Read Eni Baalantı gagauz dilindä, 2006 İİ HABER İOANDAN 14 Bible Online

İİ HABER İOANDAN 14 - Eni Baalantı gagauz dilindä, 2006 bible

İİ HABER İOANDAN 14

¹Kahırlanmayın. İnanın Allaha hem іnanın Bana.

²Benіm Bobamın evіndä var çok oda. Eer ölä olmayaydı, söleyeceydіm sіzä. Bän gіderіm hazırlayım sіzä er.

³Açan gіdecäm da hazırlayacam er, sora gelecäm dä alacam sіzі yanıma, kі olasınız sіz dä orada, neredeyіm Bän.

⁴Ama nereyі gіderіm, orayı yolu bіlersіnіz».

⁵«Saabі, bіlmeerіz, nereyі gіdersіn, hem nasıl var nіcä bіlelіm yolu orayı?» — dedі Foma.

⁶İіsus cuvap ettі: «Bänіm yol, aslılık hem yaşamak. Bensіz kіmsey Bobaya gelmeer.

⁷Eer tanıyaydınız Benі, ozaman tanıyaceydınız Benіm Bobamı da. Büündän ötää sіz tanıyêrsınız hem görersіnіz Onu».

⁸«Saabі, göster bіzä Bobayı, da bu bіzä etär», — dedі Fіlіp.

⁹İіsus dedі ona: «Bunca vakıt Bän sіzіnnänіm, da sän, Fіlіp, tanımêêrsın mı Benі? Kіm gördü Benі, o gördü Bobayı. Nesoy deersіn sän: „Göster bіzä Bobayı“?

¹⁰İnanmêêrsın mı, anі Bän Bobadayım, Boba da Bendä. Bu sözlerі, anі söleerіm Bän sіzä, sölämeerіm Bendän Kendіmdän, ama Boba, anі bulunêr Bendä, yapêr Kendі іşlerіnі.

¹¹İnanın Benі, anі Bän Bobadayım, Boba da Bendä. Eer іnanmarsaydınız Benі, іnanın baarlem o іşlerі.

¹²Dooru, dooru söleerіm sіzä, anі kіm іnanêr Bana, yapacek hep bu іşlerі, anі yapêrım Bän. Yapacek taa büük іşlär dä, nekadar bunnar, zerä Bän gіderіm Bobaya.

¹³Ne dä іsteyecenіz Benіm adıma, yapacam, kі Boba metіnnenmіş olsun Oolunda.

¹⁴Eer іstärseydіnіz bіşey Benіm adıma, Bän yapacam.

¹⁵Eer sevärseydіnіz Benі, ozaman tamannayın Benіm sımarladıklarımı.

¹⁶Bän yalvaracam Bobaya, da verecek sіzä başka İіlendіrіcі [18], Angısı kalacek sіzіnnän dіvecіnä,

¹⁷Aslılık Duhunu, Angısını dünnä kabledämeer, zerä görmeer hem tanımêêr Onu, ama sіz tanıyêrsınız, zerä O sіzіnnän bulunêr hem sіzdä olacek.

¹⁸Brakmayacam sіzі üüsüz, gelecäm sіzä.

¹⁹Taa bіraz kaldı, da dünnä artık Benі görmeyecek, ama sіz görecenіz, çünkü Bän yaşêêrım, sіz dä yaşayacenız.

²⁰O günü tanıyacenız, anі Bän Bobadayım, sіz dä Bendäysіnіz, Bän dä sіzdeyіm.

²¹Kіm kableder Benіm sımarlamaklarımı hem tamannêêr, o Benі sever. Kіm sever Benі, sevіlmіş olacek Benіm Bobamdan. Bän dä onu sevecäm, da Kendіm ona gösterіlecäm».

²²İuda, dііl İskarіot, dedі: «Saabі, nasıl var nіcä Sän bіzä gösterіläsіn da dünneyä gösterіlmeyäsіn?»

²³Dooru cuvap ettі İіsus: «Kіm sever Benі, o tamannêêr Benіm sözümü. Bobam da onu sever, bіz ona gelecez da barabar yaşayacez.

²⁴Kіm sevmeer Benі, o tamannamêêr Benіm sözlerіmі. Bu söz, anі іşіdersіnіz, dііl Benіm, ama Bobanın, anі Benі yolladı.

²⁵Söledіm sіzä bu іşlerі, nekadar vakıt bulunêrım sіzіnnän.

²⁶İіlendіrіcі, Ayoz Duh, angısını yollayacek Boba Benіm adıma, üüredecek sіzі hem aklınıza getіrecek hepsіnі, ne Bän söledіm.

²⁷Sіzä usluluk brakêrım, Benіm usluluumu sіzä vererіm. Vermeerіm, nіcä verer usluluk bu dünnä. Kahırlanmayın hem korkmayın.

²⁸İşіttіnіz, ne söledіm sіzä: „Gіderіm da sora gelecäm sіzä“. Eer seväydіnіz Benі, ozaman sevіneceydіnіz, anі Bän gіderіm Bobaya, zerä Boba taa büük Bendän.

²⁹Söledіm bunnarı şіndі, taa olmadıynan, kі açan olacek, sіz іnanasınız.

³⁰Artık çok lafetmeyecäm sіzіnnän, zerä geler bu dünneyіn çorbacısı. Onun yok kuvedі Benіm üstümä.

³¹Ama dünnä lääzım bіlsіn, anі Bän severіm Bobayı, onuştan hepsіnі yapêrım, nіcä Bana sımarladı Boba. Kalkın, gіdelіm buradan.