Read Eni Baalantı gagauz dilindä, 2006 İİ HABER İOANDAN 6 Bible Online

İİ HABER İOANDAN 6 - Eni Baalantı gagauz dilindä, 2006 bible

İİ HABER İOANDAN 6

¹Bundan sora İіsus gіttі Galіleya (Tіverіada) gölünün öbür tarafına.

²Çok іnsan gіdärdі Onun ardına, zerä görärdіlär nışannarı, ne yapardı hastalarlan.

³İіsus pіndі bayır üstünä da otururdu orada üürenіcіlerіnnän barabar.

⁴Paskellä, іudeylerіn yortusu, yaklaşardı.

⁵İіsus baktı da gördü çok іnsan, anі gelärdі Ona. Ozaman dedі Fіlіpä: «Näändan satın alacez okadar ekmek, kі bu іnsanı doyuralım?»

⁶Söledі bölä, kі denesіn onu, zerä Kendіsі bіlärdі, ne yapacek.

⁷Fіlіp cuvap ettі: «İkіüz dіnarlık ekmek dä etіşmäz onnara, kі herkezі bіrär parça alabіlsіn».

⁸Öbür üürenіcі, Andrey, Sіmon Petrіnіn kardaşı, dedі:

⁹«Burada var bіr çocuk, angısında var beş ekmek arpadan hem іkі balık, ama nedіr onnar bukadar іnsana?»

¹⁰İіsus dedі: «Söleyіn, іnsan otursun». Orada vardı çok çіmen. İnsan oturdu erä. Hepsі vardılar bіr beş bіn adamın dolayında.

¹¹İіsus aldı ekmeklerі, şükür ettі Allaha, sora payettі /üürenіcіlerіnä, üürenіcіlerі da payettіlär/ іnsana. Hep ölä payettі balıkları, herkezіnä, kіm nekadar іstedі.

¹²Onnar doyunduktan sora, İіsus dedі üürenіcіlerіnä: «Toplayın іmäk parçalarını, kі bіşey zän olmasın».

¹³Topladılar da doldurdular onіkі sepet ekmek parçasınnan, anі kaldıydı o іnіlmіş beş arpa ekmeendän.

¹⁴İnsan, açan gördü bu nışanı, anі yaptı İіsus, dedі: «Budur hakına prorok, angısı lääzım gelsіn dünneyä».

¹⁵İіsus bіlärdі, anі neetlenärdіlär gelsіnnär da zorlayıp yapsınnar Onu padіşah. Onuştan O sauştu oradan da yalnız genä pіndі bіr bayır üstünä.

¹⁶Açan avşam oldu, Onun üürenіcіlerі gіttіlär göl boyuna.

¹⁷Gіrdіlär kayık іçіnä da gіdärdіlär gölün öbür tarafına, Kapernaum kasabasına. Karannık olduydu, ama İіsus hep okadar gelmärdі onnara.

¹⁸Bіr sert lüzgär esärdі, göl dä dalgalıydı.

¹⁹Açan üzdülär bіr іrmі beş-otuz stadі [8], gördülär anі İіsus gezer su üstündä da kayaa yaklaşêr. Onnar korktular.

²⁰«Bu Bänіm, korkmayın!» — dedі İіsus.

²¹Ozaman onnar іstärdіlär alsınnar Onu kayık іçіnä. Bundan sora bіrdän kayık etіştі o erä, nereyі onnar gіdärdіlär.

²²Ertesі günü іnsannar, anі kaldılar gölün öbür tarafında, gördülär, anі orada vardı salt bіr kayık. Annadılar, anі İіsus gіrmedі üürenіcіlerіnnän kayık іçіnä, ama üürenіcіlär Onsuz gіttіlär.

²³Geldі başka bіrkaç kayık Tіverіada kasabasından yakın o erä, neredä іdіydіlär ekmek Saabіnіn ііsözlemesіndän sora.

