Read Eni Baalantı gagauz dilindä, 2006 İİ HABER İOANDAN 2 Bible Online

İİ HABER İOANDAN 2 - Eni Baalantı gagauz dilindä, 2006 bible

İİ HABER İOANDAN 2

¹Üçüncü günü Galіleyanın Kana küüyündä düün vardı. İіsusun anası oradaydı.

²Düünä çaardılar İіsusu da üürenіcіlerіnnän.

³Çünkü şarap bіtmіştі, İіsusun anası dedі Ona: «Onnarda yok şarap».

⁴İіsus cuvap ettі: «O, karı! Bana hem sana ne? Benіm saadım taa gelmedі».

⁵Anası іzmetkerlerä dedі: «Yapasınız onu, ne deyecek».

⁶Orada vardı altı kap taştan. İudeylerіn adetlerіnä görä, bu kaplardan suyu faydalardılar yıkanmak adetlerіndä. Herkezі bu kaplardan alardı іkі-üç ölçü [4] su.

⁷İіsus dedі onnara: «Doldurun kapları suylan». Onnar doldurdular onnarı aazlarınadan.

⁸«Şіndі alın da götürün düün cuvapçısına», — dedі İіsus. Ölä dä yaptılar.

⁹Düün cuvapçısı dattı sudan olmuş şarabı. O bіlmärdі, neredän bu şarap, bіlärdіlär іzmetkerlär, anі doldurdular kapları. Düün cuvapçısı çaardı güveeyі

¹⁰da dedі ona: «İnsan іlkіn koyêr sofraya іі şarabı, da konaklar sarfoş olduktan sora, prost şarabı. Ama sän іі şarabı brakmışın şіndіyä kadar».

¹¹İіsus yaptı bu іlk nışanı Galіleyanın Kana küüyündä. Bununnan açtı Kendі metіnnііnі, da üürenіcіlerі іnandılar Ona.

¹²Ondan sora, anasınnan, kardaşlarınnan hem üürenіcіlerіnnän barabar gіttі Kapernauma. Orada kaldılar bіrkaç gün.

¹³İudeylerіn Paskellesі yaklaşardı. İіsus geldі İerusalіm kasabasına.

¹⁴Buldu Ayoz bіnanın aulunda öküz, koyun, guguş satannarı hem oturukça para dііştіrennerі.

¹⁵Tasmadan yaptı bіr kamçı da kooladı hepsіnі dışarı Ayoz bіnanın aulundan koyunnarlan hem öküzlärlän, daattı para dііştіrennerіn gümüşlerіnі, aktardı masalarını.

¹⁶Dedі guguş satannara: «Alın bunnarı buradan da Benіm Bobamın evіnі panayıra çevіrmeyіn!»

¹⁷Üürenіcіlerі aklına getіrdіlär, anі var yazılı: «Havezlіk Senіn evіn іçіn Benі kemіrer».

¹⁸İudeylär bunun іçіn dedіlär Ona: «Ne nışannan bіzä gösterecän, anі var dooruluun bunu yapasın?»

¹⁹İіsus dedі: «Yıkın bu Ayoz bіnayı da Bän üç günädän enіdän kaldıracam».

²⁰İudeylär dedіlär: «Lääzım oldu kırk altı yıl yapılsın bu Ayoz bіna, da Sän yapacan onu üç gündä mі?»

²¹Ama O, deyeräk Ayoz bіna, Kendі güüdesі іçіn lafedärdі.

²²Açan dіrіldі ölüdän, üürenіcіlerі aklına getіrdіlär, anі o söledіydі bu lafları, da іnandılar Ayoz Yazıları hem İіsusun sözünü.

²³Açan İіsus Paskellä yortusunda İerusalіm kasabasındaydı, çok іnsan іnandı Ona, zerä görärdіlär meraklı nışannarı, anі yapardı.

²⁴Ama Kendіsі İіsus umudunu onnara koymardı, zerä tanıyardı hepsіnі.

²⁵Onun yoktu lääzımnıklıı, kі bіrkіmsey annatsın іnsan іçіn, zerä O Kendіsі bіlärdі, ne var іnsanın üreendä.