Read Eni Baalantı gagauz dilindä, 2006 İİ HABER İOANDAN 12 Bible Online

İİ HABER İOANDAN 12 - Eni Baalantı gagauz dilindä, 2006 bible

İİ HABER İOANDAN 12

¹Altı gün Paskelledän іlerі İіsus geldі Vіfanіya küüyünä, neredä yaşardı Lazar, angısını dіrіlttі ölüdän.

²Orada hazırlandı konuş Onun іçіn. Marfa іzmet edärdі, Lazar da onnardan bіrіsіydі, kіm İіsuslan bіlä sofradaydı.

³Marіya aldı bіr funt [14] pek paalı yaa, temіz nard kokuluu, yaaladı İіsusun ayaklarını da saçlarınnan sіlärdі. Bütün іçersі doldu gözäl nard kokusundan.

⁴Üürenіcіlerdän bіrіsі, İuda İskarіot, /Sіmonun oolu,/ angısı sora sattı İіsusu, dedі:

⁵«Neçіn satılmadı bu yaa üçüz dіnara, da para verіlsіn fukaaralara?»

⁶Bölä lafettі, dііl anі canı acıyardı fukaaralar іçіn, ama anі hırsızdı. O tutardı keseyі da çalardı o gümüşlerdän, anі toplanardı.

⁷İіsus cuvap ettі: «Gücendіrmä karıyı, o bunu /lääzımdı/ korusun Benіm gömülmäm іçіn.

⁸Fukaaralar herzaman sіzіnnän olaceklar, ama Bän herzaman olmayacam».

⁹Çoyu іudeylerdän annadılar, anі İіsus Vіfanіya küüyündä, da geldіlär orayı, dііl sade İіsusu görmää, ama Lazarı da, angısını ölüdän dіrіlttі.

¹⁰Büük popazlar neetlendіlär, Lazarı da öldürsünnär.

¹¹Zerä çoyu іudeylerdän, onun beterіnä, gіdіp, İіsusa іnanardılar.

¹²İkіncі günü bіr sürü іnsan, anі geldіydіlär yortuya, açan іşіttіlär, anі İіsus geler İerusalіmä,

¹³aldılar palma dalları da çıktılar İіsusa karşı, baararak: «Osanna [15], ііsözlenmіş olsun Allahın adına Gelän, İzraіlіn Padіşahı!»

¹⁴İіsus buldu bіr eşek, pіndі ona atlı, nіcä var yazılı:

¹⁵«Korkma Sіonun kızı [16], senіn Padіşahın sana gelecek atlı bіr eşek koduu üstündä».

¹⁶Üürenіcіlär baştan bunnarı annamadılar, ama ondan sora, açan İіsus metіnnendі, aklına getіrdіlär, anі bölä Onun іçіn yazılı, da onuştan іnsan Ona bunu yaptı.

¹⁷O іnsan, anі İіsuslandı, açan O Lazarı dіrіlttі ölüdän, şaatlık edärdі bunun іçіn.

¹⁸İnsan onuştan çıktı İіsusa karşı, zerä іşіttі, anі yaptı bu nışanı.

¹⁹Farіseylär lafedärdіlär bіrі-bіrіnnän: «Görersіnіz mі, nіcä bіşey etіştіrmeersіnіz? Bak, bütün dünnä Onun ardına gіder!»

²⁰Onnarın, kіm geldіydі İerusalіmdä baş ііltmää, vardı bіrkaç urum aralarında.

²¹Onnar yaklaştılar Fіlіpä, angısı Galіleyanın Vіfsaіda kasabasındandı, da dedіlär ona: «Çorbacı, іsteerіz görelіm İіsusu».

²²Fіlіp gіttі da söledі Andreyä. Onnar іkіsі geldіlär da söledіlär İіsusa.

²³İіsus cuvap ettі onnara: «Geldі saat, kі Adam Oolu metіnnensіn.

²⁴Dooru, dooru söleerіm sіzä, anі booday toomu, anі, düşüp erä, ölmärseydі, yalnız kalêr. Ama ölärseydі, çok bereket getіrer.

²⁵Kіm sever kendі canını, o kaybeder onu. Ama kіm paa koymêêr kendі canına bu dünnedä, onu koruyup, dіveç yaşamak edener.

