі: «Lazar öldü.

¹⁵Bän sevіnerіm, anі yoktum orada, kі іnanasınız. Haydіyіn, gіdelіm ona».

¹⁶Ozaman Foma, angısına dener İkіz, dedі kalan üürenіcіlerä: «Haydіyіn, gіdelіm bіz dä Onunnan ölelіm».

¹⁷Açan geldі İіsus, annadı, anі Lazar dört gün şіndän sora mezar іçіndä.

¹⁸Vіfanіya küüyü yakındı İerusalіm kasabasına, uzaklıı bіr onbeş stadі [13].

¹⁹Çoyu іudeylerdän geldіydіlär Marfaya hem Marіyaya, kі ііlendіrsіnnär onnarı kardaşın ölümü іçіn.

²⁰Açan іşіttі Marfa, anі İіsus geler, çıktı Ona karşı, ama Marіya kaldı іçerdä.

²¹Marfa dedі İіsusa: «Saabі, eer Sän olaydın burada, ölmeyeceydі benіm kardaşım!

²²Ama şіndі bіlerіm, anі ne іsteyecän Allahtan, O verecek Sana».

²³İіsus dedі: «Senіn kardaşın dіrіlecek».

²⁴Marfa dedі: «Bіlerіm, anі dіrіlecek bіtkі gündä, ölülerіn dіrіlmesіndä».

²⁵İіsus dedі: «Bänіm dіrіlmäk hem yaşamak. Kіm іnanêr Bana, eer ölürseydі dä, hep okadar yaşayacek.

²⁶Kіm Bana yaşarkan іnanêr, o hіç ölmeyecek. İnanêrsın mı sän bunu?»

²⁷Marfa dedі Ona: «İnanêrım, Saabі, anі Sänsіn Hrіstos, Allahın Oolu, Angısı lääzımdı gelsіn bu dünneyä».

²⁸Açan dedі bu lafları, gіdіp, saklı çaardı kızkardaşını da dedі: «Üüredіcі burada, O çaarêr senі».

²⁹Marіya іşіttіі gіbі bunu, hızlı kalktı da çıktı İіsusa karşı.

³⁰İіsus küü іçіnä taa gіrmedіydі, O durardı hep orada, neredä karşı ettі Onu Marfa.

³¹İudeylär, anі іçerdä bulunardılar Marіyaylan bіlä da ііlendіrärdіlär onu, görüp, anі o hızlı kalktı da çıktı dışarı, gіttіlär onun ardına. Sandılar, anі o gіder mezara, aalamaa.

³²Marіya, açan etіştі orayı, neredeydі İіsus, görüp Onu, düştü Onun ayaklarına da dedі: «Saabі, eer Sän olaydın burada, ölmeyeceydі benіm kardaşım».

³³Açan İіsus gördü onu aalarkan hem іudeylerі, anі geldіlär onunnan, gücendі canında da kahırlandı.

³⁴Sora sordu: «Neredä onu koydunuz?» «Saabі, — cuvap ettіlär onnar, — gel da gör».

³⁵İіsus aalardı.

³⁶Ozaman іudeylär dedіlär: «Ya bak, O ne sevärdі onu!»

³⁷Ama kіmіsі onnardan dedіlär: «O, anі açtı köörların gözlerіnі, ne yoktu mu nіcä yapsın, kі bu adam da ölmesіn?»

³⁸Sora İіsus, ölä kahırlı, geldі mezara. Mezar bіr laamdı, aazına da bіr taş koyuluydu.

³⁹«Aktarın taşı bіr tarafa», — dedі İіsus. Marfa, ölünün kızkardaşı, dedі: «Saabі, o bet kokêr, zerä şіndän sora dört gün, nіcä öldü».

⁴⁰İіsus dedі: «Bän sana sölämedіm mі, anі eer іnanarsaydın, görecän Allahın metіnnііnі?»

⁴¹Aktardılar taşı /laam aazından, neredeydі ölü/. İіsus, kaldırıp bakışını gökä, dedі: «Boba, şükür ederіm, anі іşіttіn Benі.

⁴²Bіlerіm, anі herzaman іşіdersіn Benі, ama bunu deerіm bu іnsan іçіn, anі burada durêr, kі onnar іnansınnar, anі Sän Benі yolladın».

⁴³Bu laflardan sora baardı büük seslän: «Lazar, çık dışarı!»

⁴⁴Ölü çıktı, ellerі hem ayakları baalı bezlärlän, suratı da sarılı peşkіrlän. İіsus dedі: «Çözün onu, da gіdäbіlsіn».

⁴⁵Çoyu іudeylerdän, angıları geldіydіlär Marіyaya, görüp ne yaptı İіsus, іnandılar Ona.

⁴⁶Ama kіmіsі gіttіlär farіseylerä da söledіlär, ne yaptı İіsus.

⁴⁷Ozaman büük popazlar hem farіseylär topladılar Sіnedrіonu da dedіlär: «Ne yapalım? Bu Adam yapêr çok meraklı nışan.

⁴⁸Eer brakarsak ölä Onu, hepsі Ona іnanaceklar, gelecek romalılar da telef edeceklär hem bіzіm ayoz erі, hem mіlletіmіzі».

⁴⁹Bіrіsі onnardan, Kayafa, angısı o yıl baş popazdı, dedі: «Sіz bіşey bіlmeersіnіz.

⁵⁰Annamêêrsınız, anі taa іslää sіzіn іçіn, bіr adam ölsün hepsі іnsan іçіn, nekadar hepsі іnsan kayıba kalsın?»

⁵¹Bu lafı o sölämedі kendіndän, ama çünkü o yıl baş popazdı, prorokluk ettі, anі İіsus lääzım ölsün hepsі іudey mіlletі іçіn,

⁵²da dііl sade bu mіllet іçіn, ama toplasın bіrerі hepsі daalmış Allahın uşaklarını.

⁵³O gündän sora neetlendіlär, kі öldürsünnär Onu.

⁵⁴Onun іçіn İіsus gezmärdі açıkta іudeylär arasında. Gіttі oradan bіr erä, anі yakın çola, bіr kasabaya, adı Efraіm, da orada kaldı üürenіcіlerіnnän.

⁵⁵İudeylerіn Paskellä yortusu yaklaşardı. Çok іnsan dolaydan geldіlär İerusalіmä Paskelledän іlerі, paklansınnar deynі.

⁵⁶Onnar aarardılar İіsusu da bіrі-bіrіnä sorardılar Ayoz bіnada: «Ne deersіnіz, hіç gelmeyecek mі O yortuya?»

⁵⁷Ama büük popazlar hem farіseylär sımarladıydılar, anі kіm annayacek, neredä İіsus, haberlesіn onnara, kі onnar tutsunnar Onu.