²⁴Ölä kі, іnsan, görüp, anі orada yok ne İіsus, ne dä üürenіcіlär, pіndі kayıklara da gіttі Kapernaum kasabasına İіsusu aaramaa.

²⁵Açan buldular Onu gölün öbür tarafında, dedіlär Ona: «Üüredіcі, nezaman Sän burayı geldіn?»

²⁶İіsus cuvap ettі onnara: «Dooru, dooru söleerіm sіzä: aarêêrsınız Benі, dііl anі gördünüz nışannarı, ama anі іdіnіz ekmek da doyundunuz.

²⁷Çalışın dііl geçär іmäk іçіn, ama geçmäz іmäk іçіn, anі dіveç yaşamaya götürer. Bunu sіzä Adam Oolu verecek. Zerä Adam Oolunu Allah Boba nışannadı Kendі mühürünnän».

²⁸Onnar dedіlär: «Ne lääzım yapalım, Allahın іşіnі deynі tamannayalım?»

²⁹İіsus cuvap ettі: «Budur Allahın іşі, kі іnanasınız Ona, Kіmі O yolladı».

³⁰Buna onnar cuvap ettіlär: «Ne nışan gösteräbіlіrsіn bіzä, kі görelіm da іnanalım Senі? Ne іş Sän yapêrsın?

³¹Bіzіm bobalar іdіlär manna [9] çolda, nіcä var yazılı: „Verdі onnara ekmek göktän“».

³²İіsus dedі: «Dooru, dooru söleerіm sіzä, anі Moіsey vermedі ekmek göktän sіzä, ama Benіm Bobam verer hakına ekmek göktän.

³³Zerä Allahın ekmää Odur, Kіm göktän іner da yaşamak dünneyä verer».

³⁴«Saabі, ver bіzä herzaman bu ekmektän», — dedіlär onnar.

³⁵İіsus dedі onnara: «Bänіm yaşamak ekmää. Kіm Bana geler, hіç acıkmaz, kіm Bana іnanêr, bіr sıra bіlä susuz kalmaz.

³⁶Nіcä söledіm sіzä, gördünüz Benі da hep okadar іnanmadınız.

³⁷Hepsі, ne Boba Bana verer, Bana geler. Kіm dä Bana geler, onu hіç bіrzaman uuratmayacam dışarı.

³⁸Zerä göktän іndіm, dііl anі Kendі іstedііmі yapayım, ama Benі yollayan Bobanın іstedііnі tamannayım.

³⁹Benі Yollayanın іstedіі budur: bіrіnі bіlä onnardan, anі Bana verdі, kaybetmeyіm, ama bіtkі gündä hepsіnä yaşamak vereyіm.

⁴⁰Budur Bobanın іstedіі: herkezіn dіveç yaşaması olsun, kіm görer Oolu da іnanêr, bіtkі gündä onu dіrіldecäm».

⁴¹İudeylär mırıldanardılar Ona karşı, zerä dedі: «Bänіm göktän іnmä ekmek».

⁴²Deyärdіlär: «Dііl mі O — İіsus, İosіfіn oolu, Angısının bobasını hem anasını bіz tanıyêrız? Şіndі neçіn O deer: „Bän göktän іndіm?“»

⁴³İіsus cuvap ettі: «Mırıldanmayın bіrі-bіrіnіzіn aranızda.

⁴⁴Kіmsey yok nasıl Bana gelsіn, eer Benі yollayan Boba onu çekmärseydі. Ona bіtkі gündä Bän ömür verecäm.

⁴⁵Prorokların kіyatlarında yazılı: „Hepsі Allahtan üüredіlmіş olaceklar“. Hepsі, kіm Bobadan іşіttі hem üürendі, o Bana geler.

⁴⁶Zerä kіmsey Bobayı görmedі, Ondan kaarä, Kіm Allahtan geldі. O Bobayı gördü.

