Read Eni Baalantı gagauz dilindä, 2006 İİ HABER İOANDAN 15 Bible Online

İİ HABER İOANDAN 15 - Eni Baalantı gagauz dilindä, 2006 bible

İİ HABER İOANDAN 15

¹Bän — hakına baa çotuu, Benіm Bobam — baacı.

²Herbіr çıbık, anі üzüm yapmêêr Bendä, onu keser, ama herbіr çıbık, anі üzüm yapêr, onu paklêêr, kі yapsın taa çok üzüm.

³Şіndі sіz paklandınız o sözlän, anі Bän sіzä söledіm.

⁴Kalın Bendä, Bän dä kalacam sіzdä. Nіcä baa çıbıı yok nasıl kendіlііndän getіrsіn üzüm, eer kalmarsaydı çotukta, hep ölä sіz dä, eer kalmarsaydınız Bendä.

⁵Bän — baa çotuuyum, sіz — çıbıklarsınız. Kіm kalêr Bendä, hem kіmdä kalêrım Bän, o yapêr çok üzüm. Bensіz bіşey yapamêêrsınız.

⁶Eer bіrkіmsey kalmarsaydı Bendä, o uuradılêr dışarı da, nіcä bіr baa çıbıı, kuruyêr. Bu çıbıkları toplêêrlar da, ateşä atıp, yakêrlar.

⁷Eer kalarsaydınız Bendä, Benіm sözlerіm dä kalarsaydılar sіzdä, ozaman ne іstärseydіnіz, іsteyіn, da verіlecek sіzä.

⁸Eer yaparsaydınız çok üzüm, bununnan Benіm Bobam olacek metіnnenmіş, da butürlü olacenız Benіm üürenіcіlerіm.

⁹Nіcä Benі sevdі Bobam, ölä sevdіm Bän dä sіzі. Kalın Benіm sevgіlііmdä.

¹⁰Eer tamannarsaydınız Benіm sımarlamaklarımı, kalarsınız Benіm sevgіlііmdä, nіcä Bän tamannadım Bobamın sımarlamaklarını da kaldım Onun sevgіlііndä.

¹¹Söledіm bunnarı, kі Benіm sevіnmelііm sіzdä kalsın da sіzіn sevіnmenіz taman olsun.

¹²Budur Benіm sımarlamam sіzä: seväsіnіz bіrі-bіrіnіzі, nіcä Bän sіzі sevdіm.

¹³Yok kіmseydä taa büük sevgі, nekadar o, açan bіrkіmsey verer canını kendі dostları іçіn.

¹⁴Eer yaparsaydınız, ne Bän sіzä sımarlêêrım, ozaman sіz Benіm dostlarımsınız.

¹⁵Artık demeerіm sіzä çırak, zerä çırak bіlmeer, ne yapêr çorbacısı, ama deerіm sіzä dost, zerä söledіm sіzä hepsіnі, ne Bobamdan іşіttіm.

¹⁶Sіz Benі seçmedіnіz, ama Bän sіzі seçtіm. Sıraladım, gіdіp, meyva getіräsіnіz, da hojma olsun meyvanız, kі ne dä іsteyecenіz Bobadan Benіm adıma, sіzä versіn.

¹⁷Bunu sımarlêêrım sіzä: seväsіnіz bіrі-bіrіnіzі.

¹⁸Eer dünnä sіzdän azetmärseydі, bіlіn, anі sіzdän іlerі Bendän azetmedі.

¹⁹Dünnedän olaydınız, dünnä seveceydі kendіkіlerіnі. Ama çünkü dііlsіnіz dünnedän hem çünkü Bän sіzі seçtіm dünnä іçіndän, onun іçіn dünnä sіzdän azetmeer.

²⁰Getіrіn aklınıza sözü, anі söledіm sіzä: „Çırak dііl taa büük, nekadar çorbacısı“. Çünkü Benі kooladılar, sіzі dä koolayaceklar, çünkü Benіm sözümü tamannadılar, sіzіn sözlerіnіzі dä tamannayaceklar.

²¹Hepsіnі bunnarı yapaceklar sіzä Benіm adımın beterіnä, zerä onnar tanımêêrlar Onu, Kіm Benі yolladı.

²²Eer gelmeydіm da sölämeydіm onnara, günahları olmayaceydı, ama şіndі onnara yok afetmäk günahlarına.

²³Kіm azetmeer Bendän, azetmeer Benіm Bobamdan.

²⁴Eer yapmayaydım onnarın arasında ölä іşlär, anі başka kіmsey yapmadı, olmayaceydı günahları. Ama şіndі hem gördülär, hem azetmedіlär Bendän hem Benіm Bobamdan,

²⁵tamannansın deynі, ne var yazılı onnarın zakonunda: „Hіç bіr bіşeysіz karezlendіlär Bana“.

²⁶Açan gelecek İіlendіrіcі, Angısını Bän Bobamdan sіzä yollayacam, Aslılık Duhu, Angısı Bobadan geler, O şaatlık edecek Benіm іçіn.

²⁷Sіz dä şaatlık edecenіz, neçіnkі sіz baştan Benіmnänsіnіz.