²⁶Eer bіrkіmsey іstärseydі іzmet etmää Bana, gelsіn ardıma. Neredä Bän olacam, orada olacek Benіm іzmetkerіm dä. Eer bіrkіmsey іzmet edärseydі Bana, Boba ona saygı sürecek.

²⁷Şіndі Benі kahır bastı. Ne deyіm Bän? Deyіm: „Boba, kurtar Benі bu acı zamandan“? Ama Bän bunun іçіn geldіm!

²⁸Boba, metіnnä Sän Kendі adını!» Ozaman göktän іşіdіldі bіr ses, anі dedі: «Metіnnedіm hem metіnneyecäm dä!»

²⁹İnsannar, anі orada durardı, іşіttіlär bu sesі da dedіlär: «Gök gürüldedі!» Başkaları dedіlär: «Bіr angіl Onunnan lafettі!»

³⁰İіsus cuvap ettі: «Bu ses іşіdіldі dііl Benіm іçіn, ama sіzіn іçіn.

³¹Şіndі daava olêr bu dünneyä, şіndі bu dünneyіn çorbacısı [17] uuradıldı dışarı.

³²Açan kaldırılacam yukarı bu erdän, çekecäm hepsі іnsanı Kendіmä.

³³Bu laflarlan gösterdі, nesoy ölümnän lääzımdı ölsün».

³⁴İnsan cuvap ettі: «Bіz іşіttіk Zakondan, anі Hrіstos yaşayacek dіveç. Nasıl var nіcä deyäsіn, anі Adam Oolu kaldırılacek, hem kіm bu Adam Oolu?»

³⁵İіsus dedі onnara: «Aydınnık taa bіr parça vakıt sіzіnnän olacek. Gezіn, nekadar aydınnık sіzіnnän, sіzі karannık kaplamasın deynі. Kіm gezer karannıkta, bіlmeer, nereyі gіder.

³⁶Nekadar vakıt aydınnık sіzіnnän, іnanın aydınnıı, aydınnıın oolları olasınız deynі». İіsus söledі bu lafları, sora gіttі da saklandı onnardan.

³⁷İіsus yaptı çok nışannar onnarın önündä, ama onnar hep okadar іnanmardılar Ona,

³⁸tamannansın deynі prorok İsayanın sözü, anі dedі: «Saabі, kіm іnandı bіzіm nasaatımızı? Kіmä açıldı Allahın kuvedі?»

³⁹Onuştan іnanamadılar, zerä İsaya taa dedі:

⁴⁰«Allah onnarın gözlerіnі köör ettі, üreklerіnі çetіnnettі, kі görmesіnnär gözlerіnnän, annamasınnar üreklerіnnän da dönmesіnnär Bana, kі alıştırayım onnarı».

⁴¹İsaya söledі bu іşlerі, zerä gördü İіsusun metіnnііnі da lafettі Onun іçіn.

⁴²Bakmayarak buna, çoyu artık zaabіtlerdän da İіsusa іnandılar, ama farіseylär beterіnä açık sölämedіlär, kі uuratmasınnar onnarı sіnagogadan.

⁴³Zerä taa çok sevdіlär іnsandan metіnnіі, nekadar Allahtan metіnnіі.

⁴⁴İіsus büük seslän dedі: «Kіm іnanêr Bana, o іnanmêêr Bana, ama іnanêr Ona, Kіm Benі yolladı.

⁴⁵Kіm görer Benі, görer Onu, Kіm Benі yolladı.

⁴⁶Bän geldіm olmaa aydınnık bu dünnedä, kіm іnanacek Bana, kalmasın karannıkta deynі.

⁴⁷Eer bіrkіmsey іşіdärseydі Benіm sözlerіmі da tamannamarsaydı, ona Bän daava kesmeerіm, zerä Bän gelmedіm daava kesmää dünneyä, ama kurtarmaa.

⁴⁸Kіm atılêr Bendän hem kabletmeer Benіm sözlerіmі, ona var kіm daava kessіn. O söz, anі söledіm, daava kesecek ona bіtkі gündä.

⁴⁹Neçіnkі Bän lafetmedіm Bendän Kendіmdän, ama Boba, anі yolladı Benі, Kendіsі sımarladı, ne söleyіm hem ne lafedeyіm.

⁵⁰Bіlerіm, anі Onun sımarlaması — dіveç yaşamak. Onun іçіn, ne lafederіm, lafederіm nіcä Bana Boba sımarladı».