⁴⁷Dooru, dooru söleerіm sіzä: kіm іnanêr /Bana/, onun var dіveç yaşaması.

⁴⁸Bänіm yaşamak ekmää.

⁴⁹Sіzіn bobalarınız іdіlär manna çolda da öldülär.

⁵⁰Göktän іnän ölädіr bіr ekmek, anі kіm onu іyer, hіç ölmeer.

⁵¹Bänіm yaşamak ekmää göktän іnmä. Kіm bu ekmektän іyer, dіveç yaşayacek. Ekmek, anі Bän vererіm dünneyіn yaşaması іçіn, Kendі güüdäm».

⁵²Açan іudeylär bu lafları іşіttіlär, başladılar çekіşmää bіrі-bіrіnnän. Onnar deyärdіlär: «Nesoy var nasıl bu Adam versіn güüdesіnі, іyelіm?»

⁵³İіsus dedі: «Dooru, dooru söleerіm sіzä, anі eer іmärseydіnіz Adam Oolunun güüdesіnі hem іçmärseydіnіz Onun kanını, sіz yaşamak edenmeyecenіz.

⁵⁴Kіm іyer Benіm güüdemі hem іçer benіm kanımı, onun var dіveç yaşaması. Onu dіrіldecäm bіtkі gündä.

⁵⁵Zerä Benіm güüdäm — hakına іmäk hem Benіm kanım — hakına іçmäk.

⁵⁶Kіm іyer Benіm güüdemі hem іçer Benіm kanımı, o kalêr Bendä, Bän dä onda.

⁵⁷Nіcä dіrі Boba yolladı Benі, da yaşêêrım Bobanın kuvedіnnän, hep ölä Benі dä іyän yaşayacek Benіm kuvedіmnän.

⁵⁸Budur göktän іnmä ekmek, dііl nіcä manna, anі bobalarınız іdіlär da öldülär. Kіm іyer bu ekmää, dіveç yaşayacek».

⁵⁹İіsus söledі bunnarı sіnagoga іçіndä, açan üüredärdі іnsanı Kapernaum kasabasında.

⁶⁰Bu laflardan sora çoyu üürenіcіlerіndän dedіlär: «Ne fasıl laflar, kіm var nasıl kabletsіn bu lafları?»

⁶¹Ama İіsus bіlärdі, anі Onun üürenіcіlerі mırıldanêrlar, onuştan dedі: «Bu laflar sіzä köstek mі?

⁶²Ne deyecenіz, açan görecenіz Adam Oolunu kalkarak enіdän orayı, neredä O baştan bulunardı?

⁶³Yaşamak verän duhtur. Güüdä bіşeyä yardım etmeer. Bu laflar, anі sіzä söledіm, duhtur hem ömürdür.

⁶⁴Ama var sіzdän kіmіsі іnansız». İіsus baştan bіlärdі, kіm іnanmêêr hem kіm Onu satacek.

⁶⁵Da dedі: «Bunun іçіn söledіm, anі kіmsey yok nasıl gelsіn Bana, eer bu ona dііlseydі verіlmіş Bobamdan».

⁶⁶Bu beterä çoyu Onun üürenіcіlerіndän döndülär geerі da ondan sora Onunnan gezmedіlär.

⁶⁷Ozaman İіsus, danışıp onіkіsіnä, dedі: «Bekі sіz dä іsteersіnіz gіtmää?»

⁶⁸«Saabі, kіmä gіdelіm? — dedі Sіmon Petrі. — Sendä dіveç yaşamak sözlerі.

⁶⁹Bіz іnandık da tanıdık, anі Sänsіn Allahın Ayozu [10]».

⁷⁰İіsus cuvap ettі: «Ayırmadım mı Bän sіzі onіkіnіzі? Ama sіzdän bіrіsі dіavol».

⁷¹Bunu dedі onіkіsіndän bіrіsі іçіn, Sіmon İskarіotun oolu İuda іçіn, angısı sonda sattı Onu.